توجد عدة وصفات للعرايش
ولكن صديقة لي أعطتني هذه الوصفة و لقيتها تجي شابة و طرية
المقادير :
كيلةزبدة
كيلة ياوورت من ذوق اللي تحبيه أنا نستعمل الليمون و نضيف الفانيليا
ونلمها بالفرينة مغربلة 03كيلات (بالنسبة للفرينة حتى تتحصلي على عجينة حاكمة روحها )
نديرها في كيس ونخليها ترتاح ساعة (ممكن اكثر)
ممكن تزيدي ملعقة او 2 سكر رطب اللي تحبها حلوى بزاف
الحشو:
03كيلات لوز او جوز او كاوكاو +1/2كيلة سكر+ملعقةأو 2 زبدة ذايبة +قشور قارص ونلمها بماء زهر
للتزيين: قلاساج نعملو بالحليب حوالي نصف كأس و نضبف السكر غلاص و عصير الليمون و حتى ملون من إختيارك، و بعد ما تجف نزينها كيما نحب و نمسح بمسحوق التلميع.
طريقة تحضير تشاراك
نضع في وعاء 3مكيال طحين ونفس المكيال زبدة و ياوورت و لافاني و حتى السكر الرطب ان حبيتي
نفرك جيدا الخليط باليدين حتى نتحصل على عجينة
نضعها داخل كيس بلاستيك ونتركها ترتاح قليلا
نقوم بتحضير الحشو 03كيلات لوز او جوز او كاوكاو +1/2كيلة سكر+ملعقةأو 2 زبدة ذايبة
+قشور قارص ونلمها بماء زهر
بعدما ترتاح العجينة نفردها فوق الطاولة
بواسطة كاس او فنجان يكون عريض شوي نعمل دوائر فوق العجين
ناخذ دائرة ونعمل فوقها الحشو على شكل حرف t نغلق جيدا
نقلب حبة العرايش ونضغط عليها في الوسط ونلف الجوانب
نلف وحدة وراء وحدة و نتركها مدة نصف ساعة حتى ساعة
نضعه في صينية وندخله الفرن لاحتى يستوي
ثم نقوم بتحضير الطلاء نضع السكر الناعم ونبلله بالحليب و عصير الليمون شوي شوي
نحرك جيدا ثم نجرب واحدة اذا ساح الطلاء معناتو نزيد في كمية السكر والعكس
ممكن نلون الطلاء اذا حبينا بالصبغة او نتركه ابيض ثم نضيف نقطة زيت حتى تعطي بريق لطلاء
عند الطلي من الاحسن نطلي باليد وهي نعبي ايدنا بالطلاء ونضعه فوق حبة العرايش لكن لازم ننتبه انها راح تغطي كل الحبة حتى لانضظر نعمل مرتين ومايجي متساوي واذا شفنا انه مومتساوي نهز حبة العرايش شوي بعد الطلاء نضعه فوق رف الثلاجة حتى ينشف
ونزينوه من فوق حسب الرغبة و هذي مجموعة ضور عجبتني ممكن تعطيك فكرة على اللون او الشكل اللي تحبيه
انصحكم بتجريب لانهم صراحة روعة ماشاء الله ويذبو بالفم اتمنى يكونوا نالو رضاكم
و طلبي فقط كل واحد تحط وصفتها بعد موضوعي حتى تستفيد الاخوات خاصة المبتدئات و ما تنسوش التقييم و النصائح
دمتم بحفظ الرحمن ورعايته
( تقرير عن مشاركة سيئة )، و الموجودة أسفل كل مشاركة .
2014-05-30, 14:47
العرايش الجزائرية
العرض العادي
