الأمن العسكري أو drs

[mounyabiskra]

االسلام عليكم , خويا الصغير حاب يدخل للجيش بصح راهي عاجباتو غير تخصص الامن الجيش خطرش يحب بزاف التحريات .... قولولي كيفاه يديربش يدخل? وين يقراو? قالولنا فبني مسوس, و قولولي تعيشو إلا مليحة ولا لالا راني خايفة عليه, وشنو هوما الامتيازات.... إلخ و شكرا.

[bachache boualem]

الله اعلم....

[imedmias]

على حساب النيفو تاعو الا عندو 03 ثانوي يدخل كابران ولا عندو البكالوريا يدخل ظابط صف ولا عندو شهادة جامعية يدخل ظابط

[imedmias]

باه يدخل لازمو يدفع الملف في بني مسوس

[مراد سابقا]

اخطيك خوك حاطها كيما cia

وسلسلة 24 ساعة

كاين ناس كانوا يخدماو فيها راهم في القبر

والفاهم يفهم

حذار يا اختي

[mounyabiskra]

بارك الله فيكم خاوتي، هو عندو باك + 4
مراد سابقا: هو حبها و بابا قالو لالا و مخذاش الراي.... قالنا مليحة و غير فالعسكر لي نقدر ندير l'avenir!! راهو خايف يكمل و يتشوكا ب chômage

[Harrou]

السلام عليكم، على حساب علمي اذا كان السن تاعو مافاتش 23 سنة (هناك استثناءات) يقدر يدخل بشاهدة الليسانس تكوين ضابط والحظوظ تكون اكبر اذا كان تخصص الليسانس علمي،
عكس الجيش، هي فيها بعض الغموض يعني ماكانش اللي يعطيك الصحيح انا نظن لازم يدير نهار ويروح لبني مسوس بالعاصمة وياخذ معاه الملف (3 نسخ خطية لطلب الانضمام، 3 شهادات سوابق عدلية، 3 شهادات حالات مدنية فردية، 3 شهادات عزوبة، 3 شهادات ميلاد، شهادة جنسية، 6 صور شمسية ...الخ اما بخصوص شهادة الليسانس وكشوف النقاط مانيش متأكد منها) وان شاء الله فيها خير.
نصيحة من عندي، انا نقترح له امن خارجي بدل امن الجيش، امن خارجي فيها فرص يروح يخدم في الخارج عكس امن الداخلي او امن الجيش وغيرها من المديريات ...
أيضاً قولي له يتوقع كل شيء لانه بين قوسين الخدمة ماهيش ''شريفة" بصح من جهة l'avenir كيما قال عندو الحق.
وبالتوفيق.

[mounyabiskra]

المشاركة الأصلية كتبت بواسطة harrou

السلام عليكم، على حساب علمي اذا كان السن تاعو مافاتش 23 سنة (هناك استثناءات) يقدر يدخل بشاهدة الليسانس تكوين ضابط والحظوظ تكون اكبر اذا كان تخصص الليسانس علمي،
عكس الجيش، هي فيها بعض الغموض يعني ماكانش اللي يعطيك الصحيح انا نظن لازم يدير نهار ويروح لبني مسوس بالعاصمة وياخذ معاه الملف (3 نسخ خطية لطلب الانضمام، 3 شهادات سوابق عدلية، 3 شهادات حالات مدنية فردية، 3 شهادات عزوبة، 3 شهادات ميلاد، شهادة جنسية، 6 صور شمسية ...الخ اما بخصوص شهادة الليسانس وكشوف النقاط مانيش متأكد منها) وان شاء الله فيها خير.
نصيحة من عندي، انا نقترح له امن خارجي بدل امن الجيش، امن خارجي فيها فرص يروح يخدم في الخارج عكس امن الداخلي او امن الجيش وغيرها من المديريات ...
أيضاً قولي له يتوقع كل شيء لانه بين قوسين الخدمة ماهيش ''شريفة" بصح من جهة l'avenir كيما قال عندو الحق.
وبالتوفيق.

يعطيك الصحة خويا, لي فيها الخير يجيبها ربي ان شاء الله

[علي لقواطي]

يا أختي هناك فرق بين الأمن العسكري و جهاز الإستعلامات
و افراد هذا الجهازين عندهم هيبة بصح رايح يرهن حياتو العامل فيها

[houarisat]

نصيحة لوجه الله يخطيه منها مجرد مقامرة بحياته مقابل نقود العسكر راهو كبير
+
ألم تحل ال drs ?

