أنا في ورطة، ماذا فعلت، ساعدوني أرجوكم

[badboy.89]

السلام عليكم

أنا طالب جامعي و لازلت أدرس بالجامعة
لم أعمل فيزيت ميديكال و لم آخذ سورسي أبدا
في ديسمبر الماضي أردت أن أذهب لتأدية الخدمة الوطنية لكن لم يقبلوا و قالوا لي لا يمكننا أن نأخذك لأنك مازلت تدرس
و ما ندوكش إلا إذا قد كنت حبست القراية، أو زيد قرا و بعد ذلك جيبلنا ديبلوم. عندها يمكنك أن تؤدي الخدمة الوطنية.
فقررت العودة إلى المنزل

مرت 6 أشهر
و ذهبت مرة أخرى إلى مكتب التجنيد الأسبوع الماضي و أعادوا علي نفس الكلام ، فأجبتهم أني لا أريد مواصلة دراستي، و آنسيستيت
قال لي راك حاب دوموندي باش تركب، أجبته بنعم. أخذ مني الوثائق (بكاقة تعريف، إقامة، شهادة ميلاد، شهادة تسجيل للعام الدراسي) و طلب مني الإنتظار.
و بقيت أنتظر ثم نادوني في المكتب الآخر. و سألني شخص آخر إن أردت أن أركب. قلت له نعم. قال لي فولونتار. قلتلو إيه.
فأرجع لي الوثائق أي الدوسي، و طلب مني أرجع في اليوم الموالي و أجلب معي الدوسي.
رحت للدار

ثم قررت أن لا أرجع إلى مكتب التجنيد مرة أخرى و فعلا لم أرجع.
لكن عقلي لم يتوقف عن التفكير ليلا نهارا.

هل أنا في وضعية حرجة بما قمت به
أم أن وضعيتي كما كانت هي هي.
أي قد يكونون دارو لي أوردابال أو لا.

لم أعد أريد الذهاب الآن
بل أريذ إتمام دراستي ثم أذهب إليهم بعد أخذ الشهاذة بعد سنتين إن شاء الله.

أرجوكم أجيبوني.

[محفوظ البسكري]

عادي خويا كمل قرايتك وربي يفرج

[badboy.89]

آمين يا رب العالمين
شكرا أخي

أريد ان أعرف هل يمكن أن يكونوا قد قطعوني من الدراسة الجامعية (في مكتب التجنيد)
و بذلك لا يمكنني أن أسجل العام المقبل، و يمكن أن يرسلوا لي استدعاء

أنا خائف جدا
والله كنت هاني، واش داني

أرجو إجابة من فضلك، ربي يحفظك

[LOFY]

مكان والو يا اخي ما تروحش خاطش مزالك تقرا يعني عادي مكاش راح تموت ولا يجو يدوك كي يحتاجوك انت الي تروح ليهم حتى الاستدعاء ما يرسلوش انت الي تروح ترفدو
اذا خلاصة القول كمل قرايتك و من بعد كي تتخرج روح فوت العسكر تاعك مكان والو علاش راك تخلع في روحك .... يعني عادي متخاف ما تكسر رأسك وإذا حبيت تروح اطلب عطلة اكاديمية و روح فوت العام تاعك اما اذا ما حبيتش كمل قرايتك .... سلام

[badboy.89]

ربي يفرحك أخي، شكرا

بما أني معيد مرتين و جامي درت سورسي، فلا يمكنني نديره العام المقبل (يقولك ديقراديت النيفو)
فخفت أن أكمل دراستي و بعد عام أو عامين أجد نفسي عاصي.

أردت الإطمئنان.
لم أوقع أي وثيقة عندهم بأني أنا من يريد أن يذهب، بل فقط أخبرتهم بذلك فأخذو ملفي إلى البيرو الثاني،
ثم عيطولي في البيرو الثاني و سألني هل تريد أن تذهب فولونتار قت له نعم، نطر في الملف
ثم قال لي:
الدوسي كيما راهو راه مليح
و أرجعه لي و سألني: ترجع غدا؟ قلت نعم
قال لي: خلي الذوسي كيما راه، و جيبهولنا غدا.

ثم خرجت و ذهبت إلى البيت.

[badboy.89]

هل قاموا بشيئ هناك ؟
هل غيروا وضعيتي ؟
هل مازالت وضعيتي كما كانت قبل ؟


أنا آسف جدا منكم، فلربما أكون قد ضايقتكم بكثرة استفساراتي
لكن أعذروني أنا في حالة قلق.

[anouar_fal]

مادام ما حكموش عليك الدوسي ما كاين والو و زيد روح للقازارنة و قوللهم حاب نشوف الوضعية تاعي باش تزيد تثبت
كمل قرايتك و روح ضابط
كيما تهز الديبلوم تاعك إذا بعثولك ضابط صف دير تصحيح رتبة و يردوهالك ضابط
ضابط المنحة تاعك تكون 18000.00 دج الأيام اللولة تسوفري فيها كيما الناس الكل و مبعد تفوتها بالتقلاش

[badboy.89]

بارك الله فيك

الله يفرح و يسعد كل من كان في عون أخيه

والله ريحتني،
غدا إن شاء الله نروح ليهم ندوموندي البوزيسيون نتاعي.
يا رب ما يشفاوش عليا او يقولولي نتا لي دومونديت باش تركب!