أنيروني من فضلكم

[مشكلتي]

السلام عليكم

رأيت فتاة اعجبت بها رأيتها مرتين مع امها

أريد ان اتقدم لها , فكيف اخبر امها ؟ كيف ابدأ لها الكلام ؟

هل أقابل اباها ؟ و لكن كيف أبدأ له بالكلام ؟ و الله نحشم بزااف

معنديش شكون نرسل

و حتى أمي أريد ان اخبرها لكني متردد , ما هو الوقت المناسب ؟ و كيف اواجهها ؟

مع العلم عندي 22 سنة و راني قريبا نتخرج من الجامعة , و بالنسبة للزواج لا اريده حاليا بحكم اني بدون عمل , اريد فقط الكلمة او امي تشوفها

و لكن كيف السبيل

ارجوووكم عطوني فكرة

شكر الله لكم

[kaderr09]

السلام عليكم
إذا كنت تنوي الحلال فلا داعي للخجل فالخجل مذموم وقد يتطور إلى مرض فهو ليس كالحياء لأن الحياء من الدين,
تكلم مع أبيها فأنت رجل ما شاء الله، ثم أرسل الأم لتفتتح الأمر وبعد ذلك توجه لرؤيتها ولا تنس الإستخارة .
و الله ولي التوفيق

[أمنيات معلقة]

خويا قول لامك قبل ماتحكي مع امها ولا باباها

بما انك تحشم بزاف جرب احكي معاها في موضوع الزواج عموما مرة او مرتين حتى تنقص عليك الحشمة شوية و بالاك اصلا تلقا امك متفتحة و تتقبل الموضوع بسهولة . او قول لوحدة من اخواتك او خالاتك يعني اللي قريبة ليك

ربي يسهللك الحلال

[kaderr09]

و ما يجب التنبيه إليه هو عدم الإحباط ، فهنالك قبول ورفض ، وليس معنى الرفض أن المشكل فيك لأن الكثير ممن نعرفهم لم يقبل أهل الفتاة تزويجه ابنتهم فحزن لذلك ولكن مع الوقت تبين أن الله قد أبعده عن تلك العائلة لأسباب خطيرة، فيجب الرضى في كل الأحوال لأن من استخار الله لم يندم.

[*أم سجى*]

نورمال مدام نويت الحلال من الاحسن تهدر اختك مع البنت اولا في سرية باش تدي نظرة حول الرفض والقبول ومبعد تزيد ترسللها كاش وسيط يهدر مع عايلتها...مع العلم انو طريقة السرد للحكايات هذي مؤلوفة جدا

[samara lara]

المشاركة الأصلية كتبت بواسطة kaderr09

السلام عليكم
إذا كنت تنوي الحلال فلا داعي للخجل فالخجل مذموم وقد يتطور إلى مرض فهو ليس كالحياء لأن الحياء من الدين,
تكلم مع أبيها فأنت رجل ما شاء الله، ثم أرسل الأم لتفتتح الأمر وبعد ذلك توجه لرؤيتها ولا تنس الإستخارة .
و الله ولي التوفيق

نفس الــــــــــــــــرأي

[دنيا الامل 18]

اهدر ليماك هي دبر راسها وربي يسهل ما دام نيتك صافية

[doba]

شوف واحد من الأقارب نتاعها
وربي يكملك

[سفير الأيام]

السلام عليكم اخي وكل الاخوة الدين ابدوا بارائهم



شوف خويا لازم تتعلم حاجة وديرها نقطة اساسية في حياتك

الحلال بين والحرام بين


يعني خويا لازم تحشم من الحرام بصح الحاجة تاع الحلال حتى ربي يعطيك قوة باه تقدم ليه

انا كي تعجبني وحدة نرسل الوالدة ادا شفت ما كانش الرد نبحث على الوالد ونصارحه مانيش جاي لبنته من النافدة كل شيء بالحلال

وادا رفض نحاول يقول لك القطرة تاع الماء تحفر الصخر وتصنع وديان بتكرار المحاولة والدعاء


ادا شفت مكان والوا حاول تنسى وتوجه اكثر لربك


لكن ملاحظة


انت ضرك عندك 22 سنة ومزال الجامعة راك تقرا وباقي لك عام واش كي تكمل الخدمة خاص الخدمة العسكرية وتقعد شوية بطالة ما خممتش يصراو مشاكل بينك وبين الطفلة البلي حاب تتقدم لها

كي تحب تتقدم خويا على الاقل تكون في يدك خدمة على حساب الوقت الصعيب تاللي رانا عايشين فيه من غلاء معيشة


واخيرا نقول لك نحي غطاء الحشمة وتقدم بكل ثقة في النفس لكن انبهك


لا تنكسر مثلما انكسرت في حياتي ان قدر الله عكس ما تتمناه

ربي يوفقك

[حيآتي أسمَى]

الله ييارك صغير و بلا. خدمة وناوي لحلال
هدر مع امك احسن هكا باه ربي يفتحها عليك فكل حاجة كي نويت الحلال وانت ماشي واجد ياريت قااع الاولاد كيفك ^^

[hichemhad]

اخي لا اريد احباطك لكن ركز معي من فضلك
جميل انك تبحث عن الحلال و الاجمل انك تريد تصون نفسك من الحرام
لكن انت الآن في سن 22 و كيما قلت راك قريب تتخرج
اعلم ان عالم الولوج الى الشغل اصبح صعب جدا خصوصا في هاته السنوات العجاف التي نمر بها.
يعني حتى و ان وافق اب الفتاة على وضعك الحالي انت ستربط نفسك بإلتزامات و سيكون عليك ضغط كبير حتى و ان لم تشتكي الفتاة لان مصيرها ايضا متعلق بك
انصحك كأخ كبير ان تفكر جيدا قبل ان تقبل على هذه الخطوة
ربي يوفقك و يسعدك

[samarrnada]

اخي
من السهل ان تقع عيناك على من تعتقد انها حبك الازلي الابدي خاصة في المرحلة او السن التي انت فيها.
1.ادا كنت حقا تحاول ان تحصن نفسك فعليك اولا ان تسترزق و سنك هو السن الدي عليك فيه بالبحث اولا عن العمل ثم
2.الببنت التي كتبها الله لك تكون من نصيبك
3.ولا تفكر كثيرا في الامر و تعطيه اكثر من حيزه,لان سنك مازالت في اول الطريق
يسر الله لنا ولك في امورنا.

[روح المي]

عند مبدئ في حياتي حاجة حلال لا تنافي شرع
عندها لا أخجل
وانت متكبرهاش في راسك وتفكر ناس دير في لحرام لم تخجل وانت تدير فيحاجه حلال وراح تكمل نصف دينك
احكي للوالدة تاعك
وهي تحكي مع والدتك فتاة ثم توجه للوالد
واستخر الله

[ramzi-messi]

خصك تمعني للوليدة و شوف ردة فعلها

[مومي23]

انصخك اخي لا تتسرع
انت تقول رايتها اعجبت بها

هل سالت عنها و عرفت سيرتها و اخلاقها
انت صغير 22 سنة
اسال عنها من هم اهل ثقة و صدق و ادا وجدت ما يسرك توكل على الله
تكلم مع امك و خد رضاها و دعها هي تكمل الطريق