انا قلقة وحائرة وحزينة

[samalg]

البسملة1

واش راكم خاوتي لاباس عليكم؟؟؟
كيما شفتو فالعنوان راني مقلقة وحايرة بزاااااااااااااااااااااف

ما توقعتش بلي هاذاك التعب كامل على جال الباك لي جا داير كيماهاك

راهم يقولو يعاودوه وانا ماعلاباليش يلا راني مع او ضد اعادة الباكلوريا

من جهة يلا تعاود على شهرين ولا وفي ذا الوقت حنا نبقاو غي نقراو ولا كيفاه ما اكدولنا والو ومانيش عارفة يلا نبقى نراجع ولا لالا
ومن جهة راني حاسة روحي ما خدمتش مليح وراني خايفة ما نجيبش المعدل لي يخليني ندير الاختصاص لي راني باغياتو
راني مقلقة بزاف والله راني غي نخمم ما على باليش قاع واش ندير

قولو لي نتوما واش رايكم يا خاوتي

[algerien 100]

الاحسن ان نترك الامور حتى ياتي قرار الوزيرة
انا من جهتي اقبل كل ماجاء من عند الله و كفى
لن اتعب نفسي

[ino sweet]

مثلك تماما

[manel 26]

انا مارانيش مقلقة لانو مام و ما يعاودوش راح يزيرو التصحيح و انا خيرت العكس دايمان غير الفرنسية و الانجليزية
ما تتقلقي ماوالو
ماكاش حاجة تستاهل اخية خليها على ربي

انا ثقتي كلها في الله لا في بن غبريط و لا سلال '''''

و كل شيء مكاتيب

[rihab99]

ثقي بالله اختي كيما قالولك الاخوة الاكرام و الله كامل حالتنا راهي حالة بصح وش نديرو نحكمو في ربي و نستناو
بالنسبة لي كون ما يعاودوهش خير لانها نفس الحكاية تعاودو و لا متعاودوش و ديجا كون تعاودو زيدوا يصعبوا المواضيع و احنا تعبنا بزاف حتى وصل نهار الباك العام كامل و احنا نخدمولو و ربي ما يضيعش تعبنا

[hala alwafi]

فعلا متعبة ..... لا استطيع اعادة البكالوريا مرة اخرى خرجت روحي قبل ان اخرج من قاعة الامتحان يوم الخميس

[سلسبيل123]

حسبنا الله ونعم الوكيل لا تخافي ولا تحزني اختي ان شاء الله خير

[aylola souag]

حالتي كحالتك تماما
فأنا في حيرة حسبي الله ونعم الوكيل فيهم
والله ما نسمحولهم
تعب عام كامل راح

[〆 بٰٰاولو 乄]

làlà khoti wlàh àl7ozn

màdàm 3rfti bàli mà5dmtiçh mli7 hàdi forsà lik bàh t3àwdi tràj3i b1 bàh tà9dri tjibi mo3dà li ràki 7bàto