اختكم محتاجة للمساعدة

[وناسة مريم]

السلام عليكم خواتي راني محتاجة لنصيحتكم انا ام لاربعة اطفال تلات ذكور وبنت عمرها خمسة أشهرهما نحب النظافة والترتيب داري كبيرة وتعبت مللي نوض حتى نرقد وانا واقفة وداري ماتتنظمش وليت غير العياط الحس فالدار معاملتي مع اولادي بالحس والعياط هادي الفترة راني تعبانة تعبانة خواتي اللي تقدر تعاوني حتى بنصيحة واش نعمل كيفاه نتصرف راني نستنى و شكرا

[زيان.]

ربي يحسن عونك يا اخيتي

[ام اسحاقو]

اختي لازم تنظيم الوقت هو اهم شيء واولادك علميهم ينظفو وينظمو حاجتهم وحدهم باش ترتاحي شوية وربي يفرج ان شاء الله

[حياتي كلها امل]

حاولي اختي تكلفي اولادك بعض المهام على حساب سنهم مثلا يرفدو فراشهم يرفطو طباساهم وكل شيء بالنظام اختي وحاولي متتقلقيش لانك اذا تقلقتي مش راح تعرفي تعملي والو

[جهينة اليقين]

تنظيم الوقت حاولي تبكري كي يكونو راقدين اخدمي الشغل وكي ينوضو اتلهاي بهم وادخلي معانا لدورة ام تغاريد رايحة تتنظمي اكثر باذن الله

[أم شروفة]

اولا دار فيها ذراري مستحيل تتنقى وزيد اذا كانو صغار .. ...والله لو ما تغلبتش على وسواس النظافه قريب نهبل. ...حتى بردت اعصابي اذا وسخو ننظف بعدهم ونزيد نبوسهم فوقها ..لاني تعبت من العياط واولادي صغار .ِِ...وعندي الصاله دايما نظيفه وغالقه عليها للضيوف ...وغرفه مفرغتها ليهم ...ناس بكري يقولو ما يكبر راس حتى يشيب راس ....بسطي الامور ...وراكي تربي ..وما تحس بيك غير اللي جربت الذراري صغار..بسطيها واذا كانو كبار علميهم يساعدوك...