هل اخي به مشكلة مس او مادا وامور غريبة في نفسيته

[مشكلتي]

اهلا بكم اوجه سؤالي مباشرة لاعضاء المنتدي لاستشيرهم في امر يهم جدا خي البالغ من عمره 30 سنة لكن صراحة به اشياء غريبة جدا جدا في عقله وتصرفاته فعقليته وتصرفاته ارهقتنا كثيرا وجدا خصوصا الوالدة وبدرجة اقل والدي يعني اصبح صراحة تصرفاته لاتطاق ابدا معنا هو اصلا متشنج جدا ومتوتر وافكارو تصور جد مخلطوة ومبعثرة يعني هو في سن 30 ثلاثينات وصراحة عقلو صغير جدا حوالي 17 سنة يعني حرنا واحترنا فيه تصرفاتو مراهقة يغضب لاتفه الاسباب لايعتمد علي نفسه مند الصغر وحتي اللحضة 30سنة لايغسل ملابسه وحده والدتي تغسل له وابي تعب منو يعني كل شيء بسيط لايقوم به عديم الثقة في نفسه يغضب بسرعة كببيرة يتقلق بزاف بزاف يعني مراهق شكينا بزاف بزاف انو عندو ياما سحر يااماا مس انسي اي انسان ملتصق بجسده يخليه فقط يركب افكار ووساويس شيطانية كثيرة في راسه ونعم دلك مانضنه جميعنا يعني مشلوش بزاف اعرف اني اتيت اليكم لانكم اشخاص فاهمين ودو عقل كبير وناضج ولانعمل ثقة الا منكم من فضلكم حتي النساء عمرو ماخمم يتزوج او خمم يحب مراة او حتي يضحك مع مراة او يتكلم معها ويضحك ويعملها صديقة كي يشوف بنات خالتي خالاتي رغم انهن حميلات وعاقلات ودكيات لكن لاينضر اليهم ولايهتم اليهم او ينفعل معهم نحسوه نفسو مخنوقة جدا شيء ماغريب في نفسيته صدقوني هل هدا مس من الصغر ام مادا صحابو ولي يقراو معاه كامل او اغلبهم تزوجو ودارو نساء واولاد الا هو لايفكر اطلاقا في نساء وحتي انه يعيش فقط بعقليته ويقولنا ماعلابالي بحتي وحدة وانا كي نعيش مع وحدة ندر كما نحب مش كما تحب نحسو قلبو اسود تماما حتي لو نزوجوه ونضغطو عليه زوجة تاعو اكيد راح تعاني جد سواء كانت مليحة او لا
سؤالي لكم هل الحل في تزويجه من مراة تكون دات خلق ودين وعاقلة ولما جميلة ربما تغيرو للاحسن نحسو بلي حاب يتزوج بصح لايريد من جهة اخري هو حتي معانا مش حنين ابدا جد عصبي ولاعاطفي عمرو ماشرا لماما اي حاجة صدقوني لا هدية ولاكادو ولااي شيء في عيد كيلادها او اي مناسبة اما نحن اصلا مايخممش فيها
هل تزويجه حل ام يجب الاسراع في رقيته حالتو جد صعبة واكيد بنفسه شيء ما اكيد مس او سحر اضن مس وماهي تعريف هاته الكلمة بالضبط وشكرا لكم

[سوريانا]

رقية شرعية
وان شاء الله يشفى

[ابراهيم داود]

من كلامك يظهر ان المشكل فيكم انتم وليس في اخيك ولا داعي الى الصاق سوء التعامل بينكم في الجن والسحر لان الاحمق فقط يفعل ذلك اخوك يحتاج الى الزواج والاستقرار النفسي وسلوكه طبيعي جدا لكنك لم تذكري ان كان يعمل ام لا فان كان عاطلا فذلك سبب سلوكه العدواني والعصبي وان كان عاملا فعصبيته سببها الفراغ النفسي وحاجته الفطرية لزواج....كلامك عن غسل سرواله بنفسه يدل انكم في البيت تفتعلون المشاكل له

[ام رضوان]

