العام الجاي ان شاء الله

[Mr-Y]

السلام عليكم و رحمة الله و بركاته , أعضاء منتديات الجلفة , عندي عامين ما كتبتش موضوع في هذا المنتدى الحبيب , المهم كامل استغربتوا من العنوان ,
لكن دعونا من أحلام اليقظة و التخيل , أنا في باك 2015 ما نجحتش و العام هذا تاني ما ضنيتش ننجح . طبعا انا ماذابيا ننجح لكن دعونا ننظر لأمر الواقع , أنا الرياضيات فهمت 40 بالمية , الفيزياء 20 بالمية العلوم 40 بالمية , الأدب 30 بالمية و المواد الأدبية كامل ما فهمت والو , كامل راح تقولو هذا راهو يسبق في الأحداث و راهو مجنون , لكن كل شيء فيه خير , اذا نجحت العام هذا , اللهم بارك , لكن اذا ما نجحتش نورمال العام الجاي و ننجح نورماااااااااال , ضيعت بزاف الوقت و لعبت بزااااااف و فوق هذا نزيد نلعب :d :d :d :d :d
لازم تهييو رواحكم للصدمة اذا ما نجحتوش لازم .

[PiTCHou YaSSine]

السلام عليكم اهلا خويا علاه راك طيح فالمورال لروحك
اولا المات راه كاين استاط نورالدين تبع معاه غير حلول تاع لي باك والله قادر تجيب المعدل فيها
الفيزياء تفضل استاذ فووور https://www.youtube.com/channel/UCvF...o9Tpj-83fpi2Hg
العلوم - اسف انا تقني
المواد الادبية ياو حل باك ولا زوج راه كاين ملخص الللغة العربية والانجليزية في قناة استاذ نورالدين ميشدوكش حتى 3 سواعي
الاجمتماعيات احفظ شخصيات وشوية تواريخ واضرب طلة خفيفة على الدروس
العلوم الشرعية معظم الدروس فهامة
انا نصحك مزال الوقت كاين لي بداو هادا الوقت وجابو 10
بالتوفيق ان شاء الله نهار يخرجو النتائج نفرحوا بيك بلي جبت الباك

[sousi.dz]

تفاءل يا اخي لما كل هذا الاحباط بقي حوالي 200 ساعة تفصلنا عن البكالوريا اذا كانت عندك ارادة تقدر تتفوق نورمال توكل على ربي و ابدا من دوك المهم ما تياسش واذا حتجت اي حاجة راني هنا نعاونك
ادعيلي معاك اخي و ربي يوفقنا كامل

[toulay]

سلام عليكم
يا اخي وعلاش التشاؤم هذا طيش عليك التخمام السلبي
ركز مع قرايتك انت دير لعليك مزالت سمانة في يدك على الاقل راجع المواد الاساسية تاعك مليح مليح لانو معامل تاعهم طالع
المواد الادبية اذا كاش ماتسحق فالانجليزية قولي وان شاء الله نعاونك
درك انت هو لداير في بالك بلي مراحش تنجح يعني l'idée هاذي دخلتيها في راسك
و en plus واش من واقع ياك انت مشي حايب تراجع ودرتي في بالك عدم النجاح
وجايتك نورمال تنجح العام هذا ولا العام الجاي
يا اخي خمم في والديك من حقهم يفرحوا ابنهم شرفهم ونجح فالباك
خمم نهار تخرج النتيجة كيفاش راح تكون الملامح تاعهم مين الجيران وصحابك ينجحوا وانت لا لا
واش راح يكون الموقف تاع امك كيفاش تقدر تواجهها
باش دير القلب وتقرا مليح خمم في والديك لمدابيهم يشوفوك ناجح وفي اعلى المراتب
روح اغسل وجهك باش تفطن شويا وتركز في قرايتك
بالتوفيق

[ino sweet]

مع كل احتراماتي لكن تفكيــــــرك السلبي دعه لنفسك و لاداعي للتأثير على الاخرين

"لازم تهييو رواحكم للصدمة اذا ما نجحتوش لازم"

اذا هيأت نفسك منذ البداية فلن تنجح

هذا التهيؤ هو الذي سيجعلك لا تنجح

من المفروض عنوان الموضوع يكون " ساعدوني كي انجح ــ" مثلا او شيئا من هذا القبيل

و عذرا على التعقيب

[ahlem 05]

كل حاجة من ربي فيها خير
سلام

[black dark knight]

اخي اذا كنت انت انسان انهزامي او لا مشكلة لديك ان اعدت 3 او 4 مرات فانت حر و لا احد سيجعلك تنجح الا انت
و اذا كنت لا تقدر اهمية استغلال الوقت و ان عمرك يمضي و انت تضيعه او ان والديك ينتظرون شيئا منك و انت تخذلهم فانت حر
لكن نحن هنا لكي نرفع المعنويات و اذا احتاج احدنا الاخر نساعده و لا نحبط بعضنا
فانت لم تنجح لانك لم تبذل جهدا و شخص بذل جهدا كبيرا لا يجب ان يهيء نفسه الا للنجاح و الفرحة
فاذا كنت بحاجة الى من يحفزك اطرح مشكلتك و نحن هنا و الاوان لا يفوت ابدا فيوم واحد يصنع الفرق
موفق

[ميني الجزائرية]

