صادفتو ناااس هاااك ؟؟؟!!!!!

[manel 26]

السلام عليكم

حبيت نسقسيكم الا راه صاريلكم كيما انا


اني حاسة روحي جايبة عشرة


تحصلت على 15 ناس تقولي طب ماشي مليحة طب الاسنان ماشي مليحة فارماسي و مدارس عليا تاني ماشي مليحة
الي زعما يباركلي يصعقني و يروح
وحدة قاتلي طب يطلع ل 16 و صعيب و المعاودة فيها فيها .... بنتها كانت متمنيتها تدير طب و انا صعيب عليا
زعما تاع غير ماكلاه تديره و انا زدت شحنت عليه
و اليوم برك جاتني وحدة تاني نفس الاسطوانة ما يمدولكش طب على حساب كلامها ما يمودولي والو يرموني في حاجة مادرتهاش قاع
و زعما تبينلي بلي معدلي ما كان ماكان ال 15راهي غير تطايش

هبطولي المورال ما علاباليش هذي واش
و راني حايرة

صجح معدلي متواضع بصح انا خدمتي كانت عليه قريت غير المواد العلمية تعبت و شقيت عليه
و راني راضية بيه
بصح كاينالي يحبو يحطموك كي تفوتهم
قلبي راه معمر حبيت نفرغ قلبي


قولولي راهي صارية معاكم هاك و لا لالا ؟؟؟؟