السلام عليكم
ربي يكون في عون اخيك ويرزقو ببنت الحلال اللي تكون له سند وسكن.
اختي الكريمة كيما راكي تحكي حالة اخوك راهي حالة معظم شباب اليوم
راهم مساكن من شدة ظغوطات الحياة
تلقايهم يااما عاطلين عن العمل او يشتغلو في مناصب ليست كفؤا لشهاداتهم او المدير متسلط .......الخ
وزيد يروح لدار يلقى المشاكل وتحوسو ثاني يغسل حوايجو واش تستناي من هذو الشباب والله ربي يهديكم انتوما.
اختي علاه تقولي نحسو قلبو اسود
لقلوب راهي اسرار
قولي لامك ترضى عليه وتدعيلو في سجودها ربي يهديه ويشفيه ويرزقو ببنت الحلال الطيبة راه دعاء الام في حدذاتو شفاء وثاني تعرض عليه فكرة الزواح وتقولو حابة نفرح بيك
وحاولو انتوما ماتتدخلوش في خصوصياتو
ربي يطمنكم على اخوكم وتفرحو بيه وتنزاح عليكم هذه الغمامة اميييييييين

[غزلانْ]

السلام عليكم

أجدها حالة عادية و هي تمس جل الشباب

" لا يعتمد على نفسه " يكفيه أن يعمل ان لم يكن يعمل

و قولك " لا يغسل ملابسه بنفسه " فهل يُعقل أن يغسلها

و لها أخت و عائلة ؟

هنا أنتم فيكم نوع من الغرابة لا هو

و ما أدراكم أنه لا يفكر في الارتباط ربما لم يجد من تناسبه

هذا كل ما في الأمر و عن عطفه و حنانه اتجاهكم ليس

ضروري أن يقدم لكم هدية و قد يكون احساسك خاطيء

باتصافه بسواد القلب

يالتوفيق

[إنسانة بسيطة]

هاتيلي شاب ولا شابة جزائرية مش عصبيين
هاتيلي شاب جزائري يغسل قشو ابار لي يكون مقاجي شوي يكون متكل على روحو
طبعا مش تعميم بصح هاذي راهي معروفة ان ولادنا يكونو مقلقين ومش حاملين ارواحهم




(( عمرو ماشرا لماما اي حاجة صدقوني لا هدية ولاكادو ولااي شيء في عيد كيلادها او اي مناسبة اما نحن اصلا مايخممش فيها ))

يعني نفهم انو خدام ؟

الاحسن لو تشوفو وليد خال ولا وليد عم في سنو ولا اكبر منو يحكي معاه ويفهم وش بيه و مكاش راجل ميحبش يتزوج برك ممكن متخوف ميقدرش يعيشها مليح ولا خايف يظلمها بعقليتو

[beautifulmin85]

مع احترامي لآراء الاخوة قبلي لكن لفت انتباهي في الموضوع عبارة مهمة ومهمة جدا

وهي : "لايعتمد علي نفسه مند الصغر وحتي اللحضة 30سنة" يعني ببساطة وبدون كثرة كلام وفلسفة

الوالدين عليهما مسؤولية الكاملة لما يحصل لهذا الشاب لانهما منذ الصغر لم يقوما بتربيته على كيفية الإعتماد على نفسه

وربما كانا يدللانه كثيرا فهذه هي النتيجة ببساطة وصراحة وكما قيل من شب على شيء شاب عليه

صعب كثير تغيير من هكذا حاله لأنه تربى على هذا الشيء وكل ما ورد في الموضوع يدل على ذلك

فهو لا يتقبل بين عشية وضحاها ان تضحي به أمه وهي التي دللته من صغره ووالده الذي حسب كلام صاحب الموضوع

لا يسأل عن حاله أي ان الوالدين هما سبب الحالة التي فيها ولما أقول ان امه تضحي به لانه من منظوره هو مادام تربى على هاذ

الحالة يرى انه بمجرد ان تمتنع امه عن غسل ثيابه فيراه هو امر غير عادي ما يسبب له حالة من القلق وهكذا اي امر ترونه انتم تافها

ولو كان مجرد سندويش يطلبه من امه وتقول له مثلا لا يوجد ملح او لا يوجد كذا او كذا يقيم الدنيا ولا يقعدها لانه ببساطة هكذا تربى ونشأ

فهنا حسب رأي على الام ان تضعه امام الأمر الواقع وتفهمه ان فلان (اسمه) الصغير قد كبر وحان وقت اعتماده على نفسه

وان الدلال في الصغر لابد ان ينتهي وقد حان وقته وعليه الأن ان يفكر كما يفكر الكبار وان يسعى لتحصيل رزقه والزواج ببنت الحلال

