قولو وداعا للنمل في البيوت

mimi_belle · 2016-07-08, 14:03

السلام عليكم ليوم جبتلكم طريقه رائعه و مجربه للتخلص من النمل في المنزل و خصوصا في المطبخ يعلم الجميع ان النمل حشره غير ضاره للانسان و غير نجسه و لكن تواجدها بكثره. في المنزل مزعج انا مرات كنت نديرله الدوا نشريه من عند محل بيع المعدات الفلاحيه لكنه سام خصوصا للاطفال الصغار و هو غير مجدي صراحه فاليك الحل :
نظفي جيدا المكان المتواجد فيه النمل و قومي بتجفيفه ثم رشي كميه مليحه من مبيد الحشرات اورو oro و هو اسباني الصنعو موجود في الاسواق الجزائر يا. كرري العمليه كلما استدعى الامر
لا تنسو اعطائي رايكم

FATIHA131 · 2016-07-08, 15:19

سلام اختي عيدكم مبروك
سوف اجربها ان شاء الله
بارك الله فيك

حياتي كلها امل · 2016-07-08, 15:21

السلام عليكم شكرا اختي انا يكثر عندي في الصيف يدير سنسلة طويله ونلقاه في كل بلاص نحوس على هذا الدواء ونسييه شكرا لك

جهينة اليقين · 2016-07-08, 19:58

يا اختي راه كالينا من العينين سوف اجربه شكرا

طهراوي ياسين · 2016-07-08, 20:01

شكرا اختي

مع العلم اني افضل عدم قتل النمل

حاولي ذلك قدر المستطاع بارك الله فيك

mimi_belle · 2016-07-08, 20:17

اقتباس:

المشاركة الأصلية كتبت بواسطة حياتي كلها امل

السلام عليكم شكرا اختي انا يكثر عندي في الصيف يدير سنسلة طويله ونلقاه في كل بلاص نحوس على هذا الدواء ونسييه شكرا لك

لا شكر على واجب اريد التنبيه فقط ان هذا ليس دوا ولكن مبيد حشرات* فليتوكس* بالعامية انا نشريه من عند بائع المواد الغذائية اسمه oro

mimi_belle · 2016-07-08, 20:21

اقتباس:

المشاركة الأصلية كتبت بواسطة جهينة اليقين

يا اختي راه كالينا من العينين سوف اجربه شكرا

جربيه اختي ما راحش تندمي زياده ان رائحته شابة انا ملي درته ما زادش ولى خطرات نشوف حبات يدورو نعاود نمسح غايه و ندير في قاع طريقه و غيرانه و ندير في كل محيط المطبخ و تحت الباب لانه يدخلي من الفناء.

لحن الحياة. · 2016-07-09, 05:48

حنا النمل ما نقتلوهش مع انو معدناش

ديريلو الملح ذريه فوق الجحر تاعو

mimi_belle · 2016-07-09, 14:22

اقتباس:

المشاركة الأصلية كتبت بواسطة jill

حنا النمل ما نقتلوهش مع انو معدناش

ديريلو الملح ذريه فوق الجحر تاعو

انا تاني اختي و الله ما نبغي نقتله بصح هذا السنوات الأخيرة اصبح متواجد بكثره لا مثيل لها نلقاه فالسكريه و فوق القاطو و فوق حتى الفواكه و احيانا داخل الفواكه كالتين و المشماش و يطلع مع رجلينا و يقرصنا و اولادي يقعدو يبكو و الله مالقيت حل غير هذا لكن ساجرب طررقتك مع الملح

omelbanin · 2016-07-09, 21:34

السلام عليكم، انا ما تتصوروش كيفاش عندي النمل صيف وشتاء درتلو كلش حتى يأست، كون نلقا هذا المبيد ويروحلي،

ما ننساش خيرك أبداً.

sofia dj · 2016-07-09, 23:37

شكراااااااااااااااا

mimi_belle · 2016-07-10, 00:51

اقتباس:

المشاركة الأصلية كتبت بواسطة omelbanin

السلام عليكم، انا ما تتصوروش كيفاش عندي النمل صيف وشتاء درتلو كلش حتى يأست، كون نلقا هذا المبيد ويروحلي،

ما ننساش خيرك أبداً.

جربيه ان شاء الله يجيب نتيجه كيما انا بصراحه انا لا احب قتله لانه غير مضر و غير نجس و يقولو يجلب الرزق في المكان المتواجد فيه لكن تواجده بكثره امر مزعج بالاضافه انه ما يموتش كله بل يغادر المكان موفقه حبيبتي