أشيروا علي -اعادة البكالوريا -

[rafif.ra]

السلام عليكم و رحمة الله
كيف حالكم و حال البكالوريا..ان شاء الله في أحسن ما يكون
أردت استشارتكم في أمر جد مهم بالنسبة إلي...لعلي أستطيع أن أتخذا رأيا محددا لأنني في دوامة من التخمام ههههه
أنا طالبة جامعية مقبلة على شهادة الليسانس و تخصصي يتطلب الحفظ بغض النظر عن الوقت الذي يتطلبه اعداد المذكرة
و أريييييييييد بشدددددة اعادة البكالوريا هذا العام يعني العام المقبل لكن مترددة بين الشعبة العلمية - الباك لول تاعي علمي- و بين شعبة آداب و لغات كونها ساهلة لكن ما عندي أدنى فكرة واش يقراو فيها..انجليزية و فرنسية و ايطالية او اسبانية اوك لكن هل باقي المواد نفس برنامج العلميين أو نفس برنامج شعبة اداب و فلسفة ؟
و هل تعلم ايطالية او اسبانية سهل ؟
أشيروا علي...أنا حابة باك علمي أولا لأنو فيه اختيارات كثيرة و ثانيا لأنو خويا راح يعقب العام لجاي و حابة نقرا باه نقريه شوية و نفهمو و نوقف معاه...و من جهة نقول باك لغات اذا تحصلت فيه على معدل جيد نقدر ندير مدرسة عليا لغات
مع العلم أني نسيت كلللللللللش قراية الباك كاااااامل نسيتها كي نحل كراريسي نتشوكا هههه يعني يكفيني الوقت نسترجع قراية الباك و نقرا قرايتي تاع الجامعة في نفس الوقت ؟
من فضلكم محتاجة آراءكم
و بالتوفيييييييييييييييييييييييييييييييييييق ان شاء الله كامل تديو الباك بالمعدل لي بغيتوه ان شاء الله
و السلام عليكم

[rafif.ra]

رانا في 350 مشاهدة ولا رد ؟

[اخلاص الجزائرية]

نصيحتي ليك كملي الليسانس تاعك وسجلي في الباك لانو مستحيل توفقي بيناتهم
وكي تسجلي سجلي علمية وربي يوفقك

[rafif.ra]

المشاركة الأصلية كتبت بواسطة اخلاص الجزائرية

نصيحتي ليك كملي الليسانس تاعك وسجلي في الباك لانو مستحيل توفقي بيناتهم
وكي تسجلي سجلي علمية وربي يوفقك

و الله يا اختي هذا لي خايفة منو أنو ما نقدرش نوفق بيناتهم..
على كل...شكرا لك

[aymen1357]

سجلي علمية

[ilyes 19]

الارادة تصنع المعجزات كل ما في الامر انه يتوجب عليك تنظيم وقتك و فقط
انصحك ان لا تتنازلي عن طموحاتك حابة تجوزي باك علمي احسنلك مواد فهامة و مطلعة عليهم من قبل راح يكونو سهلين للاستيعاب انصحك فقط بتنظيم وقتك وعدم اهمال اي مادة و الالتزام بهذا الجدول الزمني طول الوقت ان شاء الله راح يكون فيها خير توكلي على الله و اتخذي بالاسباب باذن الله سيحقق الله مرادك و مبتغاك الصبر و الارادة برك

[rafif.ra]

المشاركة الأصلية كتبت بواسطة aymen1357

سجلي علمية

نعم أظن علمية أحسن على الأقل لي اطلاع عليها من قبل

المشاركة الأصلية كتبت بواسطة ilyes 19

الارادة تصنع المعجزات كل ما في الامر انه يتوجب عليك تنظيم وقتك و فقط
انصحك ان لا تتنازلي عن طموحاتك حابة تجوزي باك علمي احسنلك مواد فهامة و مطلعة عليهم من قبل راح يكونو سهلين للاستيعاب انصحك فقط بتنظيم وقتك وعدم اهمال اي مادة و الالتزام بهذا الجدول الزمني طول الوقت ان شاء الله راح يكون فيها خير توكلي على الله و اتخذي بالاسباب باذن الله سيحقق الله مرادك و مبتغاك الصبر و الارادة برك

بارك الله فيك الاخ شجعتني بزاف نحاول ان شاء الله

[abdelhak0016]

اختي السر يكمن في تنظيم الوقت و استغلاله بذكاء
خاصة بعد رمضان يوجد شهرين راحة اما قدرتك على التوفيق بين ما المهمتين فانت ادرى بحالك و امكانياتك
و الله اعلم

[cilina.malak]

سلام اختي انا تاني طالبة جامعية تخصص فيزياء السنة الثانية و راني حابة نسجل للباك هادا العام ان شاء الله انا نشجعك لاني كل عام نقول نسجل و ربي ما يكتبش و العام يضيع هاكداك هاد العام راني ناوية ان شاء الله و راح نسجل علمية لانها شعبتي ربي مقدر الخير ان شاء الله

[rafif.ra]

المشاركة الأصلية كتبت بواسطة abdelhak0016

اختي السر يكمن في تنظيم الوقت و استغلاله بذكاء
خاصة بعد رمضان يوجد شهرين راحة اما قدرتك على التوفيق بين ما المهمتين فانت ادرى بحالك و امكانياتك
و الله اعلم

أكيد اذا قررت نعاود ان شاء الله راح نستغل مليح الشهرين هادوك ورا رمضان يا ربي نسترجع شوي ذاكرة ..
مشكور اخي

المشاركة الأصلية كتبت بواسطة cilina.malak

سلام اختي انا تاني طالبة جامعية تخصص فيزياء السنة الثانية و راني حابة نسجل للباك هادا العام ان شاء الله انا نشجعك لاني كل عام نقول نسجل و ربي ما يكتبش و العام يضيع هاكداك هاد العام راني ناوية ان شاء الله و راح نسجل علمية لانها شعبتي ربي مقدر الخير ان شاء الله

ايه و الله مام انا هكا يا اختي كل عام نقول العام هذا نسجل مباعد ما نسجلش و نندم..العام هذا قلقت و قلت لابغا عندي ليسانس و مذكرة و كلش نعاود باش ما نبقاش كل عام نضيعو
ربي يقدرنا ان شاء الله اختي