عقد، قراط، خاتم وسوار

[imi02i]

أهاته امرأة عقد وقراط وخاتمين وأربعة أساورة من ذهب؟!

هذا المثل أصبح يضرب على فتاة تقدم لخطبتها شاب فما كان منها إلا أن اشترطت عليه من الذهب ماشترطت حتى يتم القبول

وبالفعل... تحقق الشرط وتم القبول

لكن ...!!
لشرطها المبالغ فيه أصبحوا يرون أنه ﻻ بد أن تميزها صفة عن سائر النساء حتى تكون قيمتها كثمن الذهب
لكن للأسف ... لم تكن إلا كبقية النساء
فقالوا: أهاته امرأة عقد وقراط وخاتمين وأربعة أساورة من ذهب؟!

[طاعة زوجي ..]

اهلا حبيبتي إيمي كيف الحال عساك بخير ، من مدّة لم أرى مشاركاتك ولم أسمع أخبارك
رمضان كريم وتقبل الله منّا ومنكم صالح الأعمال

بالنّسبة للموضوع لم أسمع بهذا المثل من قبل ، شكرا على المعلومة ، والله الزواج في وقتنا صار ينقصة البركة والنّية الحسنة إلّا من رحم ربّي ، اللهمّ أصلح أحوالنا وأهدي شباب وبنات المسلمين

[imi02i]

المشاركة الأصلية كتبت بواسطة * أم محمد يوسف *

اهلا حبيبتي إيمي كيف الحال عساك بخير ، من مدّة لم أرى مشاركاتك ولم أسمع أخبارك
رمضان كريم وتقبل الله منّا ومنكم صالح الأعمال

بالنّسبة للموضوع لم أسمع بهذا المثل من قبل ، شكرا على المعلومة ، والله الزواج في وقتنا صار ينقصة البركة والنّية الحسنة إلّا من رحم ربّي ، اللهمّ أصلح أحوالنا وأهدي شباب وبنات المسلمين

حياك الله أختي ... مشتاقين لكم
أصبح تواجدنا يقتصر على القراءة فقط
وأما المثل فهو لقصة واقعية وحديثة

[ramzi-messi]

سؤال للأخوات الفاضلات

في الخطبة هل يلزم الدهب - الدي اقصد غير الخاتم - يعني حاجة زيادة

و ان كان نعم ؟ يالتقريب كم من قطعة ؟

و ان كان لا ؟ هل في العرس يكون فيه دهب من طرف العريس ؟ ام تشتريه العروسة من مال المهر

مشكووورات اخواتي

[آسيا 25]

هههه صدقت أختي الكريمة لكن ما يحز في نفسك أنك تتنازلي و تقولي طالبة الهنا فقط و ما يديرولك والو من بعد كي تروحي يحقروك و يقللو من قيمتك و تشوفي بالمقابل اللي أتشرطو عليهم مدايرينلهم القيمة و الشان حتى وأنت خير منهم و فايتتهم ببزاف!!!!أنا عن نفسي فهمت علاه بنات اليوم يتشرطو و يعاودو, فهمو الماناج

[ramzi-messi]

هل من اجابة اخواتي الفاضلات

[*أم سجى*]

المشاركة الأصلية كتبت بواسطة ramzi-messi

سؤال للأخوات الفاضلات

في الخطبة هل يلزم الدهب - الدي اقصد غير الخاتم - يعني حاجة زيادة

و ان كان نعم ؟ يالتقريب كم من قطعة ؟

و ان كان لا ؟ هل في العرس يكون فيه دهب من طرف العريس ؟ ام تشتريه العروسة من مال المهر

مشكووورات اخواتي

سلام اخي .....في الخطبة يلزم خاتم فقط....ومن زاد عنه فهو تفضل وليس ضرورة.......المهر بالفعل مثلما ذكرت يعطى للمرأة وتشتري به الذهب بمقدار ولي نقصتها يشروهالها أهلها ....أما بالنسبة للعرس.....كاين رجال عندهم رزق يهديلها كادو في العرس(خاتم....سلسلة....أو ماشبه ذلك)..ولي مش قادر على الذهب مش ضروري يقدر يغير نوعية الكادو تع العرس .....وفي وقتنا الحالي راه كاين هذ الخاتم يشريه الزوج فالخطبة مكون من حلقتين يعطيلها جزء فالخطبة وجزء في ليلة العرس .....ان شاءالله نكون أفدتك أخي أي استفسار نحن في الخدمة

[*أم سجى*]

أعتذر صاحبة الموضوع كوني رديت في موضوعك...استسمحك اختي

[لحن الحياة.]

