جيت قاصدة بابكم عاونوني يالفحلااات

*سندوسة* · 2016-12-26, 10:48

حبيباتي السلام عليكم مرحبا بلي يعرفوني ولي مزااال
بغيتكم تعاونوني هذا امر يهمني بزاااااف
انا من الغرب الجزائري من بلعباس وادا كتب ربي نروح عروسة لقسنطينة ادا ربي تمم على خير
بغيتكم تحطولي وصفااات للاطباق القسنطينية وتكون مجربة وناجحة وخصوصا التقليدية

مانروحش منا من المنتدى حتى نتعلمهم هههه من فحلااات بلادي
راني هنا نستنى وشكرا لكل وحدة باغية تساعدني ولا تشجعني ولو بكلمة

nihal159 · 2016-12-26, 10:56

ألف مليون تريليون مبروك؛ ربي يتمم على خير إن شاء الله.
إن شاء الله إذا سهل ربي كل ماندير طبق تقليدي قسنطيني نحطلك الطريقة و صورة الطبق؛ أنا من سكيكدة لكن مطبخنا التقليدي هو نفسو المطبخ القسنطيني.

*سندوسة* · 2016-12-26, 11:01

اقتباس:

المشاركة الأصلية كتبت بواسطة nihal159

ألف مليون تريليون مبروك؛ ربي يتمم على خير إن شاء الله.
إن شاء الله إذا سهل ربي كل ماندير طبق تقليدي قسنطيني نحطلك الطريقة و صورة الطبق؛ أنا من سكيكدة لكن مطبخنا التقليدي هو نفسو المطبخ القسنطيني.

اهلااااا حبيبت قلبي نهال الله يسلمك
و ربي يحفظك ويهنيك كلامك فرحني وشجعني باش نتعلم
براحتك وقت ماتكوني ألاز زوري موضوعي
بارك الله فيك

om obaida · 2016-12-26, 11:06

الف الف مبروك منعفش اطباق قسنطينة لكن راحة ندخل باه نتعلم معاك خخخخخ وربي يهنيك

حقة ونتي واش اداك لثمه

*سندوسة* · 2016-12-26, 11:10

اقتباس:

المشاركة الأصلية كتبت بواسطة om obaida

الف الف مبروك منعفش اطباق قسنطينة لكن راحة ندخل باه نتعلم معاك خخخخخ وربي يهنيك

حقة ونتي واش اداك لثمه

ربي يبارك فيك حبيبتي
يعني ربما كاين اطباق مشتركة بينكم وبين ناس قسنطينة تقدرو تفيدوني بيها على خاطرش حنا فالغرب مانديروش المعجنات بزاااف وتاني شربات لفريك وشخشوخة ظفر وماعلاباليش تاني وسفيرية ووو

والله يا اختي مكتوب ربي لكن الموضوع مزال في بدايته قلت نغتنم الفرصة ونتعلم ادا وفقنا ربي اللهم بارك

nihal159 · 2016-12-26, 11:23

فكرتيني يا سندوسة يفكرك ربي فالشهادة؛ عندي كتاب الطبخ القسنطيني؛ كل مرة نصورلك طبق و طريقة تحضيره؛ درك راني فالخدمة؛ لعشية إن شاء الله إذا قدرت و خلاتني بنتي ألاز راني نبدا نحطلك الكيفيات.

حياة نور الدين · 2016-12-26, 11:31

ربي يتمملك على خير حبيبتي سندوسة وراني راسلتك شوفي ورديلي
ربي يفرحك ان شاء الله

بيلسان91 · 2016-12-26, 11:31

سندوسة مبروك عليك نهار ديري عرسك عندك تنساي بش تعرضيني
اشري كتاب الطبخ القسنطيني يفيدك فيه وصفات تع الشرق

اميريم19 · 2016-12-26, 11:35

الف مبروك اختي سندوسة وربي يتمم بالخير انا عشت 5 سنوات في قسنطينة تعلمت شباح السفرة، رفيس قسنطيني وطاجين الشواء من بعد ان شاء الله يكون عندي وقت فراغ ونحطهم لك

بيلسان91 · 2016-12-26, 11:42

هام ليك صور الكتاب صورتهولك درك نهار شريتو انا شريتو ب خمس وستين الف

جنى الجنتين · 2016-12-26, 11:42

مبروك عليك سندوسة و فرحت ليك تاع الصح الله يكون في عونك من الغرب الى الشرق

om obaida · 2016-12-26, 11:43

ربي يهنيك حنونة وزيد المكتوب متعرفي وين يلوحك اناكان عني طريقة حياة مختلفة وكي تزوجت فاشرق لقيت حوايج خلاف لكن بسرعة تاقلمت خلي طيبة القلب والابتسامة برك يسيروك ورايحة توالفي من بعد نحكيلك واش صرالي في البداية