أخي : (

[مشكلتي]

السلامُ عليكم والرحمة

يا اخوتي المشكلة ليست مشكلتي بل مشكلة اخي ، والله راني نكتب ونبكي على حالو ،
الحمدُ لله على كل حال الحمدُ لله ، اخي رجل ملتزم ولله الحمد محافظ على صلواته ، متخرج منذ سنوات وعمره 34 سنة.. كان يدرس هذه السنة ماستر 1 وبقي له ماستر 2 ، المهم هو يعمل في البلدية وهو غير مدمج ، هديك هي الخدمة الوحيدة تاعو ، وحنا عائلة متواضعة يعني والدي ماعندوش امكانيات كبيرة باه يفتحلو محل بالاضافة انو عندي اخوة اخرين ... مايقدرش يعطي لواحد ويخلي الاخر
مؤخرا صدر قانون ، وماخلاوهش يكمل الدراسة يعني لي يخدمو في البلدية وغير مدمجين لازم يختارو بين الدراسة والخدمة ، ملا هو خير الخدمة لانو ماعندوش اختيار ، سجل في شحال من مسابقة والله بزااااف اكثر من 50 ربما منذ ان تخرج ، لكن ماكان والو ومرخرا في مسابقة التعليم تاني ماربحش وحطوه في الاحتياط ..
يعني هذا بلاء من الرحمن ، يختبر عبدو ، نسأل الله ان يفرجها عنه وعن كل مؤمن
لكن والله غاضني ، خاصة انو حب يكمل نصف دينه لانو راه كبير ، ودارنا واسعة ، والديا قالولو غي خير المراة الصالحة وحنا علينا كلش ... المهم هو عجباتو بنت يظهر انها بنت فاميليا وهي تعرفو مليح واظن كان عاجبها، وبعثني انا نهدر معاها مع العلم اني اصغر من اخي بكثييييير ، وهي فرحت مين قلتلها وقاتلي المهم الهنا
مع العلم وهي تاني جامعية وتقرى ماستر لكن اختصاص اخر في نفس الجامعة لي نقرا فيها ، ومبعد هدي الطفلة قاتلي نشاور دارنا ، لكن عندها اخت كبيرة عليها بدات تدورلها في راسها ، لازم حتى تخدمي وتتزوجي ، ولازم يديرلك دارك وحدك في لافيل ، وووو ، ودات الشروط التعجيزية ... وهي ظهرت انها ضعيفة الشخصية ، تدير راي الغير ، ولم تستشر حتى اخوها ولجأت لاخواتها ، وردت عليا ، وانا صراحة نزل عليا كلامها كالصاعقة يعني الواحد باه يتزوج لازم يكون عندو الشكارة ،
مين رديت على خويا ، غضب غضب شديد وقالي قوليلها الله يسهل عليك ،هو صح كانت عاجباتو بزاااف لانو كان يحكيلنا عليها ، لكن ظهر لنا وجه اخر .. مبعد هي بداات تبكي وماعجبهاش الحال ، وراهي في حالة يرثى لها ...
واخي لا اظن راه يرجع من كلامو ، وراه كاين بنات فاميليا احسن منها
لكن
للاسف يا اخوتي والله اخي مشكين تقفلو عليه الابواب من كل جهة ، لا خدمة ولا زواج ولاهم يحزنون ... ونفسيتو زادت سووء بعد هدي الضربة ...
دعوااتكم يا اخوتي تتفرج عليه ... هذا بلاء من الله ايصبر عبده الضعيف ام لا ، ولا يوجد اخي فقط من يعاني يوجد من هم اكثر منه فنصيحة للاخوات ، المهم القناعة ، لانو تروحي وتولي وترجعي تبقاي تخممي في رجل يسترك مهما بلغ مرتبتك ، ماتصعبوهاش على الشباب ...لانو هدي سبب الفتن... الواحد يبغي يستر روحو ويحصن روحو مايلقاش ... لازم يكون الجيب متين هنا يقولوله اهلا ومرحبا ، ومازال في الدنيا خير اكيد
دعوآآآتكم ...
واعتذر على الاطالة ...

[nihal159]

ncha allah rabi yfarage 3lih w yaraz9o mene awsa3 abwabou

[elhosseyn3483]

والله الاف الشباب يعانون بالمقارة باخيك
اخوك راه لاباس عليه غير كثرة شكاويك راها تضخم في الموضوع
مكان والو احمدي الله على واش عندك
اخوك عندو الالتزام ولا نزكي على الله احدا
عندو الصحة عندكم سكن واسع
راكم متفاهمين في العائلة ومتحبين
والله نعم لا تعد ولا تحصى
الشباب راح يطايش الله يهديك
وان شكرتم لازيدنكم
الله يتم عليكم نعمه وتفرحو باخوكم وباولاده وب زوجته الصالحة ان شاء الله

[دنيا الامل 18]

ربي يفرج عليه هده مشكلة الشباب اليوم

[آسيا 25]

ربي يفرج على أخيك أختي و الله صرنا نسمع و نرى ما يدمي الفؤاد في مجتمعنا من جهة كل الفتيات خائفات من العنوسة و من جهة يفرطون في كل من يتقدم لخطبتهن بحجة الفقر!!! لست أدري إلى أين سيتجه مجتمعنا?

