تعقيب من صاحبة زوجي و الإنجاب

[مشكلتي]

انا صاحبة مشكلة زوجي و الإنجاب ، صراحة ردودكم بعثت فيا الفرحة و الأمل فقد كنت في حال لا يعلم بها الا الله الله يفرحكم و ينور طريقكم و يرزقكم من حيث لاتحتسبون ، اما بالنسبة لي فموضوع الإجهاض مرفوض رفضا باتا و لا نقاش فيه و لو وصل الامر للطلاق و لا طاعة لمخلوق في معصية الخالق ،هو لا يزال في موقفه من عدم التكلم معي و لا السؤال عني و لكني أقوم بكل واجباتي في المنزل على اكمل وجه حتى و ان لم أكلمه انا ايضا ، هاذا الطفل هو رزق مبارك من عند الله و انا احمده ليل نهار بالسر و بالعلن على نعمته هذه و ليست مشكلتي ان ابوه لا يقدر نعم الله، احيانا اعذر خوفه نظرا لانه عاش طفولة قاسية نوعا ما و اضطر للعمل و هو تقريبا طفل و لكن هادا لا يعذره في موقفه لانه رغم ان ظروفنا الحالية ليست بالممتازة و لكن (مستورين و الحمد الله متوسطي الحال متل كل الناس) ما كاش اللي لقا الخبزة بالساهل و انا من النوع القنوع لم أطالبه يوما مثلما تفعل النسوة بالعكس دائماً ما أقول له انت تعمل بجهد و لا اسمح لنفسي ببعثرة تعبك في التفاهات ، المهم ادعيلي اخوتي اخواتي و الله يعلم أني دعيت لكل منكم البارح بفرحة لا حدود لها متل ما فرحتوني و طلعتولي المورال بكلامكم أستودعكم الله الذي لا تضيع ودائعه

[محمد1482]

مع الوقت ان شاء الله يتغير موقفه

[*أم سجى*]

انشاله ربي يقلب في مزاج زوجك ويولي حنين معاك ومتفهم لوضعك وتعود المياه لمجاريها وتنتظرو مولودكم سويا آميييييييين يارب

[روح المي]

ربي يفرج عنك تذكري وذكري ربي ان الله لما يبعث مولود سوف يرسل معه رزقه لاتقنط من رحمة الله حاولي تفهميه بالحنانه واكيد انه لايريد ان تتكرر ماساته فالكل يريد ان يصبح اب لطفل جميل ..مع اني لم اعرف مشكلتك لكن هذا مفهمته وان شاء الله ربي يهديه ادعي ربي في الليل وان شاء الله يفرج همك

[اميرة الابتسامة]

ربي يفرج عليك أختي

[first first]

ربي يسر حملك ويسر تربية هذا الملود والعاقبة لاخوتة...
بالنسبة لزوجك ربي يهديه ....................يطول ولا يقصر يتقبل الوضع وربما ينتظر قدوم ابناء اخرين؟؟؟

اتهلاي في روحك وخلي الباقي الايام كفيلة بتغي الافكار والقادم خير باذن الله

[kika85]

استناي اختي تولدي ويشوفو قدامو هكداك صغير وكي يبدا يضحك ويلعب تشوفي كيفاش يتبدل غير يرفدو بين يديه ينسى كلشي واتفكريني وقتها....ربي يتمملك فرحتك

[يسمينة البجائية]