وتكوين أسرة لابد على الام ان تفهمه هذا لامر فحين يرضخ للأمر الواقع حينها فقط لن تروا منه هذه التصرفات وسيتغير

اما ان تغاضت الام عن هذا الامر وزادت اسرته من دفعه للقلق والتعصب لهذا الامر او اذاك فهذا لن يزيده الا تعنتا وربما

سيصير يسب الدين امامكم وقد شاهدت حالات مثل هذه فيصير يسب كل من يقف في طريقه ويصب غضبه على الجميع

وربي يهديه ويرفع عليه الحالة الي راها فيها ويفرج عليه وكل شباب المسلمين

[faty05]

من وقتاش اولاد الجزاير يغسلو قشهم ؟

[mrmilano1984]

اختي فهمت كل شيء اوك يعني مشكلة رئيسية لي في اخيك او خوك باينة وضوح الشمس وهي انه قليل الخبرة والحيلة يعني انسان جد جد اتكالي واضنه من نوع ايضا سمحيلي علي الكلمة هاته انسان خواف ولايثق ربما في داته فما بالك غيره مشكلته اصلا من والديه لي رباوه يعني تربية الوالدين هي لي خلاتو هاك من الصغر اعرف حالة مشابهة تماما لحالتو لشخص في تقريبا نفس سنو يتصرف كانه مراهق وعقلو لم ينضج ابدا بسبب بيئتو وتربيتو ووو طفولتو يعني والديه مارباوهش عادي كف الشباب الاخر وانا شبه متاكد اني لو نحكي معاه راح يضهر انو جد سادج وتقدري تقولي حتي اتنو خلل في دهنو وعقلو مش ناضج كما الشباب لي في سنو وهاته طامة ومشكلة اختي صدقيني لانو هكا بالعقلية تاعو وحدة متاقبلش بيه وراح ندير الان موضوع عليه وتشوفي الردود بكثافة حوله

[أنور]

المشاركة الأصلية كتبت بواسطة ام رضوان

السلام عليكم
ربي يكون في عون اخيك ويرزقو ببنت الحلال اللي تكون له سند وسكن.
اختي الكريمة كيما راكي تحكي حالة اخوك راهي حالة معظم شباب اليوم
راهم مساكن من شدة ظغوطات الحياة
تلقايهم يااما عاطلين عن العمل او يشتغلو في مناصب ليست كفؤا لشهاداتهم او المدير متسلط .......الخ
وزيد يروح لدار يلقى المشاكل وتحوسو ثاني يغسل حوايجو واش تستناي من هذو الشباب والله ربي يهديكم انتوما.
اختي علاه تقولي نحسو قلبو اسود
لقلوب راهي اسرار
قولي لامك ترضى عليه وتدعيلو في سجودها ربي يهديه ويشفيه ويرزقو ببنت الحلال الطيبة راه دعاء الام في حدذاتو شفاء وثاني تعرض عليه فكرة الزواح وتقولو حابة نفرح بيك
وحاولو انتوما ماتتدخلوش في خصوصياتو
ربي يطمنكم على اخوكم وتفرحو بيه وتنزاح عليكم هذه الغمامة اميييييييين

بارك الله فيك ، هذا ما أردت قوله

[mrmilano1984]

اخي للاسف لو انت اتكلت علي نفسك من زمان كبير لما راك في هاته الحالة لي راك فيها

[solinne]

انا اللي عجبتني قاع تاع ما يغسلش حوايجو هههههه
لبنات تاع هاذ الزمان وما يغسلوش حوايجهم خص غير نهدرو على الرجال هههه الله المستعان
روحو انتم ارقو خير

[أناييس الربيع]

ارى أنه انسان عادي

مازال ماشفتش عندنا راجل يغسل قشو نورمالمو الاخت لي تغسل ولا كاين الغسالة

وبالنسبة للبنات لي شافهم ومعلالالوش بيهم ، هذا اسمو غض البصر واذا كانت احداهن تصرفاتها صبيانية في رايك هل يجاريها مثلا؟

ومايفكرش بالزواج ممكن ماشي مستعدة ماديا او نفسيا وكاين لي اربعين سنة وماخممش في الزواج

وبالنسبة لموضوع الكادوات ، هذي ترجع لثقافة الشخص ، ومن فرض المناسبات هذه ؟هل هي موجودة في العرف ولا دين


برأي لاتكثري من المراقبة له وأدعو له فقط