مشكلة في صلة رحم

[مشكلتي]

كما أشرت في العنوان لدي مشكلة مع زوجة أخي التي تسعى و بشكل واضح إلى قطع علاقتي بأخي
أنا امرأة متزوجة كانت علاقتي بأخي قبل زواجه جيدة جدا و بعد زواجي يسنتين تزوج أخي بقريبتي و سكن في ولاية بعيدة نوعا ما بحكم عمله و كنت منذ البداية أحرص على عدم التدخل في خصوصيات أخي وزوجته نهائيا و لكن كما هو معروف للأسف الشديد العلاقات بين أهل الزوج و الكنة غالبا ما تكون شائكة فقد لاحظت أن زوجة أخي دائما جابدة روحها و لا تبوح بأي شيئ مهنا كان بسيطا في علاقتها مع زوجها و في حياتها مهما حاولت أن أتقرب منها و نبينلها أني لست بالشريرة و نعمللها غداء و عشاء كل ما جاو و نقيمها و عمري ما غلطت معاها بالكلام لكننننننننننننن
المهم قررت أني نبقي على علاقتي مليحة مع أخي و خلاص و الباقي لايهم لكن مأخرا حدثت مواقف غامضة اتصلت بأخي في الهاتف حتى نلقاه ما عرفش صوتي و يقولي شكون انت ؟ و كي قلتلو و علاش ماراكش كاتب رقمي عرف صوتي و قالي بالاك الذراري محاو رقمك و عاود سجلو
بعد أيام عاودت عيطلو تكرر نفس الموقف ! و عاود قالي بالاك الذراري لعبوا بالبورتابل و محاوه
و في العيد كيفكيف حتى لليوم الثالث باش شديتو على خاطر ماكانش يرفد علي و كي قلتلو و علاش ما عيطتش تقولي صح عيدك قالي مالقيتش رقمك عندي و أكيد ماكانش يرفد على خاطر ماعرفش رقمي و هو بحكم مركز عملو المرموق يقلقوه بزاف بالتيليفونات علابيها ما يرفدش على الأرقام المجهولة
أنا خدمتلي في راسي و حبيت نعرف يعني كامل الأرقام راهم يروحولوا و الا غير رقمي فحاولت نتصل بأخي بهاتف جدتي و بعض خالاتي فعرف الرقم عادي
و كي اتصلت بأمي قالتلي أن أخي حتى للنهار الثالث تاع العيد باش عيطلها على خاطر رقمها تمحالو و نفس الشي بالنسبة لأختي
اسمحولي راني كثرت الهدرة لكن مع التحريات لي درتها لقيت بلي الأرقام كامل ما يتمحاولوش غير أرقام أمي و أنا و أختي
مع العلم أن زوجتو كانت فالتلي من قبل أنها شحال من مرة محات أرقام نساء من هاتف أخي و هوما زميلاتو في العمل .
علابالي كاين لي راهو يقرا في موضوعي و يحسبني راني نضل نقلق في خويا و نتصل بيه في كل وقت لكن الوافع راهو العكس كي شفت العلاقة بيناتنا راهي قريب تزول رجعت ندير صلة الرحم يا لوكان بالهاتف لاني نشوفها وسيلة الإتصال الوحيدة لي بقات مع أخي فالمرات القليلة لي يجي فيهم خويا لداري زوجتو ما تخليهش نهائيا يتكلم معايا و كي تلقانا دخلنا في حوار ثم ثم تجيبلو سبة باش يخرج و تقولوا لي كوش خلاصو ا لازمك تروح ضرك تشري أو أي سبب آخر
أنا مارانيش قادرة نتهم زوجة أخي رسميا بلي هي لي راهي تمحي في أرقامنا باش ما نقدروش نتصلوا بأخي لكني لا أستطيع أن أمنع نفسي من الشك فيها خصوصا و أن موضوع محو الأرقام جاء بعد مشكلة كبيرة تسببت فيها زوجة أخي و أدت إلى غضب امي مني في ذلك الموقف و كانت المرة الوحيدة التي شكوت فيها زوجة أخي له لأن المشكلة ليست بالهينة و لا أريد ذكر التفاصيل .
المهم كتبت موضوعي هذا لتنصحوني كيف أتصرف بدون تهور حتى لا أقطع صلتي بأخي الوحيد .

[~رآقية بأخلآقي~]

هي تمحي ونتي اتصلي ما عندك ما راح تديريلها..!!!

و اياااكي وتخلي للشيطان يوسوسلك بقطع صلتكِ بأخيكِ وحتى زوجته ثاني عامليها بالتي هي أحسن لوجه الله سبحانو وليس لوجهها...

وان شاء الله ربي يهديهم يارب...