المشاركة الأصلية كتبت بواسطة ramzi-messi

سؤال للأخوات الفاضلات

في الخطبة هل يلزم الدهب - الدي اقصد غير الخاتم - يعني حاجة زيادة

و ان كان نعم ؟ يالتقريب كم من قطعة ؟

و ان كان لا ؟ هل في العرس يكون فيه دهب من طرف العريس ؟ ام تشتريه العروسة من مال المهر

مشكووورات اخواتي

فالجنوب مالازمش خاتم واحد فقط واذا انت حبيت تزيدلها خاتم عادي الحد الاقصى 2 خواتم ما عندناش العادة تاع الذهب هذي الا لي حب هو من عندو يديرلها

شرح
نهار الشوفة يدو باتيسري فقط و قزوز اذا مدولك الطفلة تتفاهمو على الشروط (و يعتابرو الشوفة هذيك خطبة وخلاص ما يعاودوش يجو )

نهار الفاتحة يجيبو الخاتم وخلاص ما معاه لا سلسلة لا حتى حاجة وطبعا الفليزة تاع العروسة هذي دزاير كاااااااااااملة تديرها (وكاين عايلات لي مرفهين يدولها خاتم تاع الفاتحة و خاتم نهار العرس يلبسولها الرجل ) اما السلاسل و الحدايد وووو عاداتنا ما فيهاش نهائيا الذهب ما عدا واش ذكرتلك


كاين حالات ناااااااااادرة جددددددددددددددددا يدو ذهب طبعا اذا اهل العريس هوما اقترحو او اهل العروسة شرطوه
وكل منطقة وعاداتها

[إسلام الفاروق]

ورغم ذلك ارى ان الكثير من الشباب يؤخر الزواج الى غاية الثلاثينات
فترى ياس البنات خاصة مع بداية انخفاض الخصوبة وخو ف من العنوسة كما نرى الفيسبوك هو حقل لاصطياد الشباب و ليس العكس

من يدري في المستقبل يصبح الرجل هو من يشترط عاملة و غنية و’ اخر زمن
سلام

[ramzi-messi]

المشاركة الأصلية كتبت بواسطة أمل 95

سلام اخي .....في الخطبة يلزم خاتم فقط....ومن زاد عنه فهو تفضل وليس ضرورة.......المهر بالفعل مثلما ذكرت يعطى للمرأة وتشتري به الذهب بمقدار ولي نقصتها يشروهالها أهلها ....أما بالنسبة للعرس.....كاين رجال عندهم رزق يهديلها كادو في العرس(خاتم....سلسلة....أو ماشبه ذلك)..ولي مش قادر على الذهب مش ضروري يقدر يغير نوعية الكادو تع العرس .....وفي وقتنا الحالي راه كاين هذ الخاتم يشريه الزوج فالخطبة مكون من حلقتين يعطيلها جزء فالخطبة وجزء في ليلة العرس .....ان شاءالله نكون أفدتك أخي أي استفسار نحن في الخدمة

شكراا اختي , انا طلب منكم كلكم و ليس صاحبة الموضوع فقط فمشكورة على الطرح الرائع و الجميل

فهمت من كلامك الجميل ان العريس يشري الخاتم فقط ( الخاتم الي في الصورة شباب بزاف) و ان اراد ان يزيد سلسلة ولا شي حاجة من باب الهدية فقط ؟

و لكن وقتاش يمدو ليها ؟ نهار الخطبة مع الخاتم ؟ نهار الفاتحة ؟ نهار العرس ؟

[ramzi-messi]

المشاركة الأصلية كتبت بواسطة jill

فالجنوب مالازمش خاتم واحد فقط واذا انت حبيت تزيدلها خاتم عادي الحد الاقصى 2 خواتم ما عندناش العادة تاع الذهب هذي الا لي حب هو من عندو يديرلها

شرح
نهار الشوفة يدو باتيسري فقط و قزوز اذا مدولك الطفلة تتفاهمو على الشروط (و يعتابرو الشوفة هذيك خطبة وخلاص ما يعاودوش يجو )

نهار الفاتحة يجيبو الخاتم وخلاص ما معاه لا سلسلة لا حتى حاجة وطبعا الفليزة تاع العروسة هذي دزاير كاااااااااااملة تديرها (وكاين عايلات لي مرفهين يدولها خاتم تاع الفاتحة و خاتم نهار العرس يلبسولها الرجل ) اما السلاسل و الحدايد وووو عاداتنا ما فيهاش نهائيا الذهب ما عدا واش ذكرتلك


كاين حالات ناااااااااادرة جددددددددددددددددا يدو ذهب طبعا اذا اهل العريس هوما اقترحو او اهل العروسة شرطوه
وكل منطقة وعاداتها