[sidali75]

المشاركة الأصلية كتبت بواسطة lilou lilou

يا أختي هناك فرق بين الأمن العسكري و جهاز الإستعلامات
و افراد هذا الجهازين عندهم هيبة بصح رايح يرهن حياتو العامل فيها

السلام عليكم ورحمة الله وبركاته أخي هُما نفس الجهاز مع تغيُر في التسميات على مر الزمن ـ وأما أنهُ سيرهن حياته فتلك كلمة فضفاضة ـ فإن كان سيستقر عملياً وحياتياً فأنعم بها من رهن ـ وإن كان القصد غيرُ ذلك فالله أعلم بما دار في خُلدك ولذلك لا أستطيع الإجابة ـ وعلى كل حال فهذه المصلحة الأمنية والتي تُعتبر ـ كالعمود الفقري للجيش الوطني الشعبي ـ هي جهاز حساس بسبب المهام المكلف بها ـ وكذلك الحال في كل جيوش العالم ـ فإذاً هو ليس شيئ مستحدث في الجزائر فقط ، وأقول للأخت الفاضلة إن هذا الجهاز ـ يضُم أبناء هذا الشعب ـ فكما هم ـ في القوات الجوية والبحرية والجوية فهم أيضاً من يُشكلون هذا الجهاز الأمني ـ ونصيحة من مُجرب أرجوا أن تقبليها وهي إن كان أخوكِ يريد الإنضمام لصفوف هذا الجهاز فليتوجه للمديريات التابعة لها في كل النواحي ليستعلم ويأخد نظرة عن قرب ومن أفواه من سبقُه إلى الميدان ـ لأن من يُجيبُكِ الأن ـ لربما هو يجيب بما رأه في الأفلام أو ما حرضته عليه بعض القنوات أو بما سمعه عن طريق أشخاص لا علاقة لهم بالميدان ـ وحتى أن السؤال هكذا يفتح الباب لإعطاء معلومات نحنُ في غنى عن تسريبها ، وبارك الله فيك

[sidali75]

المشاركة الأصلية كتبت بواسطة houarisat

نصيحة لوجه الله يخطيه منها مجرد مقامرة بحياته مقابل نقود العسكر راهو كبير
+
ألم تحل ال drs ?

إذا هو لم ينضم وأنت لم تنضم وأنا لم أنضم و الشباب الجزائري لم ينضم ـ فمن سيشكل هذا الجهاز ربما نستورد شباب من الصين ليحفظوا أمن البلاد داخلياً وخارجياً ـ والله البعض يتكلم للكلام فقط ، وأيُ مُقامرة أعظم من بلاد لا تملك جهاز أمني إستعلامي ؟؟؟؟ يا أخي نصيحة لوجه الله الشيئ الذي تجهلُه لا تتكلم فيه ـ فذلك أقوم و أعدل ـ

[younes_01]

sidali75

+1

[sidali75]

المشاركة الأصلية كتبت بواسطة younes_01

sidali75

+1

أرجوا أن يكون هذا +1 لا معنى سيئ فيه

😃

[houarisat]

المشاركة الأصلية كتبت بواسطة sidali75

إذا هو لم ينضم وأنت لم تنضم وأنا لم أنضم و الشباب الجزائري لم ينضم ـ فمن سيشكل هذا الجهاز ربما نستورد شباب من الصين ليحفظوا أمن البلاد داخلياً وخارجياً ـ والله البعض يتكلم للكلام فقط ، وأيُ مُقامرة أعظم من بلاد لا تملك جهاز أمني إستعلامي ؟؟؟؟ يا أخي نصيحة لوجه الله الشيئ الذي تجهلُه لا تتكلم فيه ـ فذلك أقوم و أعدل ـ

حسنا أنت تقول تتكلم عن غير علم
راح نعلمك الأن الجهاز هذ ما يسحقش ناس كيفنا باش يتكون هو أصلا جهاز مخلط يعني يجيبو من الدرك والمن العسكر عادي وحتى من الشرططة بعض ولكس كل الأعضاء من تتوفر فيهم الشروط
2 أنا كنت أعرف شخص كان يعمل في هذا الجهاز لا يأتي إلى منزله إلا بعد سنتين او 3 لا زواج لا مستقبل ما فائدة النقود بدون حياة الشيئ البباقي راك تعرفه بخصوص هذا الجهاز