[دنيا الامل 18]

ابعثيلو مساج باش يعرف بلي انت المهم حافضي على صلة الرحم

[محمد جديدي التبسي]

تستحقين التحية والاحترام على نيتك الطيبة في وصل رحمك أخوك الوحيد
لاشك أنه مقصر جهتكم خاصة مع والدته وليس السبب زوجته كما قد يتبادر الى الأذهان
أنت واصلي اتصالك بأخيك بين الحين والآخر
ما لا أفهمه كيف ينسى أخ صوت أخته؟؟ شيء مؤسف حقيقة أن تسعى الفتاة لصلة رحمها بينمنا الأخ لا يحاول ذلك ويتصل بوالدته في ثالث عيد؟؟
ربي يصلح الاحوال

[حياتي نبع امل]

عااادي جدا ياك المهم انت عندك رقم خوك خلاص اتصلي وعاودي حتى ومايتصلش بيك هو. لانو الصلة هي صل من قطعك وهدا راه خوك. خلي علاقتك معاه دائمة وعيطي وسقسي والعبيها ماعلابالكش بقصة محو الارقام وخلي الايام تسير ولي دار شي حاجة يجي نهار يخلصها

[malik34]

ربي يألف بين القلوب

[جهينة اليقين]

سبحان الله اعمل ما شءت كما تدين تدان والايام دول

[faty05]

و نتي وعلاه تمرضي روحك بزوجة اخوك
يعني منين ادخلو لعروسة و نتوما طايرين عقابها تحوسولها على الهفوات
و تزيدي تقولي جابدة روحها .. راهي جابدة روحها و لاحقين عليها
وقيلا تضالو تتصلو و تحبو تعرفو كل كبيرة و صغيرة في حياتهم وقيلا كرهتوها في رواحكم
و المشكل لكبير خوك ما يعرفش صوتك !!!!!!!!!!!
انا خويا نعرف صوتو يا لوكان ما نحكيش معاه سنوات
المهم انتي اتصلي بيه اذا ما يرفدش عليك ابعثي ميساج قولي انا اختك و خلاص و يرفد عليك ان شاء الله و تحل المشكل
ما تكحلوش قلوبكم من جهة مرته

[كاميلا]

المشاركة الأصلية كتبت بواسطة faty05

و نتي وعلاه تمرضي روحك بزوجة اخوك
يعني منين ادخلو لعروسة و نتوما طايرين عقابها تحوسولها على الهفوات
و تزيدي تقولي جابدة روحها .. راهي جابدة روحها و لاحقين عليها
وقيلا تضالو تتصلو و تحبو تعرفو كل كبيرة و صغيرة في حياتهم وقيلا كرهتوها في رواحكم
و المشكل لكبير خوك ما يعرفش صوتك !!!!!!!!!!!
انا خويا نعرف صوتو يا لوكان ما نحكيش معاه سنوات
المهم انتي اتصلي بيه اذا ما يرفدش عليك ابعثي ميساج قولي انا اختك و خلاص و يرفد عليك ان شاء الله و تحل المشكل
ما تكحلوش قلوبكم من جهة مرته

ممكن حتى هي معندهاش علاقة ويحصلوا فيها وساعات اخوهم هاديك هي عقليته وقالت منصب عمله مرموق بالاك عاد من النوع اللي يستعر من اهله البسطاء
والله يا اختي غير تدخل لعروسة كاينة جماهة تولي كي البيبي ينوضوا يسيتتوا على اتفه الامور وجماعة اخرى تولي تحط راسها براس لعروسة الخ الخ
وكلش يحصلوه في العروسة

لصاحبة الموضوع زوجة اخيك من حقها متحكيش اسرار دارها علاش هادي صحيفة لازم كل يوم تقرايها ؟
سامحيني من الواضح انك تشغلي نفسك بزاف بامور غيرك وفي علاقته بامه اياكي تزيدي تشعليها كي تقولي لامك كدا وكدا طفي النار وادا مطفيتيش اسكتي
فكرتيني في اهل زوجي امه كانت مرضته ي اول زواجنا مرتك متعيطليش مرتك متهدرش بزاف وانا هاديك هي طبيعتي ومن نيتي وليت نحكي كي سع عادوا المشاكل عليا هابطين من كل حدب وصوب يحرفولي هدرتي يشعلوا بيني وبين زوجي الفتن من ساعتها جبدت روحي وقفلت فمي للابد كيفاش يا عجابة العجب تحب تحكي معانا كل يوم في ال***** وتعرف ادق التفاصيل علاش من حبها الكبير ليا ؟ راني جربت وحكيت وطربقت فوق راسي
انا منتعمكش باللي درتي المشاكل بصح انت خمي مع روحك ادا كان خوك هو اصلا جافي من قبل ومنصبه غير فيه ام المشكل في مرت خوك ؟؟؟؟ظ