ربي يكون معاك اختي بصح المشكل ماهوش في الاسقاط راه علابالي قالها في وقت غضب و انفعال و خوف من المستقبل ... هاكذا الرجال يقدروا يطلقوا نساهم في غضب ...
بصح راجلك مع الوقت يتقبل الامر
المشكل انو علابالك الطفل محتاج حب و حنان من الاب و الام . يعني لزوج ماشي غير انتي و الطفل يحس و ذكي يفهم بسرعة و يرسخ .
انا خايفة من الاب اللي هو زوجك . نتمنى ما خوفتكش من كلامي . يعني الطفل الغير مرغوب من احد الطرفين كي يولد يتقبل الواقع بصح باش يقول كلمات الحب لابنه هذا صعيب في بعض الاحيان .. يبلوكي . يعني في داخله يحبو بزااااف و ما عندو اي اعتراض بصح كي جا الطفل غير مرغوب في البداية صعيييييب باش يبين حبه .
انا نعرف امهات حملن ضد رغبتهن و دخلت في اكتئاب و كرهو حياتهم بسبب الحمل و بعد الحمل لم تستطع الارضاع و لا ضم الطفل في ذراعيها . لان الطفل غير مرغوب من الام . كيما مرة خالي اللي حملت من طفلها الثالث و هي اصلا في اشوية مشاكل و هي احوالهم المادية عادي كيما انتوما و خالي يتقاضى شهرية متوسطة . يعني مرتو بعد ما زيدت دخلت في اكتئاب شديد و تعالجت عند طبيبة نفسانية شوية بشوية بدات تتقبل وليدها الثالث . كانت تعطيلو ياكل و يشرب و يلبس و تغسلو بصح الحنان و الشوق و الحب ما عطاتلوش .في البداية الا بعد عامين هاكذا باش بدات تحن عليه شوية . يعني في البداية ما تقبلتوش كان كي شغل choc . و بدات تبكي و ما تهدر لحتى واحد ...حتى بعد ما زيدت العام الثاني قبلت بيه و الحمد لله و الشكر لله . و لهذا انصحك تكلمي زوجك و كسري الحاجز اللي بيناتكم و لا هدري مع امه و لا اخته و لا واحد من العائلة بالاك يعرف ينصحه و يردوا للتفكير الصواب و لازم يتقبل حملك منذ الان . علا خاطر اذا ما كملتوا هكذا بالزعاف يقدر مع الايام يكره الطفل اكثر و اكثر ... و بعد الولادة تزيد الكروهية و لا يكرهك انت مع الطفل .
و بالتوفيق اختي ادعي ربي يهدي راجلك
و نحن ندعوا لك

[(( هبة الرحمن ))]

السلام عليكم
تذكري كلامي جيدا : اصبري وسيتراجع زوجك عن كلامه وترجع المياه الى مجاريها ...لا تتسرعي وتخبري والديك خاصة وانهما اتيان من العمرة ....
في رمضان باذن الله ستستقيم اموركما .
اكثري الدعاء لزوجك.
اعدك أختي سأجعل لك نصيبا من الدعاء في صلاتي خاصة ورمضان على الأبواب فرصة لنا لنتقرب من المولى عز وجل
أسألك اللهم يا مقلب القلوب أن ترقق قلب زوجها وتهديه وتحببه فيما وهبته.
امين يارب.

[seridz]

يطوّل يقصر سيلين قلبه سيرتو كي تجي للنور هذا الملود لانو احساس الابوة شيء خاص و مميز انتي قومي بواجبتك الزوجية اتجاه و عليك بطاعته الا في حاجة اللي تغضب ربي كيما تفصلتي و اتركي الامور الاخرى لرب العباد هو الذي بيد قلوب الناس يقبلها كيف يشاء و الله يصلح الراي

[(( هبة الرحمن ))]

ايه نسيت
حنونة افرحي بحملك وخليه يزعف على روحو ....بصح ردي بالك تتوحمي عليه ..ههههه.....ماجيبيش واحد عنيد كيفه ....

[أم شروفة]

بمجرد يولد الطفل ويشوف عينيه عاودي رديلي بالخبر. ينسى الدنيا ويعود كل سنه يقلك زيدي وحدى اخر

[سعيد رحال]

موفقة وكان الله في عونك ويسر لك امورك

[islam02]

الله يهديه ويتمملك بخير .اريد فقط ننصحك عمرك ماتذكري الطلاق على لسانك .وحاولي تحطي قدامو بلا مايحس صور الايكو

[حياتي كلها امل]

اختى رمضان على الابواب اكثري من الدعاء وتاكدي ان فطرة الابوة ستتغلب عليه بمجرد ان يراه امامه وتزيد مع الايام عندما يبدا في الابتسام واللعب وووووو تمنياتي لك بحمل موفق وولادة سهلة وايام سعيدة جدا