وش ندير02

[مشكلتي]

امس ..تشاجرت مع زوجي .وفي لحظة غيض مني قلتلو كل شيئ.بدا غير يضحك وقالي ما كانش منها .وهي زميلة عمل .ومنزيدش نتكلم معاها ..واليوم دخلت للفايس نلقاه محا وش كتبلها.
..

[ام رضوان]

السلام عليكم
اختي قلنالك ماتواجهيهش وديري روحك ماعلابالكش
روحتي انت خلطتي كل شيء
ذرك يبدل كلمة السر تاع الفايس بوك والا تكلم مع لمراة وين رايحة تشوفيه
وزيدحتى لو مابدلش كلمة السر كي يخلص المحادثة يمحي كل شيء
وانت رايحة تعيشي جحيم الشك
كل مايجلس امام الكبيوتر مخك يتقلب
والله غلطتي
قلنالك كوني مراة واجبدي زوجك ليك بطريقتك
وذرك واش تستناي
حليتيلو عينيه
المهم الله لايفرق بيناتكم اميييييييين

[نور الفجر02]

يالطيف متزوجات ويحكوا في فيس بوك مع رجال...اخربيلها بيتها كما ارادت ان تخرب بيتك او هدديها بايصال الامر لزوجها ولا بعتي خوك يروح يحكي مع والدها او زوجها ماعندهاش رجال يحكموا فيها هدي؟؟ الله يستر ربي يفرج عليك ...اكثري من الدعاء

[beautifulmin85]

لذلك المراة ناقصة عقل ودين

انتي عنوتني موضوعك بواش ندير يعني تساؤل ومعظم الاجوبة كانت الا تصارحيه بما عرفت

وان تكون ردة فعلك محسوبة ولكن للأسف الآن تقولين انك قلت له كل شيء ماذا عسانا نفعل نحن ؟؟

يعني ماذا تريدون الآن منا ان نقوله لك اختي الكريمة ؟؟؟

مادام الامر الآن صار مكشوفا فتحملي النتائج وكل ما نفعله الآن اننا ندعوا لك الله عز وجل ان يصلح بينكما

وان لا يتطور الامر اكثر ويصير لا سمح الله ما لا يحمد عقباه صفحة انتهت اطويها وانسيها تماما هذا هو الحل الوحيد امامك

غير ذلك فانت الخاسرة الاولى والاخيرة وربي يهديك ويهدي زوجك لما فيه صلاحكما يا رب

[ابو ارسلان]

بالنسبة لي اي امرأة تسكت على الخيانة تاع زوجها راهي مشاركة معاه و ربي رايح يزيد يسلطو عليها
واش يعني رايح يطلقها ..الطلاق و لاان تعيش مع خائن للعشرة.
يا اختي لا تسكتي على منكر كهذا وربي راه معاك وان شاء الله تخرجي منتصرة..
و حتى الرجل اذا رأى ان زوجته لا تعاتبه و لا تتخذ اي موقف تسقط من عينه و يقول تستاهل الخيانة..ورايح يزيد يستمر و يتمادى.

[عين الصقر]

الان وضع في باله انك لست نية او نائمة على أذنيك وسيحسب حساب لأي شيء يقوم به
إذا عاود جبد الموضوع مرة اخرى قوليله هل تقبل أنت أن أتكلم مع رجال غيرك وأنا متزوجة بك
قوليله هذه قليلة أدب وحياء وخائنة لزوجها
وحاولي ان تصالحيه وتتقربي ليه مرة أخرى
الله يهنيك

[نسيم الريح ش]

ربي يفرج ما تهبليش عمرك

[mrmilano1984]

هادي باينة راها تتودد للراجل باش طيحو ويخرجو باينة راها في مشاكل مع راجلها او امور اخري وحابة طبعا تخرج مع الراجل باش يزهيها وهو ايضا ربما نفس الشيء لكن انتي طبعا لازم تجبديه ليك كاين نساء فحلات والله ماتخلي راجلها تديه او تغويه مرا وطيحو مهما تكون عقليتها

[إنسانة بسيطة]

الا وسائل الاتصال رايحة تهدم بيتي بناقص منها قبل لا نعرفوها كنا عايشين لاباس علينا وخممي مع روحك مليح يا بيتك وزوجك يا انترنت تعشيلك ضرة و وسواس ومرض

[mrmilano1984]

درلو اشرطة فيديو وانترنت ويوتوب تاع خيانة زوجية وخائن العشرة هدا درلو تلفاز ون تشوفي حصة دريهالو بدكاء لانو هكا يفيق مليح مليح وربما ينقص ويخاف ويهديه ربي كاين نساء بزاف يديرو هاك ونجحو طريقة اخري تزد مشاكل برك