وريدات قوس قزح وكفتة بالنوادكوكو

[ام ساجد]

السلام عليكم واش راكم هاذي زوج حلويات ساهلة وما طيبش والذوق امممممممممممممم لانها بالنوادكوكو








المقادير / 1 كيلو نواد كوكو + 3/4 زبدة طرية + سكر عادي + ما زهر + ملون غدائي وردي واخضر واصفر وابيض

حلوى فضية حبيبات

1/ وريدات قوس قزح

نكيل 4 كيلات نوادكوكو + كيلة سكر عادي ونرحيهم ماشي لازم بودر شوي برك



وبعد ما نرحي كل النواد كوكو مع السكر نضيف الزبدة طرية ونلم الخليط



ونضيف شوي ما زهر ونعجن كيما الكسرة



حتى نتحصل على عجين نقدر نعمل من كورة



نحاول نقسم الخليط الى 4 اجزاء ونلون بالملون الغذائي



ثم نبدا التشكيل ناخذ من كل لون كمية صغيرة ونحطهم جنب بعضهم



ونشكل كرة من غير ما نمزج الالوان مع بعض ونحطها في السكر العادي



ثم في مول على شكل وردة




ونعدلها بيدي داخل المول ثم نحطها مباشرة في الكيسات الورقية



وراح نتحصل على هذا الشكل ونحط في الوسط حبة حلوى فضية











2/ الكفتة بالنواد كوكو

نفس العجينة يعني 4 كيلات نواد كوكو + كيلة سكر نرحيهم ونلمهم بزبدة طرية وشوي ماء زهر

نخلي كمية كبيرة بيضاء + ملون ابيض وكمية متوسطة نعملها الكاكاو

ناخد كمية من العجينة البيضاء ونحلها ونحط في الوسط كمية من العجين السوداء لي فيها الكاكاو

ونغلق عليها مثل المقروض ومن الاحسن نعملها في كيس باش يسهال العمل



ونعملها حربوش ونقص مقروضات



ونحطها فوق سكر ارتب حتى تشيح وتتماسك ثم نحطها في ليكاسات

ونتحصل على اجمل كفتة

ونعملها وردة من نفس العجين ونزينها بخطوط من الشوكولا او الفوندون وشوي بريو

[leilaz]

شحال جاو ملاح وبريزونتابل ام ساجد ان شاء الله نجربهم في اقرب وقت يعطيك الصحة

[أم محمد تاج]

رووووووووووووووووعة أم ساجد يعطيك الصحة حنونة

[ام بسومة]

بارك الله فيك

[sirina_angel]

يعطيييييييييييييييييك الصحة ام ساااااااااااااااااااااااجد

[عطرالذهب]

ماشاءالله ام ساجد خرجولك تحفة
يعطيك الصحة وشكرا على الوصفة حنونة

[ام محمد78]

يعطيك الصحة

[إلهام07]

يعطيك الصحة ام ساجد عجبني نتاع الوردة كيفاش ملون
سقسيتك عليه من قبل ومارديتيش
يسلم يديواتك

[fofol]

السلام الله يعطيك أصح روعة هايلين

[أم ياسين الزهراء]

واوووووووووووووو رووووووووووووووووووووعة كل مرة تدخلي علينا بدخلى هييييييييييييييييييييييي الله يعطيك الصحة

[ilbeldelmondo]

ام ساجد الله لا يحرمنا من وصفاتك تهبل ماشاء الله

[<نَجْمَاتْ>]

روعة سلمت يداك

[ام عبد الله01]

مممممممممممممم تشهي اختي يعطيك الصحة

الصحيح يقال قوس المطر لا قوس قزح

[رياحين الجزائر]

وااااو روعة متاشاء الله الله ابارك جاو متحوفين اهبلو يعطيك الصحة

[basmala farah]

444444444444444 الله يبارك