اسمحولي راح نطول عليكم شويا اريد ان افضفض و ان اطرح مشكلتي في نفس الوقت و ارجو ممن سيتكرم بنصحي ان تكون له نظرة بعيدة و ان يكون طرحه واقعيا و منطقيا لاني لا اريد مثاليات و ارجو من المشرفين ترك موضوعي مفتوحا او نقله للقسم المناسب لاستوفي اكبر عدد ممكن من الاراء.
انا متزوجة منذ 4 سنوات تقريبا وعندي 28سنة اكتشفنا ان زوجي عقيم منذ الشهور الاولى من الزواج لم اترك سبيلا لم اطرقه من الدعاء العلاج الرقية الخلطات و لكن لا يوجد اي تحسن المهم رضيت بقدري و قلت "عسى ان تكرهوا شيئا و هو خير لكم" و لكن والدة زوجي لم ترضى بالامر الواقع و اصبحت تنتهز الفرص امام الناس لتخبرهم اني انا العاقر و راهم صابرين عليا و حتى وصلت بها الجراة انها قالتلي بانه سيتزوج مع مرور الوقت و ايضا زوجي لا يقدر ابدا بما اضحي به من اجله و هو عصبي جدا يتعصب لاتفه الاسباب و يبدا بالسب و الشتم و طردني من البيت عدة مرات اخر مرة طردني لسبب تافه جدا هو كان راقد و شعلت عليه الضو بدا يسب فيا غاضتني عمري و رديت عليه هو محملهش عقله كيفاش نرد عليه رقد و الصباح قالي لمي صوالحك و داني لدارنا و قالي عطيني مفاتيح الدار و هاذ الدار سكناها منذ شهرين و عطيته كل ما املك باش سقمها و فالتالي خرجني منها كيما الحيوان و كي وصلني قال لماما بيناتنا الاوراق حسيته حقرني لاني معنديش راجل او سند لان والديا منفصلين و والدي معندي معاه حتى علاقة منذ صغري يعني مشي حاجة اللي يطردني بسببها بقيت 15 يوم رجع باش يرجعني مقبلتش بدا يروح و يولي عند خالي باش يرجعني انا قتله بشرط انه يخليني نبحث عن عمل او نعمل دراسات عليا مع العلم انو عندي شهادة مهندس دولة و هو رافض الفكرة جملة و تفصيلا لانه في نظره" فقط اللي مش راجل يخلي مرته تعمل" كي رفض قتله نطلقو بالتراضي راني في 40 يوم فدارنا للان اهله لا حس و لاخبر وهو كل مرة يتصل و يقولي منيش حابك تولي مطلقة و تضيعي حياتك و لكن ايضا انا لي الحق اني نضمن حاجة فيدي و زوجي مفيهش الامان قادر يجيب بيا عشرين عام و يطردني و قتها واش ندير لا ذرية لا عمل و معنديش حتى اخوة نكون عالة عليهم فالمستقبل لاني وحيدة عند امي اعلم ما ينتظرني بصفتي ساصبح مطلقة و اعلم ان فرصي فالزواج ستكون ضئيلة و حتى العمل اصبح نادرا في وطننا و لكني لا اريد ان اكبر و اقول يا ريتني جربت كي نتخيل نفسي عجوز وحيدة لا ولد و لا تلد و لا حتى راتب يسندني و المجتمع فعلا اخر همي لانو و لا واحد راه عايش عيشتي المهم امي معطاتنيش راي صريح مرة تقولي عندك الحق مرة تقولي راني خايفة عليك و ظروفي فبيتنا جيدة نسبيا و امي استاذة متقاعدة و اصبح لدينا بيت مستقل عن بيت جدي صليت الاستخارة عشرات المرات و انا شبه متاكدة من قراري و لكني نخاف نكون ظلمت زوجي و مرات نقول هو راجل و راح يجدد حياته عادي و سينصفه المجتمع حتى و لو كان عقيم وانا لي رب لن ينساني
( تقرير عن مشاركة سيئة )، و الموجودة أسفل كل مشاركة .
2016-05-02, 12:59
بين طلاقي و حياتي
العرض العادي
