مساعدة بخصوص موقع التعارف للزواج

[مشكلتي]

هل موقع الزواج الشهير ان شاء الله المعروف هنا هل هو موقع موثوق اخواني اخواتي وهل هو فعلا جاد وفعلا للزواج ام انه مضيعة للوقت والتسلية وفقط وفيه رجال وبنات يبحثن علي اللهو والمرح وتمضية الوقت وامور اخري ام هو فعلا هادف اريد منكم النصح اخواني اخواتي صراحة انا جائتني فكرة الزواج منه لكني جد متردد بسبب ماسمعت عن سوء سمعته وبحث النساء فيه عن امور اخري في هدا الموقع
بما تنصحوني من فضلكم نصائحكم تهمني جدا
للعلم انا حاليا ابلغ 25 سنة من العمر ولله الحمد املك سكن خاص ووضيفة جيدة فقط ابحث عن من اتمم معها نصف ديني وشكرا

[rose de sable s]

ربي يرزقك حلال
اي موقع كاين جاد و غيره

[biologie2001]

اخي المواقع غير مضمونة لانك لا تعلم نية من وراء الشاشة ...

[الرميصاءْ]

ربي يرزقك الزوجة الصالحة
ابحث في الواقع خير

[سماح 2]

منكْ يصحْ ختــي ؟ طيشي عليكْ , أكي صغيرة خلاهْ ,أصبري وربي يرزقكْ وش من موقع زواجْ يهديك ربي

[ملامح خجولة.]

السلام عليكم ورحمة الله وبركآته
أخي الفاضل هل انقرضت النسآء من العآلم؟؟ حتى تتجه إلى هاته الموآقع أم ماذا
ياخي أتركك من مواقع الزواج وادعي الله أن يلاقيك بإبنة الحلال خير لك أن تطلب من الوالدة
البحث عن الزوج الصالحة او ابحث لنفسك , البنات في كل مكان مدارس مستشفيآت في الشارع في كل مكآن
وفقك الله في اختيآرك للزوجة الصآلحة وسدد خطآك وسهل لك أمرك وزرقك الذية الصآلحة يا رب
تحيآتي

[صفيان 11]

اخطيك خو و الله غير ولا لقيت واحدة راي تكون هدرت مع 100 واحد قبل متعرفك و هل بنت الاصل تدير هد الشئ اصبر خو رنا كل في مرميطة واحدة مع العلم عندي مؤهلة ندي اي واحدة او المخيرة بصح راني نسنا في بنت الاصل لي تخاف ربي و تكمل معها حياتي بصح راهم في انقراض لي هد علقت الان مسالة الزواج اصبر خو و خطيك من هد المواقع تا خرطي

[مصطفى_س]

يا اخي الجزائر فيها 48 ولاية فيها ملايين النساء توكل على الله و شوف اهلك يشوفولك او صحابك و ربي يرزقك بنت الحلال

[aminazy]

السلام عليكم
اخطيك من المواقع شوف داركم ولا صحابك ودير النية وما تخافش لي فيها الخير ربي يسهلك فيها

[mrmilano1984]

ياصاحب الموضوع نقولك حاجة ودرها في راسك مليح مليح هدا الموقع او غيرو والله كلو هف في هف وكلهم راهم يفوتو فيه الوقت ومشكلة تلقاهم الا من الطبقة المثقفة وقاريين ومتعلمين ويقراو في جامعات ومدارس عليا وكليات وكاين فيه الطبة والمهندسين بكل انواعهم وغر الاطارات والخشخاشين وبصح ماكان والو في الاخلاق صراحة الهدرة تحت المستوي واش يجيك من بنات يحبو يتزوجو عبر هاته الوسيلة سوي انها مش بنت اصل مراة تفتح حساب ومعشة فيه لقرن وحكات مع اي راجل لي جا يحكي معاها والغريب لي يضحك بزاف تقولك انا نية عاقلة سادجة وبنت عائلة وتلعبها تجبدلك في القران وتصلي ودرلك الاشرطة والصور وايات القران وانها متدينة ومتخلقة ياو لوكان تروح معاها بلعقل برك تعرف حقيقتها ووجهها الحقيقي صدقني وكلهم مايعطوكش الحقيقة وكدب في كدب وخرطي حتي نتا وحدك تكشتف قناعهم الحقيقي وشعال من راجل تمسخر بيهم وتقعد بيهم يقولك وحدة كما هادي نتزوج بها وندرها مرتي هبلت
كاين بنات صح فاميليا تاع الصح عمرها ماتخونك بادن الله تعالي والله كاين ونعرفهم وكاين بنات من عائلتنا نعرفها وحدة ماصلة تاع الصح رغم انها مثقفة وتعمل محاسبة والله قمة في التدين والاخلاق الرفيعة جدا تصور عمرها ماخرجت مع راجل او تكلمت كلام خادش للحياء او قامت بعلاقة عبر الانترنت وتضحك وتقهقه وتسهر للصباح وزد وزد كاين لي اكثر
المهم كي تبع وحدة وتلقاها بمثل هاته الصفات روح اتزوج عينك برك تغلط تديها تكون دارت علاقات هاديك خانت والديها قبلك نتا ماتخونكش بصح وحدة متمسكة بروحها ونفسها وعمرها ماتخلط طبعا ماتخافهاش والله شايفهم المرا الماصلة ماصلة وتبان في وجها تصرفاتها طريقة كلامها وامور كثيرة جدا تفيقلها

