أرشيدوني 2

[مشكلتي]

أنا صاحبة الموضوع هذا
https://www.djelfa.info/vb/showthread.php?t=1945239

لتوضيح آسفةهدرت فالموضوع بالدارجة
نقعدوا مع بعض شغل انا ليه وهو ليا حتى تترسم لحكاية
معناه
نظل وليس نجلس مع بعض
ربي يسامح لقالي راكي حابة وتكذبي علينا لا والله ياخي ولما اكذب وانا جئت لكم لكي تساعدوني وتنصحوني وهل نكذب على الطبيب !!!!!!!!!!

لكي أوضح أكثر
الشخص يريد كلمة القبول مني فقط لكي لا اكون لغيره حتى يجي يخطب وتترسم لحكاية

صح انا غلطت مشرحتش بزااف
بصح لوكان جات الحالة صح كيما فهمتوها ممكن تهدموا اكثر ميما تبنوا لا تستهزيئوا بالمواضيع

وسامحوني
جزاكم الله خيراا

[hichemhad]

اختي لا تهتمي بكلام الجهال ما دام تعرفي روحك
المهم انت ما زالك صغيرة ما تستعجليش على مكتوبك لي راه كاتبه ربي يوصلك يوصلك
انصحك كأخت لي بأن تهتمي بدراستك و لو فرضنا ان هذا الشخص ولد ناس و راه ناويك للحلال
قوليلو عندي اهل اذا حبيتني روح حكي معاهم يعني قادر يحكي ما باباك و يفهمو الوضعية
ثم كي يكون روحو يجي يخطبك رسمي
اذا وافق مرحبا و اذا لا ربي يسهل عليه
لا تنسي ان تصلي صلاة الاستخارة

ربي يوفقك

[الطيب الجزائري34]

الخطوبة معناها وعد بالزواج , ممكن يتقدم للاهل و يشرح ظروفه احسن ’ ان كانت نيته حسنة ......... و الظامن ربي .

[faty05]

اذن ياتي للدار و يحط عليك الكلمة حتى تترسم لحكاية المهم مش هدرة في التلفون او الفيس بعدها
اذا ولد اصل يبعث اهلو ماكانش لمان
و السلام عليكم

[صبرا13]

السلام عليكم و رحمة الله و بركاته
قلت أرشدوني، فعسى ان تكوني ممن يسمع و يعي، قلت الشاب خلوق يعني متربي، يعني غيرا عن حالته المادية نقول اخلاقه راس مال، فنصيحة لك لا تقبليه و لا ترفضيه، قولي له : الشيء الوحيد اللذي أستطيع ان أعدك به عندما تقصد ابي او وليي لن اكثر عليك الشروط و اسهل عليك ما استطعت، اما غير ذلك فلا وعود عندي, لماذا ؟
اولا قد يكون هذا القبول مدخلا للشيطان و تفتكرا نفسكما حلالي بعضكما ثم التنازل و الهبوط شيئا فشيئا الى الحضيض، فالشيطان قد يستدرجكما من باب الحلال الى أشد الحرام،
ثانيا و مما رايته في الواقع كثير من الشباب يقول للفتاة في وقت عندما قد يكثر خاطبوها انتظريني، فتقول له نعم ، فلما يمضي العمر و يستقر و يكون له مركز يعني يتمكن، يكثر خاطبوه ( نعم عندما يكون الشاب خلوق و ذو دخل جيد) فيبدأ ينظر الى عيوبهاو قد يعاونه أصدقاؤه على ذلك و قد يتركها، و قد حصل هذا لفتاة اعرفها فنشف ريقها هي و والديها يتوددون للشاب اللذي اصبح يصح فيه المثل (( وين نحطك يا طبق الورد)) و لولا رحمة الله كان يفكر ان يتركها، ثم لماذا الذهاب بعيدا في هذا المنتدى كان شاب طرح مشكل في هذا المعنى، ان الفتاة كبرت و هل يصح المواصلة او التخلي عنها، فان هذا الشاب أرادك يسعى في خطبتك من ابيك في اقرب وقت و عليك تسهيل الشروط عليه اذا كنت ترينه يغلب عليه الصلاح اكثر من هذا مافيش.

[صفيان 11]

ريحي من اخرطي تاعك بنات اخر الزمان تقولو احنا بنات فميليا و الله و الو البنت فاميليا و الله متمدلو عدر باش يتمدا معها و علاش خاطش معدن تعها نقي تخاف ربي لي يحاب يجيك يجي من الباب و لا راكي حابة ديري حكاية منباعد كي يطيح الفاس فو الراس ارواحي ديري موضوع اخر جيل غير قابل لي التغير

[حضنية28]

الاخت الكريمة انت طلبت النصح
وحنا نصحناك
ومنبعد كي تقبلي انت راكي رايحة تفتحي باب للشيطان
وهذا ما لا تحمد عقباه
نصيحة مني اخطيك من هذا الشئ الذي قد يجرك الى امور قد تندمين عليها منبعد...............

[حياتي نبع امل]

القبول يديه من عند اهلك .يعني اهلك هوما اللي يبلغوه اذا راكي قابلة ولا رافضة .ماشي انت تمديلو الاوكي .وشنو هاد العقلية الجديدة .قلبتو كامل الموازين .ياخوفي يجي وقت الطفلة تعود تقول للراجل مدلي الاوكي باه نجيب دارنا يشوفوك .بففففففف اتقوا الله .

[محمد جديدي التبسي]

يعني هو متى راح يتقدم يمكن تنتظريه شهر شهرين ثلاثة لا أكثر لانو في هذه الفترة اذا جاءك خاطب افضل منو راح تظلمي نفسك وتخالفي شرع ربك برفض رجل صالح في انتظار هذا الخاطب المحتمل يعني ممكن يبدل رايو في اي لحظة لذلك نصحتك ان تبتعدي عن الطرق الملتوية هذه لأنها على شاكلة اضافة كلمة اسلامي لاعطاء صبغة شرعية للشيء كالاناشيد الاسلامية والفن الاسلامي وحزب اسلامي وو..مازال غير رقص اسلامي!! يعني يربطك بيه وبعد ينسحب ويخليك في حزن وحسرة..وابحثي في تفسير قوله تعالى (ولكن لا تواعدوهن سرا إلا أن تقولوا قولا معروفا) ..ربي يفتح عليك.