[0ibtissam]

المشاركة الأصلية كتبت بواسطة آسيا 25

ربي يفرج على أخيك أختي و الله صرنا نسمع و نرى ما يدمي الفؤاد في مجتمعنا من جهة كل الفتيات خائفات من العنوسة و من جهة يفرطون في كل من يتقدم لخطبتهن بحجة الفقر!!! لست أدري إلى أين سيتجه مجتمعنا?

كلامك كله صوب
ربي يفرج على اخيك ويلق البنت لي تصونو

[رزان.]

أسأل الله أن يرزق أخيك
بالزوجة الصّالحة الطّيبة الّتي تقدّر ظروفه
و إن شاء الله ربّي يسهل كل أموره

أسأل الله الهداية ....

[لحن الحياة.]

ما ضاقت الا وفرجت خوك راه لاباس كيما قالت لك الاخت ... كاين لي عندو مرض مزمن وما يقبلوه في حتى خدمة وكاين حالات يرثى لها شفناها
ومن جهة اخرى
اخطبولو امراة تاع دويرة ماكثة و هاهي حلت المشكلة

ربي يفرج

هذا رأيي انا يخصني وحدني

[روح المي]

سلام عليكم ورحمة الله وبركاته
أختي لا تعرفي خير اين زواج قسمة ونصيب واكيد يذهب جميل لياتي الاجمل ثقي ان الله سوف يفرجها باذنه وكيما كاين لي تبدلت كاين لي تعرف واش تحوس وربي خلقنا مختلفين وربما جاتكم ضربة الان احسن قبل زواج بايام
ادعي ربي يسهل وربي يرزقه ببنت حلال

[biti]

okhti akhik sala isthikhara 9bal
ida ih fahada ma sa9aho alho laho w fihi khayr
w bant asl kayan bazaf machi ri hadi
rabi yfaraj

[~طَـــمُـــوحْ~]

انا واحد من الناس لو كنت مكانه لرفضتها رفضا قاطعا ولن التفت اليها انها ترى الشكارة وليس الشخص

ربي يفك احواله ويلقى ماخير خاطرش الصرصور اذا اعطيتو قيمة يحسب روحو كروفات واصلا هي طاحت من عينو ربي يعوضو جزاء صبره

[الاريام]

ربي يفرج عليه نشالله مايعيا يدي وحدة يربح عليها و يتفتحو عليه ابواب نشالله

[محمد جديدي التبسي]

مشكلة أخوك هي مشكلة أغلب الشباب في وقتنا
العادات والتقاليد البالية هي سبب المغالاة والنساء همهن المظهريات الجوفاء الا ما رحم ربك
مؤخرا صدمني أحدهم كنت أظن به خيرا قال أخته جهازها وصل ل 50 مليون يعني لا مناص من المغالاة في المهور لتوفير هذا الجهاز؟؟
اصبح من يفكر في الزواج لازم يكون موجد 100 مليون يضع نصفها او يزيد للفتاة واهلها وليتها تكفي!!!
هذا على فرض عندو وين يسكن يعني الزواج في حكم المستحيل لمن لا يملك مسكن!
ربي يصلح الاحوال ويهدي الاولياء قبل تفاقم الفواحش اكثر مما نرى ونسمع.

[صفيان 11]

يا اختي هو المشكل كي يكونو في الوسع يقولو وليد فاميليا و الهناء مي كي يجي وقت الصح يصعبوها عل الشباب مي لوكان يكون الرصيد معمر غير يديها و عنيها مغمضين قولي لي اخيك يشوف بيت فيه ناس تع نقوى يعني يخافو ربي هدوك ان شاء الله فيهم خير واش راني نحكي عن تجربة شخصية اقسم بي الله غير البنت لي كانت تقول انا وانا غير خطبتها و قبلت كامل الشروط تاعي لي اني من عائلة معروفة المال يبدلو النفوس لي هدا كرهت الزواج و رلااني معلقو لي اشهار اخر حتى ربي يسر بنت اصل تتزوج بيا انا ماشي لي نسبي

[ayouta202]

الحقيقة الاخ شفني بزاف بصح ربي يفرج انشاء الله ولا على الزواج راه كاين بزاف بنات الفاميليا