ادعولي

[مشكلتي]

السلام عليكم
لكل واحد راح يقرا هاذ الموضوع نطلب منه يدعيلي مانيش محتاجة ردود للموضوع مثل ماني محتاجة دعوة صادقة من القلب عسى يكون الاستجابة من احدكم نفسيتي في الحضيض اعاني من مشاكل مايعرف بيها غير ربي سبحانه وهاذ المشاكل من صغري حتى الي تخرجت من الجامعة صح موكله الله في اموري ودايما ندعيه حتى معنديش لمن نحكي ونفرغ واش في قلبي ماغير ربي سبحانه مشكلتي ماهيش مادية لانه عمرها المادة ماكانت من أولوياتي والله نسمح في كل شيء وماني محتاجة حاجة من هاذ الدنيا غير ربي يستجيب لدعائي والله حاسة اني مكتوب لي التعاسة في هاذ الدنيا والدعاء حاسة انه غير مستجاب راني حاسة بصداع في الراس وحتى عندي بحة في الصوت وشوي الم في الحنجرة لاني ماعنديش لمن نحكي ومايحس بالجمرة غير الي كواتو غير ربي الي عالم بحالتي وبكائي في الليل كاين ناس يحكو معايا يقولولي ماشي كيما نتي شغل معنى كلامهم اني عايشة واش من معيشة فقط مانحكيش والله من صغري حتى الان مزال مافرحتش فرحة من قلبي نفس المشاكل نعاني منها مش راح نحكي مشاكلي لانه القصة طويلة ومانقدرش نحكي لانه كل كلمة نكتبها تفكرني في صوالح مانيش حابة نتفكرهم والان راني نبكي والدموع ويدان كرهت كل شيء ونفسيتي 00 ماعنديش حتى وين ننسى هاذ المشاكل حتى الانترنت الي VIDE كامل نفوته فيها وكرهتها وفي ناس يتفكرك غير وقت صوالحهم واذا حكيتلهم متاكدة بلي ماراحش ينصحوك ولا يخفو عليك يعرفو غير يوصلو كلام من فلان لفلان والله راسي راه يوجع فيا اتحملت أشياء شخص اخر في بلاصتي مايستحملهمش حتى في مواضيع مثل هاذ القسم ومشاكل الناس الي تفضفض لي انصحهم بواش نقدر كامل يقولولي كلمة وحدة الله يبارك عقليتك كبيرة على السن نتاعك وقليل وين نلقاو بنت في السن نتاعك عندها هاذ العقلية ( اعوذ بالله من كلمة انا ) ايه برسكو الشيء الي عشته من صغري وواش شفت في هاذ الدنيا كبرني عوام بزاف قلبي برد من كل شيء اسمحولي طولت لكن ادعولي ربي يفرجها عليا كاين دعاء لوكان يستجاب الدنيا ومافيها كيماقلت من قبيل نسمح في كل شيء غير يستجاب هذاك الدعاء