ابهذه الصورة القاتمة انتهت بكالوريا 2016

[~طَـــمُـــوحْ~]

السلام عليكم

قلبي معمر عام راح هكذاك تعب سهر تبكير حفظ فهم ليكور مصاريف الم امل تفاؤل خوف

وفي الاخير يجي واحد جامي قرا كوبي كولي يدي خير عليك وتظطر تضحي باختيار السوجي الصعيب خوفا من الاقصاء

اين العدل بربكم ساكون اول المؤيدين لاعادة هذا الباك الذي صار واجب منزلي

صراحة مللت الموضوع الثاني في الفيزياء خاصة التمرين الاول صعب وضاع الموضوع الاول بعد فرح وقهقهات اشباه الطلبة داخل القاعة فرحين بالنصر الواهم

حسبي الله ونعم الوكيل في كل من تسبب في هذه المهزلةةةةة

[~~ حَمْزَة ~~]

الباك لن يعاد ,
و الي مقرآو وآلو صح و شافو الحل اذا داو فوق 11 10 ارواح نحتج معاك ,, ,,

[~طَـــمُـــوحْ~]

النسبة ترتفع و16 ماتدير بيها والو

[~~ حَمْزَة ~~]

هذوك الي كآنو يضحكو عمبآلهم الفيزيآء تربية مدنية ,, اؤكد انهم ميفوتوش 8

[قزيقزة]

حمزة خويا راك غالط شعب قع حفظ الحل وراح يجوز راني نهدر على ليكان قاري شوية يدي فوق 15
لي مكان قاري والو يدي هديك ال10 كي والو

[قزيقزة]

خويا حمزة لي كون فاهم شوية ويكون شاف الحل وحفظو خلاص متروحلوش قع
هدا الباك خرطي في خرطي

[أحْمد أمير]

المشاركة الأصلية كتبت بواسطة ~~ حَمْزَة ~~

الباك لن يعاد ,
و الي مقرآو وآلو صح و شافو الحل اذا داو فوق 11 10 ارواح نحتج معاك ,, ,,

واش راك دير هنا

[_اميرة الصمت_]

pour moi halit l wel ou ksrt rassi ou mashi 3la jalhom nroh llwa3r o nkhssr l avenir ta3i
hmdl aya mo3adal ndiiih khdmty

[رانيا99]

عندك الحق اخي ربي وكيلهم وربي ينجح كل واحد خدم بعرقو
انا اخترت الثاني جاني صعيب خاصة التمرين 1

[اعجوبة الحياة]

معليش رددوا حسبنا الله ونعم الوكيل

لن يضيع الله اجر من احسن عملا اللي تعب رح ينال باذن الله

الله غالب هذي هي بلادنا و لاكن هنالك عدالة الاهية فلا تخافوا خلوا الثقة بربكم كبيرة و ان شاء الله رح تنجحوا و تتفوقوا باذن الله

[جمال6]

سلااااام
خاوتي سؤااال عاجل في مقالة اصل نتائج الرياضيات هل نطبقو في المقال كامل وش قرينل في الدرس
مثال نحطو امثلة على مبادئ الرياضيات و البراهين

[أَحمــد]

من جد واجتهد فجهده لن يذهب سدى بحول الله ...فلا تقلقوا
---------------
كان الله في عوننا وعونكم

[سامية الاخلاق]

حسبنا الله و نعم الوكيل
لا تقلقوا اخواني
ان الله لا يضيع اجر من احسن عملا

[(( هبة الرحمن ))]

انتبهوا طلابنا الأعزاء (( ربّ ضارة نافعة )) ...أبدا لن يفلح الغشاش مهما حاول ،، يقولون أن المواضيع سرّبت وليكن......
...أعلم أن الأمر محزن لكن ثقوا أن الله ينصر المجتهد ولو بعد حين حين ...
حدث نفس الشيء سنة 1992 وكان وقتها أحد أفراد العائلة من الممتحنين ...وأعاد البكالوريا ...والشهادة لله كان طابا مجتهدا ..نجح في الامتحان وهو الآن يشغل منصبا محترما جدا ....
برأيكم....هل أنقص ذلك منه شيئا ....
من أحاديث النبي عليه الصلاة والسلام الجامعة المانعة: عَنْ ابْنِ عَبَّاسٍ قَالَ: كُنْتُ خَلْفَ رَسُولِ اللَّهِ صَلَّى اللَّهُ عَلَيْهِ وَسَلَّمَ يَوْمًا فَقَالَ: ((يَا غُلَامُ, إِنِّي أُعَلِّمُكَ كَلِمَاتٍ: احْفَظْ اللَّهَ يَحْفَظْكَ, احْفَظْ اللَّهَ تَجِدْهُ تُجَاهَكَ, إِذَا سَأَلْتَ فَاسْأَلْ اللَّهَ, وَإِذَا اسْتَعَنْتَ فَاسْتَعِنْ بِاللَّهِ, وَاعْلَمْ أَنَّ الْأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ, وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ, رُفِعَتْ الْأَقْلَامُ وَجَفَّتْ الصُّحُفُ)).....
فوضوا أمركم إلى الله ولنقل حسبنا الله ونعم الوكيل ....

أحبكم في الله .

[اريج السلام]

أهلا ، ،ربي يعينكم إخوتي ،
لكن و الله تلاميذ اطلعوا على الموضوع و الحل و مع هذا لن يوفقوا في التنقيط ،
ما بني على باطل فهو باطل ،
مساءا سأفتح موضوع لتقييم باك هذه السنة ،
بالتوفيق ،