تصفيح البنات ؟ والله راني في حالة يرثى لها

[مشكلتي]

السلام عليكم و رحمة الله تعالى و بركاته
صحا عيدكم تقبل الله منا و منكم صالح الاعمال و القيام

خاوتي ، خواتاتي أقسم لكم بالله العظيم راني في حالة يرثى لها ...
أنا عرفت زميلة ليا مدة طويلة بزاف و حبينا بعضانا لدرجة غير طبيعية ، المهم أنا نويت نقدم نخطبها صارحتني بأمر نزل عليا كالصاعقة ،
خبرتني بلي راهي مصفحة و داروهالها بكري كي كانت صغيرة ماتعرفش ،

خاوتي من فضلكم اشيرو عليا ، كيفاه ندير ؟ يعني ازالة التصفيح الذي هو سحر ، يجرى عادة بسحر آخر لفكه سويعات قبل ليلة العمر ، يعني لوكان نقبل راح نكون شريك فالجرم الذي هو شرك بالله ، ربي يعافينا ، مافهمتش كي ندير

من فضلكم لي عندو اي معلومة او تجربة حول التصفيح هذا يشاركني بيها والله راني في حالة و مالقيتش لي يعاونني ــ
علابالي مش ذنبها و مانيش حاب نتخلا عليها بصح وش راح ندير ؟؟ كيفاه ندير

سؤالي للرجال / هل تقبل تزوج بوحدة مصفحة ؟ يلا نعم ؟ لماذا و يلا لالا كيف كيف ...

و هل البنت المصفحة تستطيع القيام بعلاقات مع الحفاظ علا عذريتها ؟ أم لا تستطيع اطلاقا ؟