[*أم سجى*]

لزوجة أخيك علاقة وطيدة بما يحدث ولديها يد في قضية ابتعاد أخوك عنكم ...تقولين كانت علاقتي بأخي جيدة وبعد زواجه تغير ومعادش يعيطلكم يسقسي عليكم !ومن يكن السبب من غير زوجته؟هل هم زميلاته فالعمل أم الجنون؟! ....منظلموش المراة ونقولو محات الرقم مالهاتف معندنا حتا دليل يثبت ذلك .... لكن أنا متأكدة أنه بتحريض منها محي الرقم ......كيف لأخيك أن لا يكلم امه يوم العيد؟أي شغل هذا الذي يمنعه ! .....ماتغطوش الشمس بالغربال هذي الزوجة هي لي راها تساهم باش زوجها يبتعد عن أهله ويلتا بيها وحدها وحدها وحدها وهذه أنانية تكتسبها بعض النساء اليوم ...لو كان جات بالفعل طيبة وبريئة هي اللي تنصحو يزوره أهله وميقاطعهمش بصح الانانية وحب التسلط عماها.....الله يهديها ....أما الحل فننصحك تتكلمي معاه باستمرار وراح يمل من أكذوبة الرقم اتمحالو وكي ميرفدتش عليك عيطي لزوجتو وقوليلها حابة نحكي مع خويا وخليها تطبخ و كي تتلاقي بأخيك انتي وخياتك قوليلو فالڨصرة وعلاش نسيتنا وكذا وكذا.. بطريقة حنينية بلاك يفطن ويحس بيكم ...وما تدخلوش في أمورها الشخصية والعائلية هذاك شغلها مع راجلها من حقها بل واجب عليها تتكتم عليه......وان شاءالله رب يحبب القلوب ويعطي لكل مظلوم حقه....

[ندرومة49]

عادي جدا,, أنا استعمل ثلاث شريحات والأرقام من حين للآخر تروح وخاصة أقاربي أخواتي ...,, والله حتى وليت نسجلهم في الهاتف ماشي في لابيس
هذا ليس عيبا أن يضيع رقمك كم من مرة , أخوك لاباس مليح وحاجة ماخاصاته
والنسا عقليات عقلية زوجة اخوك من بين هاته الأنواع ,, ماعليكم إلا بتصفية قلوبكم فقط

وعادي جدا اتصلي بأخوك ومن ذاك اتصلي بزوجة اخوك ,,,وماكاين حتى قطع للرحم

ربي يحفظكم

[هدايات26]

راني نقرا في قصتك والدموع تنهمر من عيناي والدتي توفيت في شهر رمضان وبعدها مباشرة بدات زوجة اخي التي جلبتها انا له وشكرت له في اخلاقها وسعيت حتى تزوجها بدات في تاليف الحكايات ونشر الفتنة بين الاخوة فقط لتفرق بينهم ......وبعدم نجحت ابنتي في امتحان البكالوريا فكرت في اني نلم اخوتي على عشاء اتصلت به فوجدت رقمي مرفوضbloqué ثم اتصل به زوجي عشرات المرات لكنه لم يجب وعندما مرت ليلة العزومة سمع اخي وغضب مني ولم يعطني حتى الفرصة لاشرح له ما حدث وبعدها علمت ان هاتفه كان بيدها وقد ازالت كل المكالمات السابقة لكي لا يراها ولم تكتفي بهدا بل اقنعته انني اقمت الافراح وامي لم يمر على وفاتها اربعين يوما والله شاهد انه لم يكن سوى عشاء بنية المعروف زوجة اخي لم تراعي حتى حزني على فراق والدتي وقد صدت في وجهنا باب بيت امنا ...مادا احكي ومادا اقول فانا اليوم جد حزينة وتائهة ومريضة .............الله يهدي ماخلق وخلاص

[أندلس]

الموضوع التقليدي دائما و صراع الكنات و العجايز و السلايفات و الإخوة .................خلاصة القول حافظي على علاقتك بأخيك و إياك و قطع الرحم فستفقدين البركة في كل شيء فضلا على غضب الله

[لحن الحياة.]

روحي انتي والوالدة لخوك راه عدكم الحق فيه تباتو ولا تقعدو من صباح لعشية و كوني سامطة هي تهدر و تشنف وانتي تضحكي والعبيها ماكيش فاهمة السامط يغلب القبيح

[ساجده 82]

لا.الاه الا الله محمد رسول الله الدنيا دوارهياختيدوارهه مهما طال الحال الله يهدي النفوس.