** إليك كسرة رخسيس في الــفرن **

[ladymillion]

أهلا بيكم في موضوعي البسيط

رخسيـــس في الفرن مختلف شوي على نتاع الطاجين وسهل اكثر خاصة من حيث الحرارة نتاع الطاجين يااااااااااويلي

بسم الله راح نحتاج :

انا موالفة ندير عيني ميزاني في المقادير لكن راح نكيل باش يكون كلش مضبووووط ، درت قرصتين ونعطيلك مقادير قرصة وحدة

لكل قرصة واحدة نحتاج

- كأس وثلث كأس سميد رقيق ممتاز
- ربع كأس زيت
- بيضة كاملة
- م ص ملح
- نصف م ص سكر
- نصف م ص خميرة الخبز
- شوي من الجلجلانية
- ماء دافي

في جفنة راح نبسس السميد بالزيت ونحك بكف اليد ونلم العجين بجهة ونحط المكونات الجافة في العجين ، ونكسر البيضة ونخلطها بشوي ماء ونلم العجين ملييييح ونضيف الماء بالشوي حسب العجين حتى تتكون عندي عجينة طرية

نديرها في كيس بلاستيكي نظيف نخليها ترتاح





نشعل الفرن 250° والرف يكون اسفل نخليه يسخن ملييح

بعد 15د هكذاك يكون العجين رتاح خلاص ماشي نخليه يتخمر لالا يرتاح برك ونعجنو شوي وندير رشة من خميرة الحلوى ( تقدري تستغناي عليها )

هنا بعد العجن




نحل القرصة بالحلال ( ماترقيهاش بزاف لان كي طيب الاطراف يطلعوا هههه ) ونثقبها بالشوكة او سكين ونحطها في الصينية ونزيد نديرلها غير شوي زين من فوق باليد برك



ونحطها طيب مباشرة بعد مانقرصها لازم الفرن يكون سخون هنا بدات تتنفخ



لما طيب من تحت وتتحمر نطفي ، ونشعل من فوق كذلك

وهاهي واجدة ومحمرة ممممم









نتمنى تجربوها وترتاحو شوي من الطاجين هههههههه

[رانيا لوك]

جات هايلة مشكورة

[الأمنيات]

امممممممممممممممممممممممممممممممممم عجبتني هادي تاكلوها في بلاصة الخبز ولا مع القهوة
يعطيك الصحة

[ladymillion]

مشكورات عزيزاتي
امنيات ناكلوها في بلاصة الخبز ههههههه

[hony]

allah yebarek ndiro khemira ta3 khobez ?

[عطرالذهب]

اممممممممممممم عجبتني هايلة

[ladymillion]

Hony نعم اختي خميرة الخبز اي نتاع المطلوع

عطر صحيتي حبيبتي نورتي

[طير الرحمة]

تههههههههههههههبل
بصحتكم نقدروو نديروووووها فى الفووووووور ولا لازم الفرن

[ام محمد78]

يعطيك الصحة

[sidali 2007]

اممممممممممم بدون تعليق نقطة ضعفي راني نلم فلباقاج وجاية ليوم عندكم

[ام ساجد]

يعطيك الصحة ليدي ما تجيش يابسة ولا تجي مبسة

[ladymillion]

طير الرحمة ههههههههه يامصيبة حتان وسوست ههههههههه ديريها في الفرن خير

سيدالي ارواحي مرحبا بيك عندناااااااااا لحبيبة

ام ساجد تجي مبسسة ومقرمشة وطرية هاذو كامل مع بعض ههههههههه

[scorpionoir]

تسلم ايديكي يا شطورة اكيد نجربها راني نتخيل فيها تقروش ممممممممممممممممممممممم

[oum anas 69]

أويلي أويلي هاتي هذيك القرصة 2 ياخي 1 تكفيكم هههههههه
رائع مجهودتشكرين عليه
آآآآآآآ خلاص أمالا تشعلى من فوق ماشي تقلبي القرصة نجربها و نرجعلك الخبر وينهي طومة ؟؟؟؟؟ واش راهي تخلط هههههه

[natacabell]

شكرا لكي قوليلي هادي شغول خبز الكوشة(خبز الدار) برك نتوما تقولولو رخسيس
راكي تعرفي كل منطقة كيفاش تسمي بصح لب الموضوع واحد يعطيك الصحة ربي يبقي الستر عليك