النفسية فالحظيظ هل من مشجع ؟؟"

[أحلام أمّة]

السلام عليكم أصدقائي

تعلمون ان الباك اقترب و للأسف النفسية في الحظيظ البارح نمت يوما كامل و لم اطبق ولا كلمة من برنامجي

أتمنى ان تشجعوني قليلا....

[toulay]

وعليكم السلام ورحمة الله تعالى وبركاته
Courage برك مبقاش قد لفات وان شاء الله تنجح فالباك بمعدل مليح
لازم تكون عندك une volonté خمم بلي راح تتعب 3 jours ومبعد عندك عطلة قريب 3 اشهر تريح فيها خصوصا اذا نجحتي ان شاء الله
راح تفوت عطلة بالمساك
Donc اقرا قد ماتقدر مراحش نقولك فورصي على روحك واضغط على روحك non اقرا بلعقل ودير un but في راسك ولهو النجاح وen plus خمم في les parents تاعك كيفاش راح تكون la réaction تاعهم مين بنتهم شرفتهم ونجحت فالباك
Bref ان شاء الله كيما اليوم تولي médecin ولا professeur بصح هذا ميجيش وحدو لازم تتعب ودير des efforts
بالتوفيق

[ahlem 05]

اختي مام انا كنت هاكدا بصح درت القلب وبديت بشوي يعني قسمي وقتك تحفظي كل يوم مام جزء صغير يعني احفظي اجزاء مش درس كامل ولا كان تقدري احفظي درس اوكل وكل مرة متكملي الجزء استغفري 100 مرة صدقيني دوك يسهالك الحفظ و تكملي

[أحلام أمّة]

شكرا لكم أصدقائي ربي يخليكم

أحلام عزيزتي ليس لدي عدد مشاركات كافي لارسال رسالة خاصة

[ahlem 05]

لأ بأس صديقتي المهم كنت ساخبرك ما رئيك في ان نحفظ معا ؟

[أحلام أمّة]

نعم بالتأكيد انا موافقة

[إنسانة بسيطة]

ختي متفورصيش روحك
راجعي شوي وديري فترة راحة وبالعكس النوم مليح ترتاحي جسديا الا عندكم حوش واسع اضربي دورات وجددي نشاط جسمك ودوش بارد خفيف وراجعي قدام النافذة سيرتو مع الايام هاذي الجو مليح ماهي سخانة ماهو برد الوقت راه في يدك برك استغليه احسن استغلال قسمي وقتك بين مادة فهم ومادة حفظ باه متكرهيش

وصدقيني كامل لي نجحوا بمعدلات متفوقة مكانوش يدرسوا ليل نهار بالعكس هذا ياثر سلبي على التركيز و الاستيعاب

[أحلام أمّة]

المشاركة الأصلية كتبت بواسطة إنسانة بسيطة

ختي متفورصيش روحك
راجعي شوي وديري فترة راحة وبالعكس النوم مليح ترتاحي جسديا الا عندكم حوش واسع اضربي دورات وجددي نشاط جسمك ودوش بارد خفيف وراجعي قدام النافذة سيرتو مع الايام هاذي الجو مليح ماهي سخانة ماهو برد الوقت راه في يدك برك استغليه احسن استغلال قسمي وقتك بين مادة فهم ومادة حفظ باه متكرهيش

وصدقيني كامل لي نجحوا بمعدلات متفوقة مكانوش يدرسوا ليل نهار بالعكس هذا ياثر سلبي على التركيز و الاستيعاب

شكرا لك اختي ربي يخلييك و يوفقك "

[amira bac 12]

كلنا نشعر بهذه الحالة ... من كثرة دراسة لازم كل واحد يعطى روحو فترة يسترجع فيها طاقتو ويعاود يواصل
الله كريم .