جديد وحصري من مطبخي......بسبوسة بالقطايف روووعة

[ام رويدة]

ان شاء الله تكونو في تمام الصحة والعافية

اليوم باذن الله نشارككم وصفة جديدة ومن ابتكاري
عملتها في سبوع اختي ولدت وجابت ولد ربي يحفظو ويصلحو

بسبوسة بالقطايف روووووعة
سربيناها مع لاتاي والمقروط

يعني تقدرو تعملوها بسبوسة عادية تقدرو تضيفولها القطايف كاضافة تجعلها حاجة فاخرة ورائعة
وبمقادير بسيطة

6 بيض
كاس زيت
كاس سكر
كاس ونص سميد متوسط
كاس لوز بالقشور او جوز او حتى نوادكوكو
2 خميرة الحلوى
فاني
كمية من القطايف نكونو حطينالها شوية زبدة ذايبة وحطيناها فالفرن تاخد لون دهبي فاتح برك
لاخاطر راح تزيد تحمار فوق البسبوسة
ملاحظة الكاس لي عبرت بيه كاس اينوكس تاع بكري

الشاربات
3كؤوس ماء
كاس سكر
شريحة ليمون
نحطوهم يغلو 10 دقايق
ثم نضيفلو 5ملاعق كبار عسل


الطريقة سهلة ماصورتهاش كنت وحدي ومزروبة
تضربي البيض والسكر وتضيفي الزيت وتزيدي تضربي ثم اللوز والسميد والجميرة

تدهني مول بالزبدة وتفرغي الخليط وتحطيه يطيب حتى يحمارو الطراف وتشعلي مالفوق شوية برك قسما يزيدو القطايف يتحمرو شوية





[url=https://www.dzfile.com/]

[url=https://www.dzfile.com/]

وهنا كي طابت وقطعتها وزينتها





اذا اعجبتكم لاتنسوني بخير ما دعوتم في هذه الايام المباركة
والله اسال ان ينفع بي وبكم