نصيــــحـة لي يحب يقرا prepa st يدخل يفهم شوية الفرق بيناتهم

[سآجدْ للهْ]

السلام عليكم
هاو باش ندخل ديراكت في المفيد
الاقسام التحضيرية كاين 14 قسم
انا ننصحكم تختارو الاقرب الى بيتكم والاولوية في الاختيار تكون لهذ المدارس :
1-تحضيري عنابة
2-تحضيري تلمسان
3-تحضيري وهران
4- بوليتاك الحراش

تم افتتاح الاقسام التحضيرية في 2009 صافي الاربعة هذو :
1-تحضيري عنابة
2-تحضيري تلمسان
3-تحضيري وهران
4-تحضيري الجزائر هذا مغلق هذه السنة راهم يرممّو

المهم زملائـي القراية راهي نفسها في الــمدارس الــ14 بعد عامين تديرو كونكور وطني وعلى حسب الكلاسمو نتاعك يوجهوك للمدرسة لي تطلبها
ونزيدك عفسة اخرى كي تقرا في البوليتاك ولا ايدروليك ولا المناجم ولا الترافو بوبليك مش شرط راح تبقى فيها حسب الكلاسمو تعك في الكونكور يتحدد مصيرك صافي مكان حتى حاجة مضمونة مع الأول . ما يهمش تخصص ليكول لي راك تقرا فيها .كلش يبان مع نتيجتك في الكونكور
بالزيادة المدارس لي قتلك فتحت مـن 2009 لديها خبرة في تقديم الدروس وسير الامور في المدرسة خاصة الاساتذة..
تلقى امتحانات بزاف قبلك تشوف الحالة كيفاش دور
اما البقية استقبلو اوائل الدفعات السنة الماضية راح نقولك عيانين شوي لأنو اي حاجة جديدة اهرب منها راح تكون عيانة هذا مكان
بخصوص القراية اي واحد يقدر يقراها لا فرق بين علمي او تقني او رياضي
انا علمي ولي يقرو معايا من مختلف الشعب والدروس جديدة وكل كيف كيف حسب ما شفت
وملخر لي يقرا يجيب لي ما يقراش ما يجيبش !


بالتوفييييق ليكم

[سآجدْ للهْ]

ونسيت نقولكم ما تختاروش قسم تحضيري باتنة لأنو راح يستقبل أول دفعة هذه السنة ما ننصحكمش تختاروها راه تعياو معاها
البقية من غير الستة القديمة راح تستقبل الدفعة الثانية هذه السنة ..