استفسار بخصوص محل وجبات سريعة

[yacinou 32]

السلام عليكم
اخوتي انا شاب عاطل عن العمل امتلك سيارة campus 2013 وجدت محل pizzeria للكراء ب 8 ملايين في الشهر مع تسبيق مدة سنة كاملة علما ان المحل يحتوي على جميع المعدات و حتى الكراسي و الطاولات من نوع الرفيع
افكر في بيع السيارة وكراء هذا المحل
فما رأيكم هل هي فكرة جيدة ام لا ؟ علما انني لا امتلك اي خبرة في هذا المجال
و هل يمكنني ان استرجع مبلغ السيارة بعد سنة
ارجو منكم الافادة اخوتي وشكرا

[faisel101]

لازم تعرف المكان اذا مقصود من طرف الناس ولا لا
واذا المساحة تاع المحل كبيرة بحيث تستاهل دفع 8 ملايين للشهر ولا لا
واذا الماتريال تاع البيتزيريا هذي يكون حقو اكثر من 100 مليون ولا لا
كعاد حرام تبيع الطوموبيل ومن بعد تلاقي صعوبة في تسيير المحل خاصة كيما تفضلت وقلت بلي ما عندكش خبرة
لأنو فوق الحساب تاع 8 ملايين للشهر دي حساب تاع الخدامة والكهرباء والغاز
لوكان جا عندك راس مال بلا ما تضطر تبيع الطوموبيل نقولك توكل على ربي بصح صعيبة تخاطر وتبيع الطوموبيل على جال بيتزيريا وفي الاخير مش راح تملك الماتريال , راح تبقى تكري فيه برك
وزيد شوف بقية الاعضاء وش ينصحوك
انا في رأيي بما انك عندك طوموبيل شوف كاشما تدبر رقم تاع طاكسي واخدم بيها حتى يفرج عليك ربي براس مال وخدمة تانية
وربي يفتح علينا وعليك

[rahil malak]

مع اني منفهمش في التجارة مي اخي راهي باينة ترجع حق السيارة و اكثر ان شاء الله و خاصة ايلا كان المكان مليح و يجدب الزبائن انا من عندي متراطيش هاذي الغرصة زوجي ميخدمش لوكان كان عندنا سيارة و لقينا فرصة كيما هادي والله غير نتوكل على ربي و نبدا لانو ينقصك غير المواد الاولية برك باه تبداء على بركة الله و بالتوفيق

[yacinou 32]

شكرا اخوتي ان شاء الله نزيد نشوف اراء ناس وحدخرين هنا فالمنتى هكدا باه نتخذ قرار رسمي

[yacinou 32]

49 قراءة و 2 ردود
افيدونا من فضلكم اخوتي

[karime amrs]

سلام عليكم
على حساب سؤالك فهمت انك تملك 96 مليون مبلغ الكراء + سيارة
نصيحتي ليك كالتالي
دعك من الاطعام السريع
شوف اشري سيارة اخرى و دير وكالة لكراء السيارات افضل بكثير من الاطعام
تخدم بسيارتين و نفترض كراء 4000دج للسيارة معناها عندك 8000دج يوميا و تقدر تطور اعمالك و تزيد سيارات اخرى مع الوقت
ما تنساش بلي الطلب على كراء السيارات ينخفض نوعا ما في الشتاء لكن الطلب يكون قوي في الربيع و الصيف الافراح و غيرو
كراء محل بسيط مافيه تجهيزات كبيرة مكتب + كمبيوتر عادي + الة طباعة فقط
و توكل على الله
هذي مجرد نصيحة واتمنى انني افدتك
ربي يكون في عونك اخي

[yacinou 32]

شكرا اخ karim
لكن انا لا املك 96 مليون بل اريد بيع السيارة لاحصل على هذا المال
فأنا كما اوضحت لا املك رأس مال

[zdadra]

سلام خويا
مابيد فيك المعدات كامل معناتها كان يخدم ديجا و عندو سمعة تاعو عند الناس
نتا زيد سقسي ادا كان فيه الغاشي و شوف لبلاسة تاني ادا قدام اري دو كوس و لا ليسيس و لا مارشي.....راك تعرف
مام انا حاب نديماري بتزيريا البيتزيريا بربي فيها خير كبير و تشري حتى gt-line ماشي غير campus
معليش تقولنا وين لبلاسا بلاك نخدموها كيف كيف ادا كتب ربي
لمليحة قاع صلي الاستخارة و راح تبانلك انشاء الله و ربي يوفقك

[athena7red]

ربما ادفعك لهذا المشروع و ازيدك ان تبدل قليلا البيتزيريا...كاضافة الساندويش و المثلجات. اهم سلعة الراحة للزبون و السمعة المثالية للمحل

[غربي قادة]

لا انصححك اخي بهذه التجربة
اولا ليس لديك خبرة في هذا المجال
ثانيا الكراء غالي بزاف لانو ماراحش تمتلك الماتريال
اقصى تقدير راح ترجع راس ماالك بعد مشقة العمل طوال السنة
لانو دير في بالك بلي الكراء 8 ملايين الخدام 3 ملايين في الشهر الغاز و الكهرباء 1 مليون في الشهر
المجموع 12 مليون في الشهر
لا انصحك اخي و انت تعرف منطقتك

[lahouazi 16]

أنا أقترح عليك أن تبحث عن شريك يعرف هاد الخدمة بيتزيريا أحسن وإذا بدأت عليك تنويع المأكولات وزيد آلة قهوة ... اخدم كلش واتكل على الله

[edelweiss_dz]

بالتوفيييييق

[أم سلوى]

غالي الكراء بزاف...
تخاطر بسيارتك؟؟؟