[bello angel]

صاحب المشكلة اخطيك من هده المواقع راهم الاغلبية الساحقة من اعضائهم ان لم اقل كلهم نواياهم خبيثة يعني تاع حوايج خلاف مش تاع زواج
خليت الواقع و رايح للعالم الافتراضي علاه عليك خويا فضو النسا

[نضال من الجزائر]

أخي استعفف خير لك.أنا شخصيا لا أعرف عن تلك المواقع شيئا و لا أثق فيها البتة.

الناس وجها لوجه يكذبون للمخطوبة و يغشون الخاطب. و يخفون العيوب. فهل -بالله عليك- سيصدقون في ذكر مواصفاتهم و عيوبهم وهم مختبؤون وراء الشاشة. هذا ان كان موقع الزواج من المواقع التي لا تسمح بالكلام شواء بالصوت أو الصورة أو الشات. بل الإدارة هي من تقوم بالربط بين الرجل ووليّ المرأة. وقد يصدقوا و الله أعلم

أما المواقع التي تتواصل مع الفتاة و تتكلم معها و تتعرف عليها فلا شك في حرمة هدا الفعل كما أفتى به العلماء. و ما يفضي إليه من إفساد المسلمات والفاحشة. فقد تتفق معها عبر الأنترنت بلقاءفإدا خطوت خطوة اللقاء فقد والله أوشكت أن تفسد حياتك ودينك فسد بلا شك.

ودائما تذكر قول الله تعالى: وَلْيَسْتَعْفِفِ الَّذِينَ لا يَجِدُونَ نِكَاحًا حَتَّى يُغْنِيَهُمُ اللَّهُ مِنْ فَضْلِهِ.


قال الشيخ العلامة بن ناصر السعدي في تفسيره: هذا حكم العاجز عن النكاح، أمره الله أن يستعفف، أن يكف عن المحرم، ويفعل الأسباب التي تكفه عنه، من صرف دواعي قلبه بالأفكار التي تخطر بإيقاعه فيه، ويفعل أيضا، كما قال النبي صلى الله عليه وسلم: " يا معشر الشباب من استطاع منكم الباءة فليتزوج، ومن لم يستطع فعليه بالصوم فإنه له وجاء "
وقوله: { الَّذِينَ لا يَجِدُونَ نِكَاحًا } أي: لا يقدرون نكاحا، إما لفقرهم أو فقر أوليائهم وأسيادهم، أو امتناعهم من تزويجهم وليس لهم من قدرة على إجبارهم على ذلك،

(حَتَّى يُغْنِيَهُمُ اللَّهُ مِنْ فَضْلِهِ ) وعد للمستعفف أن الله سيغنيه وييسر له أمره، وأمر له بانتظار الفرج، لئلا يشق عليه ما هو فيه.

[knives66]

ثقة مبقات لا في الوقع ولا في عالم افتراضي

موقع هذي فيها ناس تنجحلهم علاقة و كاين لي لا

يعني مهش مضمونة

واحد يتكل على ربي يصفي نية

واذا عندك شك ولا وسوس ننصحكك تجبدي وهني راسك

[خالد عنابي2]

في هذه المسائل لا يوجد شيئ اسمه " موقع موثوق او غير موثوق "

انت لا تتكلم عن شركة تستورد سلعة معينة لكي تسأل عنها اصلية ام غير اصلية

النساء داخل الموقع لسن ملكا للموقع وكل واحد ونيتو

[- بصمة خير -]

لو كان عندك الثقة في الموقع
ما كنتش تحط موضوع تسقسي عليه

يظهر انه عندك التردد و خايف
و حتى لو حدث النصيب و تزوجت من الموقع
يبقى في راسك الشك
و الوسواس
و تتعبت و تعب بنت الناس معاك

ربي ييسر امورك
و يحقق اللي في بالك