الفرق بين البر و الضعف

[مشكلتي]

نكتبلكم اليوم بعد مانفذ صبري قلت لعل تفيدوني بكاش افكار او نصائح ربما مارانيش نخمم زين عاونوني ربي يجازيكم بالخير

زوجي ضعييييييييييييييف الشخصية مع امو لوحد الدرجو تستفزني و تقتلني بالغيظ و منيش قادرة نعطي رأيي لانو يعتبرني نتدخل فيما لا يعنيني!!!!!

حماتي مسيطرة على زوجي و ياريت برك تشفق عليه لو تقول يا حليلو ابداااااااا تستنزف فيه قدر المستطاع

زوجي مديون بزااااااااااف لانو عندنا برك شهرين ماللي تزوجنا و مع ذلك امو تشري بالغالي من الحانوت و تعيطلو تقلو روح خلص الحانوت الفلاني راني شريت من عندو و حتى لما يجوها ضيوف تبعثلو تقلو هات مصروف لضيافي رغم انو زوجها لاباس عليه ماديا!!!!!

اخر خرجاتها حبت تبني زوج دويرات في السطح راحو اسلفو 12 مليون يبنو بيها و راجلي حطوه امام الامر الواقع انو يخلص منها 8ملاين !!!!!!!!!!!!

رجاااااااء فهموني اذا بر الوالدين يعني الضعف لهم ؟؟؟؟؟؟؟؟؟

هناك امور لم اذكرها لخصوصيتها فاااااااااااض بيا الكيل

لاحول ولا قوة الا بالله

[علي لقواطي]

هذا ليس من ضعف الشخصية هذا من البر بالوالدين و جزاه الله خيرا على جهاده في عائلته لكن يحاول ما يديرش الدين.
ملاحظة : الوالدين خط احمر لا يمكن تجاوزه. و نضن كون امك تحتاج تنحيها من لحمك و تعطيهالها

[sarl02]

البر بالوالدين فرض وواجب كيفما كانو ...لكن مسايرتهم وموافقتهم في كل شيء حتى ولو كانو على خطا لا يجوز ..لانه حقيقة هناك البعض من الوالدين اخطاؤ اخطاء فادحة حطمت البعض من اولادهم من خلال تصرفاتهم ...لهذا وجب على الفرد ان يكون محنكا في تسيير مثل هاته المواقف.

[روح المي]

أختي أيام الوالدين معدودة ومهما فعل وقدم لهم سوف يبقى مقصر في حقهم
وان زاد الامر عليك بالصبر لانهم والديه
ومن الاحسن ان لا تناقشيه
ان كان ضعف فهو مطلوب انه بر بالوالدين هو ادرى بظروفهم ربما هناك امور لاتعرفيها
هم اكثروا من طلابات ربي يهديهم بعضهم يحبون مال وان كان سوف ياخذ راحت البال من ابنهم
بصح مادام زوجك بارا لوالديه بهذه طريقة ربي سبحانه راح يعينه

[~رآقية بأخلآقي~]

شهرين فقط زواج وتحكي هكذا..؟؟؟!!!!!!!!!!!!!!!!!!!!!!!!!!!!!!!!!!!!!!!!! !!!

أنا نقولك نتي ربي يهديك اختي

وكيما قالولك من قبل الوالدين خط احمر

كل الأشخاص عندك الحق ترفضي واش يطلبو من زوجك إلا أمه يا سيدتي...

ربي يهدي سركم ويهنيكم وديري في بالك أنو كل ما برها أكثر راح ربي يعوضو ويسهلو في حياتو

[خالد عنابي2]

اذا كلامك صحيح وغير محرف

فهذا ضعف وليس بر والدين

متى كان البر يعني العبودية ؟

هو ليس المسؤول عن امه طالما ابوه حي وقادر على شقاه

رجالة اخر زمن !

[اياد حياتي]

سامحهن الله صح كاين بعض الامهات تبروفيتي في ولدها انا تبانلي انانية والله ماندير ولدي هكذا صح ندي بصح ماشي لهذه الدرجة وخصوصا ما عندوش وملان ديونات نصيحة مني ما تدخلي خصوصا انك عروس جديدة وانتي فاهمة فكرتني بوحدة كان ولدها يمدلها ماءة الف تقولو لالا زيدها ذورك في روحك راك تبني في دارك تديها بسيف الله يهدي ما خلق كاين والدين استغلالين بمفهوم بر الوالدين

[samy algerien]

طبعا هذا ضعف وعدم المسؤولية .
مادام الوالدين لا باس بيهم ويستغلونه فهذا ضعف طبعا.
وهو الان لديه عائلة جديدة ومسؤولية.
معنى بر الوالدين بعيد كل البعد عن هكذا أشياء.

