اداب وفلسفة

[مشكلتي]

السلام عليكم

صح باك اداب وفلسفة ماتدير بيه والو؟
صحاباتي راهم يقولولي باك اداب وفلسفة مافيه حتى فايدا و العلمي خير علينا
راهم يقولولي التخصصات لي يمدولنا حنا الادبيين تخصصات مافيها حتا فايدا وماتفيدش ومايسحقوهاش ومافيهاش لفايدا
لي نقولو انا ادبية يقولي باك تاعكم مافيه حتى فايدا و مايفيدش الصح كلش ف العلمي والعلمي خير
هوما يلقاو لخدما وحنا لا
قالتنا مرا الاستاذة تاع الرياضيات اللشعر و التفلسيف لي راكم تقراو فيه مايفيدكمش

صح واش راهم يقولو ??????????????????

[nasser26]

كل اختصاص وله مميزاته

خليك من كلامهم

[لحن الحياة.]

الخدمة و المستقبل فالدزاير زهرك يا زهار مافيها لا ادبي لا علمي لا والو

[yasmineyasmina]

ماشي صح واش راهم يقولو
لانه لوكان حقا. كلامهم صحيح من هو الاستاذ الذي درسهم في الابتدائي ليصلوا الى هذه المراحل
لو كان الادب عديم القيمة من اين لهم الثقافه
لو كان اتجاه اداب وفلسفة لايعمل به شيئ. من سبعلمهم دينهم اسيعلمهم العلمي. الذي تكون كل اقتراحات مهنته علمية.
من سيعلمهم قواعد الكلام
وخلاصة القول. باك اداب وفلسفة قيمته ثمينه لايعرفها الا من تحصل على شهادته.وعرف قيمته

[*أم سجى*]

ليس قطعيا لكن فيه نوع من الصحة ....مثلا لي درسو تخصص أدب وعندهم ماستر كاين بزاااااااااااف على هذيك الحظوظ تع العمل تكون ناقصة نوعا ما.. نفس الشي لي درسو فلسفة أو علم اجتماع أو علم مكتبات ........وفي الأخير مشي بالضرورة قالو هكاك معناها تحبسي القراية وتقعدي تخمي فيهم انتي اقراي واجتهدي وبلاك تكوني مالمحظوظين في الحياة وفقك الله

[*أم سجى*]

لي راهم يفتخرو بالعلمي قوللهم شفناكم شبعتو تكسار الراس مع الرياضيات وكي جبتو الباك قع رحتو أدب وشريعة ووو

[روح المي]

كل واحد وزهروا
وعلى حسب انت واش راح تختاري من تخصص في جامعه
حتى علمي كون يدي 10 وانت تدي 12 فما فوق انت خير منه في رايي لان الفرص عندكم اكبر وتخصصات في مجال دراستكم سابقة اكبر
واستخيري وزيدي شوفي امكانياتك اذا راك مليحة في رياضيات وفيزياء علوم واذا تاعبا فيهم ديري ادب يعني على حسب جهدك

[علي لقواطي]

كلش بالمكتوب و نعطيك مثال تخصص لغة فرنسية اغلبهم يلقو عمل اما مهندس ري او تقني سامي فالتكنو تلقايه قاعد.

[جمال6]

في بلادنا انت وزهرك

[حية بذكر الله]

حاجة وحدة نقدر نقولها الرزق على ربي

[ommo khawla]

خلي يقينك بالله قوي ادرسي التخصص الي تقدريلو وأجتهدي فيه هكذا تتحصلي على معدل مليح وخلي طموحك اكبر وبدون حدود

[ايمان4]

لا حبيبتي لما هكذا تشائم ... البلد ضعيف لا ان لي ضعيفة و ليس البلد .. باكالوريا اداب ليست لها قيمة ؟؟ عجيب الامر لا لها قيمة و الف قيمة العلميين احسن لاليسو احسن مني العلميين هكذا قولي لنفسك هم ممكن برعو و احبو الرياضيات و انا اعشق الادب و الفلسفة لما لا اطالع الحمد لله عندك النت متوفر في المنزل اعتقد بحكم انك مشاركة بالمنتدى لما لا احسن مهاراتي اقرء كتتب الجاحظ و المتنبي و الادباء البارزين و اقرا في مجال الفلسفة ... اصلا الفلسفة ام العلم لولا وجودها لما وجدت الرياضيات و كانت مرتبطة ارتباطا وثيقا بالفلسفة و لك حرية البحث حيث امن الفلاسفة منعم من قال انها تجريبية و منهم من قال تجريدية المهم و هكذا مواضيع و لما لا تصبحين فيلسوفة اديبة؟ اكيد العلمي لن يتفوق عليك فانت لديك ميزو انك ادبية مكونة ادبية فلتكن لك غيرة انك لن تتركي اي علمي يتوفق عليك في علمك ... مشكلتنا اننا لا نقدر قيمة العلم اسعي في الارض اطلبي علما و انا واثقة ان الله تعالى سيكون عند ظنك ...
بلدنا يحتاج للادبي بقدر ما يحتاج للعلمي ... كوني متفوقة بمجالك و لا تسمحي لاي احد مهما كان ان يثبط عزيمتك ... المس فيك البنت المحبة لشعبتها ... عزيزتي الطالبة ارجو منك ان تبرهني لهم انهم مخطئين و انك عكسهم هم ستتحصلين على وظيفة و مرموقة لانك عكسهم هم لم تتحججي باعذار غالبا ما يتخذ الفاشلين حجج بينما الناجحون فلا يتركون مجالا للفشل .... الله يعينك رمضان مبارك

[ahlem 05]

اختي كل شي علي حساب المعدل وحتي العلمي من مفيه حتا فايده لكان معدل ضعيف ننصحك بمدرسة عليا

[**خليصة **]

اذا كنتي مش مقتنه بكلامهم بينيلهم العكس
اتبسمي في وجهماو اخدمي على انك تقدري ديري بيها
كون جاو مايديرو بيها والو كون ماداروهاش
هادي هي الي خلاتنا مانطوروش

[SELLAMI FATHI]

لازمك تربحي لباك وديري المدرسة لعليا للغة الانجليزية ولا فرنسية احسن