ابني الحبيب عيد سعيد

[الداعي الى الحق]

سلام عليكم حبيت نشارككم بتجربتي
عندي بيبي الله يبارك عليه عمره عام دركا واغدوا نديرله عيد ميلاد ربي يخليهولي بصراحة نحبوا بزاف ولا كلش بحياتي . المشكل انه بيبي ديالي خفت يتحسس وكي يطبر يولي معقد . انا خدام ومنقدرش نتهلا فيه بنهار بصح فالعشيا نتهلى بيه بزاف نمدله كامل حناني وحبي بصح خفت انه الحب والحنان لنمدهوله ميكفهش لانه ماعندوش ام خفت هدا الموضوع ياثر ويولي يشوف روحوا ناقص من زملاء دياله وانا حاب نربيه تربية سليمة يكون نفسيا سليم درك راني نتابع مع طبيب نفسي ويرشدني لواش ندير باه مانخليش فجوة امه بصح مزلني قلقان عليه .
وفنهار علبالي بلي ليهتموا بيه ثقة جارتي كبيرة و ساكنة وحدها جزائرية هي تهتم فيه بزاف وحنينة ونحبها بزاف نهزها كيما امي مسكينة تعاوني بدون اي مقابل وانا نحشم بزاف منها كي شغل استغلال هل هدا استغلال يعني تربي ولدي وهي مرة كبيرة خايف نظلمها وهي ماتشدش مني دراهم مهما درت لانها امراءة مثالية عمري مشفت كيفها وحتى الهدايا لنديرهم ليها بسيف وين تقبلهم وقالتي بلي تحبي ولدي كي شغل هي جدته وتحبني انا كيما وليدها . واش ندير باشش نردلها جميلها عاونوني انا فكرت ندلها للحج ؟ واش رايكم فكرة مليحة .
وزيد راني بالاول سكن بشقة رغم انها واسعة 4 غرف بصح ماشي وسعة بما يكفي وجات في طابق ثامن رغم انه كاين اسنسور بصح ساعات وين يكون معلق نضطر انه نصعد بدرج منحبش سكنة نتاع البطيمة وخايف ابني يتحسس ولدلك اشتريت دار ولله الحمد عنده جنان واسع باه ولدي يلعب عليه ودرتله مكان وين يلعب ومكان وين يدير الحيواناته بصح . وعجبني بزاف دار وعجبني الحي لانه حي مرموق غير لفيلا لكاينين هنا وحي هادئ ومكنش المشاكل وغير لي لاباس بيه لكاينين ومكنش العاقات الاجتماعية . بصح جارتي بعيدة على الحي وسكن وفالاول جاتلي خالتي بصح قالتلي بلي عندها شغلات وماتقرش وولدها يتقلقوا كيما يلقاوهاش فدار لان خالتي ايضا ساكنة فباريس . وياما منقدرش نجيبها طول لانها تجيلي هكدا تبقى شهر شهرين بصح هي ثاني عندها دار عندهم الحق دارهم اولى . واش ندير دركا نولي لدار الاولى بصح حبيت نتهنا منها ولا نبقى في هد دار ونعيط لجارتي سابقة بصح هي بعيدة مانقدرش نستغلها واش رايكم لو كان نعرض عليها تسكن معانا انا اعتبرها امي وهي تعتبرني ابنها يعني عادي .و هكدا نطمئن على ولدي لانها هي الوحيدة لتعرفله كثر من امي وخالتي اابني يعتبرها امه ويحبها بزاف . واش رايكم. راني حاس بلي ولدي سعيد بالبيت الجديد .وكدلك لعندهم ولاد واش تنصحوني بالمرحلة المقابلة لانه المجرب يعرف كثر من طبيب نصحوني .
ومشكلة اخرى ولدي بمناسبة بلوغه عام الاول حبيت تكون دكرة راح نديرله حفلة فدار ولا نكريله قاعة ونديرله حفلة عيد ميلاد مع العلم حاب نجيبله المداحين دنيين وليس المغنيين ونديرله عشاء ونجيبله مصور محترف يصوره بصح حاير لو كان تقولولولي وتعاونوي واش راح نجيبله كامل لعيد ميلاد . وفيما يخص الهدية مارئيكم نفتحله حساب في البنك ونحطله فيه وكي يكبر يولي 18 يلقى ماخصوا والوا ولا نكتبله دار هدي الجديدة باسمه وتكون هديتة واش احسن وكي يكبر بواش راح يفرح اكثر بدار ولا بحساب بنكي .
ودعولي ربي يحفضهولي لانه متعلق فيه بزاف