[زهرة الاركيد]

الله يهديك هذا بر
ولوكان تقوله مدلي عينيك يمدهمليها جات برك على المال الفاني
الامر لاتعوض فهمتي
والرزق من عند ربي ومدام هو يبر الدين يقضى
������������
شريت وبانتلك بلي ضعيف
معليكش ديري روحك في بلاصته ومك بغات اي حاجة قوليلها لالااا
مسخيتش .......مااحبه لنفسي احبه لغير .... ينشا اولادي في بر
اشارة
لايمكن ان لاتدخلي بين.ام وبنها

[نورسين.داية]

السلام عليكم
عزيزتي طبعا في تفسير زوجك هو بر ....لكن الشيئ الذي لم يدركه الزوج أن هده الطلبات مبالغ فيها خصوصا مسألة البناء ...و زوجها ميسرور الحال .....

بكل صراحة من الصعب التدخل في هذا الموضوع و أي ملاحظة من قبلك سوف تقرأ بطريقة سلبيةمباشرة بغض النظر عن نواياك

شيئ واحد فقط دكري زوجك دائما بمسؤولياته و ديونه عله يتبه ويفرق بين الشيئ المعقول ....و المبالغ فيه

وفقكي الله عز يزتي .....و لا تتسرعي ....أمشي على مهل

[خالد عنابي2]

هو ليس برا على الاطلاق
هناك نوعية من الامهات ترى في الزوجة منافسا لها على ابنها وانها سوف تسلبه منها
ولهذا تفعل كل ما بوسعها لتعزيز واثبات سيطرتها وانه يطيعها هي
طبعا عقلية سلبية جدا ومدمرة جدا
الزوج مسؤول عن زوجته وعائلته الجديدة كاولوية
طبعا هذا لا يعني التملص من الالتزامات تجاه اسرته القديمة ووالديه
ولكن هذه هي سنة الحياة لما الانسان يكبر لازم يستقل وياسس اسرة جديدة
وبالخصوص اذا والديه قادرين على رواحهم ولا يحتاجونه

كما ان البر بالوالدين يكون في المعروف وليس في المنكر
تبديد امواله يعتبر منكر

[زبدة ذايبة]

انت وش دخلك في زوجك !!!!!!!!!!!!!

هو ماعنده حتى إشكال في المصاريف والنفقات على والديه

خليه يدبر راسو معاهم

زوجك ماراهوش فاقد للأهلية باش تجي انت في الأخير وتقوليلنا فرقولي بين البر والضعف

انت علاه عليك

هذوين تزوجتيه وارتبطتي بيه وبديتي تدناي لحدود مايخصوكش

هذا المال من حقه وينفقه على والديه بالطريقة اللي تعجبوا

انا راني نشوف فيها غيرة نساء

وانت راكي تحاولي تكوني وصية على زوجك

بالنسبة ليك هذا زوج مايعرفش صلاحو وانت راكي رايحة توريلوا الصلاح

ياحنونة !!!!!!!!!!!!!!!

عندك شهرين زواج ماتدنايش ليماه نهائيا

لو كان عندك 5 أو 6 سنوات زواج ممكن تعارضي وممكن أشياء أخرى

هو لحد الساعة مايعرفكش وماشافش خيرك من شرك

ماتخليهش يشوف الجانب المظلم فيك ويكرهك ويفقد الثقة فيك

[nanoua7]

يا اختي هذا شيئ عادي وغي بليس راه يكبرلك فيها ديري امك في بلاصة عجوزتك وتطلب هاد الشي من خوك تجيك عادي تما ربي يسهلك اختي

[طاعة زوجي ..]

الأخت زبدة ذايبة أتفق معك أختي
بالنسبة لصاحبة الطّرح ، توقّعت عندما قلتي أنّه فاض بيك الكاس ، توقعت أنو مضى على زواجكم أعوااااام ، لأفاجأ بقولك شهرين فقط
زوجك مع أهلو حرّ وماله يتصرّف فيه كيفما يشاء ، اللهمّ إن قصّر معك أو مع أولادك مستقبلا إن شاء الله ، هنا نبّهيه بالحسنى دون أن تذكري إنفاقه لأهله وخصوصا والديه خط أحمر
ثانيا صدقيني سترين نتيجة برّه بوالديه في أولادك بإذن الله وأنا أحكي من الواقع
زوجي أصغر إخوته ويصرف في البيت ولم أحاسبه مرة على أمواله أين يصرفها المهم أن لا يقصّر معي ، صحيح لا زلنا في بيت العائلة للأن تقريبا 9 سنوات ولكن أفرح جدا عندما أرى علاقته جدّ طيبة مع إخوته ووالديه وأدعو الله أن يكونا ولداي مثلهم عندما يكبران


لذا نصيحة من أخت مجرّبة دعك من هاته الوساوس ، ومع الوقت زوجك سينتبه أكثر لماله عندما تكثر مسؤولياته وتكثر عليه المصاريف ومن تلقاء نفسه سينقص من المصاريف الزّائدة

لا تدعيه يأخذ عنك نظرة سيئة وأنتما لا زلتما في بداية الطّريق


وفقك الله