الاخ انا تاني جوزت باك 2015 و كنت دايرة في بالي رايحة نجيبو في الاخير ماجبتوش و عاودت هاد العام مع الاول متقبلتش الفكرة ماحبيتش نقرا حتى نوفمبر ولا باش بديت و راني حاسة روحي خير من العام الي فات الحمدلله ، امالا نتا ابقى 10 ايام دير فيهم المحال وواش تقدر حاجة ماراهي صعيبة و الله خمم في فرحة يماك و باباك هدا ماكان و ربي راح يعونك ان شاء الله
بالتوفيق

[salim 97]

انا كيفيك

الهدرة انتاعك الطيح المورال علا بالك

صح كاين جماعة محضراا للباك مليح و مستعد

بصح كاين جماعة كيفي و كيفك لي مقرووش من بداية العام و مزيرووش ارواحهم

تجي طيح المورال

انا واحد صح منيش مستعد للباك

بصح ممنخمشش في المعاودة

ارجوو ان تكووون لحقت الرسالة

[Just.Girl~]

مرحبـأأ
معلومة فقط عندك القلب باه تواجه نفسك بهادي الهدرة عامين يا محاينك من حياتك عامين؟؟؟؟ ناس تشوف للمستقبل وصح الدنيا ماشي غير باك
انا ماجبتش باك 2015 و الحمد الله رضيت بمكتوب ربي
وراني نعاود ومزالني ماكملت والو مي الحمد الله اولا ثقتي بالله وثقتي بنفسي كبيرة بزاف الحمد الله مين داك نهدر روحي ونقول راني قادرة وان اشاء الله نجيب.... بزاق ماقراوش وجاوه نعرف طفلة لاليميت ماتعرفش تكتبها كيفاه تحسبها مالا كانت تنوض لسبورة نضحكو عليها مي جابتو ونعرف بزاف شي ناس ماكانوش يقرو وجابوه
المهم ماشي هادا هو موضوعنا
الحمد الله راني متفائلة خير
وادا ماجبتوش السنا وقدر الله شاء افعل نعاودو العام الجاي ان شاء الله ونورمال ونجيبو ان شاء الله
وادا ضاقت بيك يا خويا صلي وادعي ربي وابكي في الدعاء والله كلشي يسهال
وديما قول اللهم باركلي في وقتي وفي حفظي وثبته
ونسال الله التوفيق والسداد

[هُدوء آلفَجر]

وش هاد التفكييييييير السلبي
انا ما ديتش باك 2015 و راني نعاود و بربي ان شاء الله نديه
مازللي قداه من حاجة و ما فقدتش الامل
مازالي نحاول حتى لاخر لحظة لانو فرحة الوالدين وحدها هوما تعبو باش يكبروك مستخسر عليهم فرحة من قلبك تبانلك ساهلة بصح يالوكان جيت في بلاصتهم تحسها
تكبر و دير ولاد و تتفكر كيفاش و تقول يا لوكان
سنين من خياتك تروح خسارة
وعلااااااااااااااااااااااااااااااااااااااااااااااا اااااااااه
حاول على الاقل
توكل على الله
ان بدات حتى بالقليل و عملت بصدق لعلك تاخذ معدل 10 و كثيييييير من داروا القلب كي قالولهم ما تدوش الباك و قراااو و داوه ب 10
هل انت اقل من الذين بريدون النجاح
اقل ذكاءاااااااا لا اعتقد

حاول على الاقل و الله المستعان

[***ريهام***]

والله اخي انا كنت قبل اشهر انسانة جد سلبية لدرجة تفوق خيالك اكثر من حكاية الباك

وبتمادي بهاته العقلية احسست ان مستوايا يتراجع للاسفل للاسفل الى القعر وانا ااتحسر بالنظرة السودانية للحياة

حتى اني اصبت لمدة باكتئاب وتقوقعت تحت سلبياتي فاصبحت انسانة سلبية بامتياز +خوافة

لكن انا لم ارضى بحالي بدات ابحث هنا وهناك واني لن اكون انسانة ناجحة في حياتي مطلقا مدامني على هذه الحالة

ثم ان هذه كلها وساويس شيطانية وصدى صوت النفس الامارة يا اخي الله انت اذا تفائلت فانك راح تخرج باقل خسائر ان كانت حالتك سئة فالياس يزيد الوضع سوءا

المهم انا واتلحمد لله استقام حالي واصبحت السعادة تغمرني حتى في احلك الظروف والله عندها تاثير عظيم لم ادركه مسبقا


تخيل فقط في اختبار الفترة تانية كنت منيش محضرة خلاص للفلسفة رجعت من فيزياء على الساعة 12:45 للمنزل وكان الارهاق قد انهكني ونفسيتي متدهورة لاني مخدمتش كيما حبيت
المهم قرات سورة يس بتدبر وهدوء لم يسبق لي ان فعلتها قبلا بعدها اخذت مقالة علم الاجتماع راجعت الاقوال والحجج نظرة طفيفة لكن بتركيز ثقيل والله المدة لم تتجاوز 15 د بعدها ذهبت للامتحان ولحسن حظي طاحت هاديك المقالة تفكرت الافكار الاساسية والاقوال وبديت نزف من عندي انتهيت من كتابتها في غضون 90 د والسعادة تغمرني فكانت انذاك نتيجتي 14.5 هاه! والله حرت لان تقريبا درتها وحدي بلا منحاول في منزل كيما دير الجماعة وتلخص

العبرة الوقت يصنع الفارق مثلما صرحها الاخ يزن
بالتوفيق

[chokri.abb]

هذه أقدار الله فنجاح من عند الله والرسوب من عند الله
وما قدره الله لنا هو اعلم به أٌكثر منا