أرغب في التأخر بيوم واحد فهل من مشكلة ؟؟؟

[mo_ùh]

السلام عليكم ، انا بعتوني لإقامة طالب ع الرحمان 2 بـ بن عكنون

و كتبولي في قرار الإيواء بلي نروح 4 سبتمبر و عندي 10 ايام كحد أقصى

[IMG][/IMG]

بصح صحابي لي متفاهم معاهم على الغرفة مع بعض كاين منهم لي كتبولهم 5 سبتمبر

يسما قلت انا نروح معاهم في 5 سبتمبر باش نروحو كيف كيف و نحكمو شومبرا مع بعض ، وبالتالي لازم ندير تأخر تاع نهار

و وش رايكم خاوتي ؟ و هل راح يؤثر هذا التاخير ليوم واحد ؟ وهل ممكن أن أقابل بالرفض النهائي ؟؟

وشكرا .......

[{ حديث الوجدان }]

مادام عندك عشر أيام كحد أقصى ... تبالي عادي مافيها والووو ..

والله اعلم زيد شوف مع الاعضاء ..

[تالية القرآن]

الي يروح الاول منكم يدمندي على شمبرة تعطيهم اسماء الاشخاص
الي راح يشاركوك معاهم وانت ما عليك سوى تاخذ النمرو تاع الفيها..وتعطيه
لاصحابك يسجلو فيها

[&&رسيل النهر&&]

ايه اللي يروح اللول فيكم يقولهم الاسامي تاع اللي معاه و اذا قالولك لازم تجيو مع بعض استنى تروح معاهم خير

[mo_ùh]

وي سقسيت ثما قالولي لازم لي معاك في الغرفة يكون حاضرين و حاطين ملفاتهم ، يعني لازم نكونو حاضرين مع بعض

مشكورين خاوتي وربي يوفقكم ^^

[boumediene khalil]

لاتوجد مشكلة في تأخرك يو أو يومان المهم متفوتش الحد الاقصى 10 أيام

[black dark knight]

يا اخي تاخر يوم لا ياثر
حتى و لو جئت في اليوم العاشر فذلك لا يأثر المهم لا تفوت 10 ايام
موفق ^^

[شوشو 11]

هل مهلة 10 ايام تاخر عن الالتحاق بالجامعة.معممة على جميع الجامعات الوطنية..ام انها في واحدة دون اخرى

[mo_ùh]

المشاركة الأصلية كتبت بواسطة شوشو 11

هل مهلة 10 ايام تاخر عن الالتحاق بالجامعة.معممة على جميع الجامعات الوطنية..ام انها في واحدة دون اخرى

كل جامعة و كيفاه خويا

[A y m e n]

خوويا رحت للجامعة ؟
أنا قالولي عندك من 5 حتى 15 و حاب نطلع
الجمعة فالليل باش نوصل السبت الصباح نجيب المفتاح و الأفرشة
و نروح فالليل و لا راني طالع ورى العيد
المشكل ماعلباليش ادا يخدما ورى العيد 14 و 15 و لا نو و السبت كيفكيف يخدموا و لا ماهاه
المهم ادا رحت قولي واش درت وين رحت واش درتو

[mo_ùh]

المشاركة الأصلية كتبت بواسطة a y m e n

خوويا رحت للجامعة ؟
أنا قالولي عندك من 5 حتى 15 و حاب نطلع
الجمعة فالليل باش نوصل السبت الصباح نجيب المفتاح و الأفرشة
و نروح فالليل و لا راني طالع ورى العيد
المشكل ماعلباليش ادا يخدما ورى العيد 14 و 15 و لا نو و السبت كيفكيف يخدموا و لا ماهاه
المهم ادا رحت قولي واش درت وين رحت واش درتو

السلام عليكم خويا

أولا اكرر ان الاقامة التي انا اقصدها هي طالب ع الرحمان -2- حتى تتضح الامور

ثانيا ، وي رحت و الحمد لله جرت الأمور على احسن حال ، لكن لم يتم تسليم المفتاح ولا الافرشة و سيتم ذلك تزامنا مع انطلاق الدروس -18 سبتمبر-
و لوكان تصيب خويا روح هادو ليامات قبل العيد باش ماتوضعش نفس في موقف محرج

كل ماتم في هذه الفترة هو تقديم الملف ( لا وجود لتحاليل ولا لردايو و لا لبطاقة الزمر الدموية ) و ذلك في الإقامة ، اضافة لملء بعض الاوراق ، ثم يتم تسليم وصل صغير لك من اجل حجز الغرفة ( الغرفة ذات طالبين اثنين )

بالتوفيق اخي الكريم