سلام عليكم يا ملكات الطبخ
اليوم عيد ميلاد زوجي ، عملتلو تارت قلت نشارككم بيها
الي حبت تجربها على ضمانتي ذوق رائع.
ماقدرتش نصورلكم المراحل لاني كنت مستعجلة المرة الجاية انشالله نصورلكم الخطوات.
المقادير
عجينة الجينواز:
5بيضات. كاس سكر حرش. كاس فرينة. مايعادل 125غ.رشة ملح.
نخلط البياض مع السكر و رشة الملح حتى يتضاعف حجمه.
نضرب الصفار وحدو ثم نضيفو للبياض ونواصل الخلط. ثم نضيف الفرينة و نخلط من تحت للفوق باش نحافظ على قوامها.
نحطها تطيب في الفرن.
كي خرجتها قسمتها الى 5طبقات.
السيرو: كاس ماء. نصف كاس سكر و عصرة تاع ليمون، و نحطو يغلي شوي مانخليهش يعقد.
كريمة الليمون. :
عصير نصف حبة ليمونة كبيرة تقريبا نص فنجان، نصف كاس سكر، بيضة كاملة، صفار بيضة واحدة
نحط العصير عاى نار هادية ومن جهة نخلط السكر و البيض شوي برك قيس مايدفى العصير و نضيفهم ليه و نبقى نحرك بملعقة الخلط حتى يعقد شوي ونحيه نضيفلو ملعقة زبدة ونفرغها في صحن ونغطيها بورق الفيلم ونحطها في الثلاجة تبرد
كريمة الزبدة:
125غ زبدة 125غ سكر رطب، 2ملاعق عسل.
نضرب الزبدة والسكر بالخلاط وفي الاخير نضيفلهم العسل.
ڨناش الشوكولا بدون كريمة:
250غ شكولا .ثلثي كاس حليب. ملعقة زبدة. ونذوبهم على حمام مائي. لازم نتحصلو على قوام مليح.
نروحو الان للتطبيق
نحط الطبقة الولى نرشها بشوي سيرو وندهنها بكريمة الزدة
نحط فوقها الطبقة الثانية نرشها بالسيرو و ندهن بكريمة اليمون
نفس الشي للطبقة الثلثة لكن ندهنها بكريمة الشانتي
الطبقة الرابعة بكريمة الليمون
والطبقة الخامسة ندهنها كامل حتى الجوانب بكريمة الزبدة
ونصب فوقها ڨناش الشوكولا
نحطها تبرد باه تجمد الشوكولا ونحط الڨناش الباقي يبرد باه نقدر نشكل بيه ورود ....للزينة
هذا الشكل النهائي.
( تقرير عن مشاركة سيئة )، و الموجودة أسفل كل مشاركة .
2016-03-04, 16:45
تارت الشوكولا بكريمة الليمون مممم
العرض العادي