الله يحفظك اختي على التفصيل

بالمناسبة , هاد الفليزة واش يكون فيها ؟ هههههههههه والله راني خارج مجال التغطية سمحولي الى كترت عليكو

[*أم سجى*]

المشاركة الأصلية كتبت بواسطة ramzi-messi

شكراا اختي , انا طلب منكم كلكم و ليس صاحبة الموضوع فقط فمشكورة على الطرح الرائع و الجميل

فهمت من كلامك الجميل ان العريس يشري الخاتم فقط ( الخاتم الي في الصورة شباب بزاف) و ان اراد ان يزيد سلسلة ولا شي حاجة من باب الهدية فقط ؟

و لكن وقتاش يمدو ليها ؟ نهار الخطبة مع الخاتم ؟ نهار الفاتحة ؟ نهار العرس ؟

عفوا اخي لاشكر على واجب........الشيئ لي مؤكد وميتغرش هو خاتم الخطبة لازم يكون في يوم الخطبة.....أما الباقي فالأمر اختلافي مثلا كاين لي يديلها خاتم فالفاتحة وكاين لالا وكاين لي يمدلها خاتم فالعرس وكاين لا لا....يعني العوائل والعادات تختلف من منطقة لمنطقة وحسب الظروف طبعا فهمتني اخي......هذا رأيي والله اعلم ان شاءالله يزيدو يفيدوك اخريات........ ربي يتمملك على خير ويهنيك

[لحن الحياة.]

المشاركة الأصلية كتبت بواسطة ramzi-messi

الله يحفظك اختي على التفصيل

بالمناسبة , هاد الفليزة واش يكون فيها ؟ هههههههههه والله راني خارج مجال التغطية سمحولي الى كترت عليكو

غريبة بصح نجاوبك عادي مكانش مشكل
الفليزة كل واحد و حسب مقدورو عموما الحوايج لي لازم يدوها هي

زجاجة عطر تكون زينة تاع 200 نلف (يمكن اقل او اكثر حسب مقدور الشخص)
قرعة تاع ديودورون +قرعة تاع اودكولون fa هذيك الكبيرة وباطة ولا 2 حنة
بوشات تاع صابون(معناتها 6 صابونات مع بعضاهم)
ملاية(يمكن الاستغناء عنها ) و صباط(اكرمكم الله ) و صاك
روبة زينة تاع شباح (أو قطعة تاع قماش زينة )وبوشات تاع شباح (بوشات هذي هي الصاك صغييييييير و يجي يلللللللللمع و يبرق والوانهم فاقعة غوز ولا فضي ..كاين كل الالوان )
صابو تاع الدار (اكرمكم الله) هذوك لي يجو بيوضة وفيهم الريش ههههههههههه
ماليت فاش دير ذهبها الطفلة
وبقاو شوية امور يعرفوهم النسا و يتكفلو بيهم اذا عندك اخوات او الوالدة راهم يشروهم وحدهم
هاذا واش نعرف وهو المتداول عندنا وقضية تدي اكثر او اقل هذيك كل واحد ومقدورو وكل واحد واش حاب يديلها هدايا

وربي يوفقك ويجمعكم على خير

[ramzi-messi]

المشاركة الأصلية كتبت بواسطة jill

غريبة بصح نجاوبك عادي مكانش مشكل
الفليزة كل واحد و حسب مقدورو عموما الحوايج لي لازم يدوها هي

زجاجة عطر تكون زينة تاع 200 نلف (يمكن اقل او اكثر حسب مقدور الشخص)
قرعة تاع ديودورون +قرعة تاع اودكولون fa هذيك الكبيرة وباطة ولا 2 حنة
بوشات تاع صابون(معناتها 6 صابونات مع بعضاهم)
ملاية(يمكن الاستغناء عنها ) و صباط(اكرمكم الله ) و صاك
روبة زينة تاع شباح (أو قطعة تاع قماش زينة )وبوشات تاع شباح (بوشات هذي هي الصاك صغييييييير و يجي يلللللللللمع و يبرق والوانهم فاقعة غوز ولا فضي ..كاين كل الالوان )
صابو تاع الدار (اكرمكم الله) هذوك لي يجو بيوضة وفيهم الريش ههههههههههه
ماليت فاش دير ذهبها الطفلة
وبقاو شوية امور يعرفوهم النسا و يتكفلو بيهم اذا عندك اخوات او الوالدة راهم يشروهم وحدهم
هاذا واش نعرف وهو المتداول عندنا وقضية تدي اكثر او اقل هذيك كل واحد ومقدورو وكل واحد واش حاب يديلها هدايا

وربي يوفقك ويجمعكم على خير

خخخههه سمحيلي

الله يحفظك اختي الفاضلة فهمتك الله ينورك