تكبر و تعرف

mohamed398 · 2016-09-17, 09:59

تكبر وتعرف بلي الدنيا مش كلمة نحبك برك لازم يبين بلي يبغيك معليش حاجة تخليك تحس و المعنى راك فاهمو و راني فاهم ..
تكبر وتعرف بلي الأصحاب على مصلحتهم ينجموا يبيعوك وعادي ماعادش يعرفوك يبدلولك الوجه لي كنت تشوف بيه ..
تكبر و تعرف أنو قرايتك هي أهم حاجة في حياتك مي الله غالب تقرا تقرا حتى تعرف هاذي بلاد تمد غير للمعريفة ماتفهم والو يا انت قريت يا انت بطال مي كي تقرا و توصل تقول ياريتني ما ضيعت وقتي مع عباد ماتستاهلش ..
تكبر وتعرف أنوا والديك هوما سندك في الدنيا لي يديرو أي حاجة على جالك ..
غدوة تكبر وتعرف أنوا واحد ما يقويك وقت ضعفك من غير ربي سبحانوا ..
تكبر وتعرف ياسر حاجات و أنا قلت غير القليل بلاك تفهمني ..

star_dz · 2016-09-17, 10:06

صباح الخير خويا
وي
تكبر و تعرف بزاف عفايس مكانوش يبانولك كيما كنت تشفهم كي كنت صغير

ع.جمال · 2016-09-17, 10:19

السلام عليكم.

معذرة موضوعك مخالف وفقا للبند الأول من قانون المنتدى:

حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...