[اعلان:] الحل النهائي لمشاكل حلوى الصابلي

[Fifilondon]

السلام عليكم
انا نحب الصابلي بزاف لكن عندي مشكل اغلب الاحيان ما تنجحليش لاني مرات نكثر الفرينة ومرات طيابها ما يكونش مضبوط من برا يكون لونها يهبل ومن داخل معجنة
عانيت بزاف وكل الوصفات لي جربتها ما نجحتش معايا
ما نحكيلكنش على الاحباط والكابة كي نشوف لي صابلي ونجي نجرب ثم نتفكر التجارب الفاشلة نحبس
حتى واحد المرة شفت في احد المواقع الفرنسية طريقة عمل la pâte sablée ودسيديت نجربها مع بعض التعديلات والنصاءح اخت ام وليد ربي يجازيها كل خير حتى توصلت للنتيجة لي ترضيني صابلي يذوب في الفم وبمقادير وطريقة مضبوطة
وهكذا كل وحدة تلقى نفس المشاكل تقدر تستفاد مع هذه الوصفة
في وعاء غمق نضع 2صفر البيض(او حبة كاملة)+كاس شاي من الزيت+100غ سكر (رطب او عادي)+فانيلا+قرصة ملح ونخلطهم بالفوي مليح
من جهة اخري في جفنة نضع 500غ فرينة+2مك نشا+1مص
خميرة الحلوى(الكل مغربلين)نخلطهم مليح ثم نضيف 200غ زبدة مقطعة مكعبات ونبدا نرمل في الخليط يعني نستعمل اطراف الصابع في مزج الخليط ثم نبسسها بين راحة اليد هذه مرحلة مهمة باش نتحصل على خليط مرمل
الان نجيب خليط البيض ونفرغ فوق الفرينة ونبدا نلم فيها غير باطراف الاصابع ابدا نا نعجنهاش كي نلمها نديرها في كيس بلاستيكي في ابثلاجة تريح مدة صغيرة ثم نستعملها عادى
ان شاء الله نكون افدكم
اعتءر لاني ما صورتش المراحل لاني مازال ما عرفتش كيفاش ندير تصاور ويكونو باينين دايما مايطلعوش