رأيكم يهمني

مشكلتي · 2016-09-24, 15:04

السلام عليكم ورحمة الله وبركاته
سأحاول الدخول في الموضوع مباشرة حتى لا أطيل عليكم .
انا فتاة عمري 27 سنة اعمل استاذة بولاية الاغواط تقدم لخطبتي شاب عمره 33 سنة يعمل نجار ودخله محدود مستواه الدراسي ثانوي . الامر الذي اربكني انه من عائلة أمازيغية من ولاية تيزي وزوا وعائلته لا يفهمون العربية ولا يتكلمون بها اقصد الوالدين اما هو واخواته تعلموا التكلم بها مأخرا فقط وانا لا افهم الامازيغية .
والامر الثاني الذي اربكني اكثر انني اعمل في الاغواط ومن الصعب تحويل عملي الى العاصمة اين يريد هو الاستقرار الا بالمعريفة كما تعلمون ,
استخرت الله ولا اعلم ماذا افعل هل اقبل ام ارفض وخاصة ان عائلتي تركواالقرار لي بعدما سألوا عن الشاب ووجدوا انه لا بأس به من ناحية الاخلاق وانسان طيب ميسور الحال ليس له سكن اخبرهم انه يريد الكراء ,
افيدوني رجاءا برأيكم

نور لاتراه · 2016-09-25, 06:57

السلام عليكم
استخيري

حاملة المصحف · 2016-09-25, 08:21

وعليكم السلام
اختي نظن مشكلتك الوحيدة هي العمل ان شاء الله ربي يسهلك و يتم تحويلك بسهولة
اما قضية اللهجة مدام هو حيكون معاك اكيد حتى انتي رح تهزي لهجتهم
و استخيري اختي
ربي يكون الي فيه الخير ان شاء الله

محمد جديدي التبسي · 2016-09-25, 11:08

النجار دخله افضل من الاستاذ
اما قضية اللهجة والعقلية فيمكنك الاندماج مع الوقت المهم في اخلاق الرجل وسمعته اسألوا عنه جيدا
ربي يفتح عليك

ساجده 82 · 2016-09-25, 13:30

ياختي مساله الخدمه مانقدرش نفيدك
واكن اللهجه عادي انا وزوجي مانهدروش نفس اللهجه .ومانعرفهاش ولكن اغلبيه اهل زوجي يتكلمو لهجتي ولكن يهدروها غي معايا بسن بعضاهم لالا راح تتعودي .انا زوجي يهدر لهجتي .ههه والعادات والتقاليد طبعا حتى وتتزوجي لولد مدينتك تلقايهم يختالفو على داركم. ربي يسهلك

~~خالد عنابي2~~ · 2016-09-25, 14:45

ياو فكي عليك ودعكي من الاجابات المثالية

زبدة ذايبة · 2016-09-25, 17:20

الأصل في الزواج هو اختيار ذات الدين في المرأة

واختيار ذو الخلق والدين في الرجل

غير هذين المعيارين ماكاين حتى حاجة تصلح

اللهجة أو اللغة عمرها ماكانت عائق في الزواج

وماشي هي اللي تحدد مدى نجاح الزواج

تزوجو بيهم من عايلة وحدة والمشاكل مايحلها غير رب العالمين

طلقوا وماسلكوش

يعني ماكالاه ديري عوائق وهمية وتفسدي على روحك هذ الفرصة

ماراكيش رايحة تهدري معاه بالأمازيغية عن نشأة هذا اللغة

ولا راكي رايحة تروحي لتيزيوزو باش ديريلهم محاضرات وندوات بهذ اللغة

ياربي برك تهدري على البركوكس والتيكربابين وكيفاش يديرو أغروم

والشربة تاع القبايل وشربة تاع البساكرة وتاع ناس لغواط

وتهدريلوا على les medelles تاع الديكورات

وتهدريلوا واش دارو فيك التلاميذ والشيخات اللي معاك

هذا وش رانا نهدرو مع أزواجنا حتى يقولولنا اسكتوا صدعتونا

27 سنة ماراكيش صغيرة العام الجاي 28 -29-30

المهم:

إذا كان صالح توكلي على رب العالمين

يكون يصلي ويحافظ على صلاته

يكون إنسان مستقيم وأخلاقه حسنة

إذا كان صالح اوزنيه بالذهب وماتخافيش

وإذا كان غير ذلك والله وين يروح مايصلحش سواء كان عربي ولا حتى أجنبي

فكري مليح والاستخارة طبعا الأمر مفروغ منه

الناس كامل تعرفها

ربي يهنيك

دنيا الامل 18 · 2016-09-25, 17:51

لستخيري الله