حقيقة خميرة الخبز وتحريمها

[زينب 83]

السلام عليكم و رحمة الله و بركاته
اكيد سمعتوا بالجدل لي كان قائم حول خميرة الخبز صاف و الشك في احتوائها على مواد خنزيرية

انا قمت بالبحث مسبقا و لقيت انو احتمال كبير انه المكون المشكوك من مصدر نباتي لكن صراحة خفت ننشر لانه الامر يمس الدين
المهم اليوم لقيت هذا الخبر في جريدة الاحداث و حبيت نعلمكم و الله اعلم مني و منكم


طمأنت المنظمة الجزائرية لحماية وارشاد المستهلك، أن تركيبة خميرة الخبز الفورية، تخلو من أي مادة خنزيرية ، موضحة في بيان أصدرته أمس الأربعاء، " أننا نطمئن من شك في عدم جواز استهلاك هذه المادة شرعا، إننا نحوز حاليا على شهادة "حلال" تثبت استوماء المنتوج لشروط الحلال وفق الشريعة الإسلامية، وستستمر في البحث لغاية الحصول على شهادة ثانية من مخبر ثان محايد ذو مصداقية علمية".

وأفاد نفس البيان، أن المنظّمة باشرت التّحقيقات داخل وخارج الوطن، فور تلقّيها كم هائل من طلبات التوضيح حول طبيعة المضاف الغذائيE491 الموجود في تركيبة خميرة الخبز الفورية .

وناشدت منظّمة حماية المستهلك، السلطات العمومية، ووزارة التجارة، ووزارة الصناعة ووزارة الفلاحة، بالإضافة إلى وزارة الشؤون الدينية للإسراع في تنصيب هيئة وطنية لإشهاد الحلال، التي تتكفل بإعاء المعلومة الصحيحة بطبيعة المكونات الغذائية.






https://fibladi.dz/الاخبار/الأحداث/it...80%8E%E2%80%8F

فتحت الموضوع لأعلمكم ما تم نشره من جهات مختصة لكني لا احرم و لا أحلل انا نقلت و فقط

[جنة الفردوسْ]

جزاكي الله كل خير غاليتي...انا واحدة من الناس من الاول على بالي بلي حلال..الشيخ شمس الدين مانعترفش بيك اصلا... يعني هاذ السنين كامل نستعملو في الخميرة راح يجي هو يكتشف بلي جرام والله صراحة دهشتني هاذ الزوبعة اللي نوظوها بلا فايدة ...
غاليتي الف شكر على شرحك وتوضيحك جعلها الله في ميزان حسناتك

[اللؤلؤ الابيص]

اعياو واش يديرو ثارو يهولو في الناس يكثر خيرك اختي

[malake1967]

السلام عليكم ورحمة الله وبركاته
جمعة مباركة ورمضان كريم للجميع
بارك الله فيك أختي على التوضيح والمعلومات



وصح فطورك

[فرج قريب]

بارك الله فيك اختي انا حايرة و ما نعرفش كي ندير راكي طمنتيني شكرا،و بالنسبة للاخت جنة الفردوس انو القضية مش الشيخ ،القضية انو المادة e491 مشكوك فيها و اغلبية المواد مثل الدهون الحيوانية و دهن الخنازير و الكحول يغطوها برقم سري باه احنا العرب نشروا و خلاص ،في فرنسا المساجد يعطونا كتيبات و فيها كل هذوا الارقام السرية من المواد المحرمة علينا باه نشروها و لكن للاسف انا ما عنديش هدا الكتيب ،و لو انو مش صحيح و فيه شك ما تنوض الزوبعة كيما قلتي و ما يكون فيه كل هده التحقيقات ،كانوا مباشرة يكذبوا هذاالخبر ،هدا رأي الخاص شكرا لكن و صح فطوركم

[جنة الفردوسْ]

المشاركة الأصلية كتبت بواسطة فرج قريب

بارك الله فيك اختي انا حايرة و ما نعرفش كي ندير راكي طمنتيني شكرا،و بالنسبة للاخت جنة الفردوس انو القضية مش الشيخ ،القضية انو المادة e491 مشكوك فيها و اغلبية المواد مثل الدهون الحيوانية و دهن الخنازير و الكحول يغطوها برقم سري باه احنا العرب نشروا و خلاص ،في فرنسا المساجد يعطونا كتيبات و فيها كل هذوا الارقام السرية من المواد المحرمة علينا باه نشروها و لكن للاسف انا ما عنديش هدا الكتيب ،و لو انو مش صحيح و فيه شك ما تنوض الزوبعة كيما قلتي و ما يكون فيه كل هده التحقيقات ،كانوا مباشرة يكذبوا هذاالخبر ،هدا رأي الخاص شكرا لكن و صح فطوركم

اختي الف شكرا وانا معاك في هاذ الحاجة........ حقيقة انا نشوف فيها كلش سياسة فرات حابين يضربو في الاقتصاد والا اي حاجة.... هاذي هي بلادنا مانعرف وين ماشية...ربي يسترعلى بلادنا وخلاص....وفي الاخير كل واحد رايو مع احتراماتي اختي الغالية... صح فطورك انتي تاني

[فرج قريب]

آميين ربي يستر بلادنا الجزائر دائمة الامان إن شاء الله و يحفظ شبابنا و يهديهم الى الطريق المستقيم، شكرا حبيبتي على تقبلك رأيي الخاص،ربي يغفر لنا إن شاء الله انا عن نفسي و الله بزاف اي حاجة نقرا المقادير ،و تقريبا كل المواد فيها متل هده المواد أخيرا اكتشفت انو الفرماج كذلك فيه ،الزبدة ،الحاوى كل شيء لازم اي حاجة تشوف يها و تتأكدي انو مقبل ما تشريها راني نتكلم وين راني عايشة مش في دزاير هههههه ،

[ام رضوان]

بارك الله فيك وربي يجازيك بالخير
هولونا رمضان رمضان
ربي يهديهم

[om wafaa]

وكيفاه نديرو

[fatisousou]

ربي جازيك انشاء الله وربي يحفظ الامة المسلمة انشاء الله لان لراه جاي الله يستر

[أم عبد الله ياسين2]

شكرا اختي بارك الله فيك ،يوجد ايضا مكون أخر يوجد في الجبن و ياغورت، هو la prėsure ديرو عليها تحقيق و شوفو انا عدت نخاف بزاف نفضل نصنع في المنزل احسن ، الله المستعان

[ام حمزة22]

السلام عليكم

بارك الله فيك اختي زينب يعطيك الصحة على اامعلومة انا ملي قالي عليها وليدي وانا نخمم راكي ريحتيلي بالي ربي يريح بالك ويهنيك

[ام يحيا]

شكرا على الخبر

[منال الامورة]

شكرا رمضان كريم

[.sirine.]

شكرا على التوضيح