بريــــوش كالقطن

سيرين 5 · 2016-03-29, 15:29

السلام عليكم صديقاتي مرة كنت نقلب في النت على وصفات ولقيت وصفة لأخت بارك الله فيها و جربتها و لقيتها ناجحة مئة بالمئة فقلت نفيد صديقاتي في المنتدى بها لذلك صورتلكم الخطوات

1- في ليان نضع 2 بيض + 3 أرباع كأس من السكر (أنا استعملت نصف كأس لأني نحاول يكون طبخي صحي و كل شخص و الذوق تاعو) و نخلط جيدا

2- نزيد نصف كأس زيت و نخلط

3- نكونو من قبل حطينا م ك خميرة الخبز في كأس حليب دافئ و نخلوه بجيه

4- نضيف الحليب بعد ما ذابت فيه الخميرة و زاست تاع البرتقال و نخلط

5- نضيف الفرينة المغربلة + نصف باكي لاليفور

6- و نجمع بالفرينة حتى نتحصل على عجينة تكون تتلاصق في الأيدي نتركها جانبا تخمر لمدة ساعة تقريبا

7- بعد ما تخمر بواسطة الزيت في يدينا نهبط الخميرة و نشكلها كرات و نحطها في صينية مدهونة بالزيت و نتركها تخمر للمرة الثانية واحد نصف ساعة و ندهنها بصفار بيضة + قطرات من الخل (للقضاء على رائحة البيض) + قطرات من الحليب و نرش عليها جلجلان أو سكر كريستاليزي أنا عملت نصف نصف

8- و نحطها طيب في الفرن حتى تحمار من تحت و فوق و هاي واجدة ممممممم ريحتها

9- و من داخل قطن للأسف بالفلاش ما بانتش مليح لكن صدقوني روعة

oumhana · 2016-03-29, 15:37

سلام اختي سرين يسعدني إن أكون من الأوائل في الرد على موضوعك. أممممممم بريوشك يظهر خفيف وبنين يعطيك الصحه وربي يبارك في صحتك ويجعل تعبك في ميزان الحسنات .قولي آمين.وإنشاءالله نجربو ونرجعلك لخبر.

سيرين 5 · 2016-03-29, 15:44

اقتباس:

المشاركة الأصلية كتبت بواسطة oumhana

سلام اختي سرين يسعدني إن أكون من الأوائل في الرد على موضوعك. أممممممم بريوشك يظهر خفيف وبنين يعطيك الصحه وربي يبارك في صحتك ويجعل تعبك في ميزان الحسنات .قولي آمين.وإنشاءالله نجربو ونرجعلك لخبر.

سلاااام أم هناء مرحبا بيك شرفتي والله غير جا هاااايل ، آآآآمين و يعطيها الصحة مولاتو هي دارتو فيديو و أنا كتبت الوصفة و جربتها و صورتها بارك الله فيها، بصحتك مسبقا