خبز الدار خفيف و ساهل وتان بنين

[نهر التسنيم]

السمانة اللي فاتت رحت زرت خالتي لقيتها دارت خبز الدار أصريت عليها حتى وراتلي كيفاش ديرو و خرجلي روعة يعطيها الصحة ادعولها بالشفاء
المهم المقادير هي :
زوج كيلات سميد رطب
زوج كيلات فرينة
2 بيض
فنجان زيت
4 مغارف كبار سكر
2 مغارف كبار خميرة الخبز
مغرفة كبيرة سانوج
ونطمها بربع لتر حليب دافئ كي تلمي العجينة خليها تخمر في مكان دافئ ،كي تشوفيها خمرت كسريلها الخميرة و اعجنيها مليح،انا جاتني زوج سنيوات مدورين قسمت العجينة على 2 و قرصتهم فالسنيوة بعد ذلك دهنتها بصفار البيض و زينتها بالسانوج و خليتهم يخمرو مع العلم انه الفرن شعلتو من قبل
كي يخمر الخبز دخليه يطيب من التحت بعد ذلك من فوق حتى يحمار و بالصحة و العافية و الصور تبين ذلك