السجل التجاري

omar-fadel · 2016-04-26, 16:57

رايح نحل محل نتاع هواتف ومستلزماتها هل نقدر ندير سجل نتاع هواتف ونزيد فيه نشاط مكتبة وكوسمتيك (ماكياج ولوازم التجميل ) أو ندير نتاع مكتبة والله ما فهمت فهمونا ربي يحفظكم

bachache boualem · 2016-04-26, 17:42

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

omar-fadel · 2016-04-27, 07:44

أرجوكم يا الإخوة جاوبونا

omar-fadel · 2016-04-29, 14:27

أرجوكم ساعدونا الله يساعدكم

beautifulmin85 · 2016-04-29, 18:58

اخي مادام انك عولت روح لمكتب السجل التجاري واسالهم بنفسك يعطونك الخبر الصحيح

hamza236 · 2016-05-01, 18:26

اذهب لمكتب السجل التجاري و سيجيبونك

omar-fadel · 2016-05-06, 07:51

أريد المجربين من فضلكم

Meryoul · 2016-05-07, 18:43

ايه خويا ساهلة روح عندهم و قولهم عادي مفيهاش اشكال دير مكتبة و عطور ومواد تجميل و اضف بيع الهواتف النقالة هدا مكان وربي يفتح عليك . انا مدايرو عطور وهدايا ومواد تجميل . و عندي صوالح خلاف بصح موش مديكلاري بيهم يجي كنترول بلع حانوت ههه هدي هي عقلية سلام خويا كاش مخصك في مكياج و كوسمتيك خبرني مختص جدا .

Meryoul · 2016-05-07, 18:56

علبالك فكرتني في روحي طرحت موضوع في 2013 في منتدى جلفة باسم اخر كنت في ضغط كبير و تلفتلي قلت ندير موضوع ونطرح استفساري ولقيت ناس ماشاء الله هنا عونوني بارائهم بزاف واليوم الحمد الله استقريت زوجت و درت دار وحدي و توسعت في خدمة لاني حبيتها وفقني ربي سبحانو مشيت بلحلال وصبرت وكسرت راسي وتعبت بزاف في اول بزاف ﻻزم تصبر منيش عارف علاه حكيت مهم كاش محتجت ونتبهتلك منبخلش عليك .

omar-fadel · 2016-05-07, 20:41

الله يحفظك أخي مريول الله يحفظك الله يحفظك
قولي برك كي نزيد كود المكتبة والماكياج كم يزيد المبلغ لي ندفعو في casnos

خدمات تسويق · 2016-05-31, 23:47

ي مادام انك عولت روح لمكتب السجل التجاري واسالهم بنفسك يعطونك الخبر الصحي الكاسنونس ما تزيدش لاكان راك فورفي مع الخزناجي تزيد إذا كنت في النظام الضريبي الحقيقي

bibi&mina · 2016-06-03, 11:58

ربما تعمل سجل خاص ببيع الهواتف النقالة و ملحقاتها فقط والله أعلم