ارجو المساعدة والدعاء

[مشكلتي]

السلام عليكم
انا شخص في 35 من العمر جامعي موظف ولي مداخيل محترمة من نشاطات امرسها خرج اوقات العمل مشكلتي لم اتزوج بعد لم يسبق لي ان اقمت علاقة من ذي قبل بحثت عن فتاة بمفردي في العمل لا استطيع ان اتزوج فتاة كانت تعمل معي اما الجامعة فلا استطيع الذهاب اليها لاني احس اني متشرد وهذا التصرف غير محترم ولا يليق بسني اما الاصدقاء فلااتحدث معهم في هذه الامور وكل من تطلب نصيحته يدلك على قريبته او اخته الاهل لا استطيع ولا احب اشراكهم في اموري الشخصية لذلك بحثت وبحثت عن فتاة تكون متجلببة او بدرجة اقل تلبس حجاب فضفاض متوسطة الجمال ففي بعض الاحيان اجد هذه المواصفات لكن لا اسطيع الوصول اليها لذلك اردت مساعتكم :
- هل استطيع سؤال مثلا اخت عن عنوان وليها
- هل مثلا اذ ا وجدت عنوان وليها استطيع ان افاتحه بالموضوع بنفسي دون الاستعانة بالاهل كمرحلة اولى'' لاني لا اريد وضع امي في حالة ضغط وخصوصا ان لاشيء رسمي''
- هل الفتاة لا تحبذ السن الكبير للرجل


وشكرا لكم ارجو حذف الموضع بعد اسبوع ان امكن

[rima32]

35سنة سن مناسب جدا للزواج يمكن انتساعدك امك او احدى اخواتك اواحد الاصدقاء ممن تثق فيهم مبروك مسبقا

[جنى الجنتين]

السلام عليك يا اخيي الكريم اردت فقط القول اني ارى السن المناسب للرجل من 30 فما فوق شخصيا احب هاذ السن لان الرجل يكون فيه مؤهل لتحمل المسؤولية و اهم حاجة

يكون خرج من المراهقة نوعا ما اما قضية البحث فاسال الله ان يسهل عليك ويرزقك الزوجة الصالحة

[zakia ak]

ناس بكري يقولو الراجل يعيب جيبو وانت والحمد لله قادر ماديا على فتح بيت وتحمل مسؤو لية الاسرة اما بالنسبة لسنك فهو مناسب جدا لان الراجل كيما يقولو بالعامي ما يطيحش اما المراة فتكبر بسرعة عكس الرجل توكل على الله فانت في سن مناسبة وستجد بدل الواحدة عشرة

[تاج الهناء]

يا اخي الخطوات المتعارف عليها للبحث على بنت الحلال هي انك لما تشوف وحدة تميزها مليح تشوف لبستها سلوكها هدرتها و معاملاتها مع الناس لازمك تعرف الطفلة وين تقرا و الا وين تخدم ومع من تخدم تقدر انت تسقسي عليها وش تحب وشكون تحب الناس راهي تعرف بعضاها من الاحسن يكون راجل رزين وكبير ويقول الصح
ماهوش عيب اذا عاونوك الاصدقاء و الا العايلة
ركز مليح على وش قلتلك لازم تسقي على الطفلة قبل ما تصدم ما يغركش المظهر يا ما تحت السواهي دواهي المهم التربيه و المعاملات
ربي يسهلك ويلاقيك بشريكتك عاجلا غير اجلا يارب

[- بصمة خير -]

و انت واش فيها اذا واحد قالك على اخته او بنت خالتو او او او
وين راه العيب؟؟؟؟
وين راه الغلط؟؟؟
خايف اذا قالك عليها يعني لازم تقبل
ممنوع الرفض؟؟؟
فهمهم الامور كيفاه تمشي
ممكن الرفض منك او منها
شروطك للبنت عادية لكن شروط طريقة الزواج صعيبة

في كل الاحوال هذا مكتوب
و هذه اسباب فقط حتى يجي وقت مكتوبك
و مكتوب راه في مكان ما راهي حتى هي تقول وين راه مكتوبي
لاه مازال ماجاش

الله يسهلك و يفرحك ييارب
سهلها تسهال صعبها تصعاب

[rose de sable s]

عادي يا اخي الكريم
ادا شفت فناة ارتاح لها قلبك واعجبتك وفيها شروطك تكلم معها وقل ان قصدك شريف
لكن كاين لي تقبل وكاين لي لا تقبل او اقصد بيتهم اتبعهم اليه وتكلم مع والدها عادي
ربي يسهلك و يرزقنا اجمعين

[RAHETBAL45]

اظن انها ليست مشكلة عويصة اخى فمثل ما كاين ولاد الحلال كاين كذلك بنات الحلال وانت لديك كل الحلول المطروحة ممكن تسنعين بمن تجده ثقة ليساعدك فى امرك حسب شروطك او ان تتولى انت المهمة لنفسك فاكيد انك ستجد من توالمك ولكن بشرط تكون واصح من البداية ودائما نقول كن عليا تجد فاطمة

[النجمة القطبية]

شوف يا اخي بالنسبة لانك تشوف فتاة تعجبك تكلمها مباشرة كاين بزاف ميقبلوش هدي الطريقة انا شخصيا ضد هده الفكرة جملة وتفصيلا حتى لو كان الغرض شريف كيما يقولو لكن الشارع ليس مكان للمصارحة بهكدا مشاعر وان كان البعض يتقبلن الفكرة
ادن انا من رايي اتبع الاصول وتروح من الباب مدام غرضك شريف تقدر تختار وسيط مثلا ادا سمعت بفتاة عجباتك خلي واحدة من النساء تستفسر من اهلها ثم ادا جاك القبول المبدئي تقدم ويبقى عندك حرية الرفض سواء انت او الفتاة بعد الرؤية
هكدا هي راح تحترمك اكثر واهلها يحترموك اكثر لانك طرقت الباب مباشرة ومكلمتش الفتاة سرقة من وراءهم
ثالثا بخصوص السن كل طفلة وكيفاش ادا مثلا حاب تخطب بنت عمرها 20 سنة اكيد فرق كبيييير وشاسع كاين اللي تتقبلو بصدر رحب وكاين اللي ترفضو مطلقا وتخاف ترتبط بشخص بضعف عمرها امالا انت اختار سن مقبول يكون الفرق فيك معقول ونسبة القبول اوفر مثلا 26 سنة مقبولة اكثر
والا عندك حل اخر ان تجازف على امل ان تجد الفتاة اللي تحب فرق السن
بالتوفيق

[سفير الأيام]

ما توسوسش نفسك خويا والحمد لله انك تحشم وخاطيك التفيش

السن نتاعك هو المليح ما تقلقش نفسك وادا عجباتك

وحدة وشفت بلي تصلح تكون زوجة وام لاولادك ان شاء الله

تقدم اليها بلطف واسالها عن رايها في حالة تقدمك اليها

هي تجاوبك ادا واه او لالا


ادتا قالت نعم صايي بعد عليها وراك مهني بلي هدي حابة تبني معاك الدار


روح اقصد بباها وخير الامر بعد الصلاة اين يصلي استسمحه في لحظات واطرح عليه الامر


لا تعقد الامر انت راك جاي للحلال ماكش جاي تلعب على بنته


بصح خويا ادا ما قبلش غير نحي الامر من راسك وما تلسقش فيها على جال باه ما تمرضت

من ترك شيئا لله عوضه الله خيرا منه


ربي يوفقك


واش خويا راجل ولا بطلنا