اصحاب الاراء السديدة (زوجة اخي)تابع

مشكلتي · 2016-04-07, 21:27

السلام عليكم شكرا لكل من ابدى برايه في موضوعي الاول
اصحاب الاراء السديدة (زوجة اخي)
لكن ساوضح لكم اكثر لاخطارش غاضتني كنتنا وانا ايضا متزوجة ولا اريد ان اتسرع في راي لها فلو كنت عازبة اكيد راح نقولها واجهيه وهي اخبرتني انا فقط لانها مقربة لي ايه هذه البنت كاين يحبها من قبل من مراهقتو ومعلباليش علاه انفصلو وانا متؤكدة انو ما يزنيش معاها لانو تزوجت بعيدة هي في اصل قبايلية بصح كانو ساكنين حذانا وحتى زوجت في قبايل انا الي اكدلي انو ما يزنيش اني نحسو كالمراهق يدير تصرفات طاءشة حتى عندو ديزامي بنات في الفايس وهذه البنت زوجة اخي دخلت في فايس تاع خوها ومبعد دخلت في فايس تاع خويا وشافت بلي ديرلو جام ورد على ليفوتو تاعو وهي عرفتها بصح متقدرش تواجهو لاخطارش مكانش دليل قاطع وزيد يديرها ظظالمة ويقولها راكي تفتشي مورايا لاخطارش كانت تداوس معاه بصح مكانش دليل وزيد كي تروح تغضب يعاود يعيطلها ويقولها ارجعي راكي حابة تخربي دارك ويقولهاهاذو صوالح كامل مكانش منهم بصح فترة مليح ومبعد يرجع بصح هذه المرة تحوس اثبات باه تواجهو ياه يصقم روحو ولا كل واحد الله يسهل انا عيطتلها وقتلها صبري شوية وما تتسرعيش وانا كنت حابة نخبر يما والله ماعرفت زيدو انصحوني

sarl02 · 2016-04-08, 08:13

مالا دوك اصبح لعب ذراري ...على جال جام فالفايس بوك حابة اتوصلوها للطلاق ...ومن جام فالفايس رجعتوه زاني وفاسق والمخلوقة الاخرى زانية الله يهديكم ....واش دخلكم كي انت كي مرت اخوك ؟...هذا جانب شخصي محض من حياة الرجل ...يربط علاقات وصداقات مع من يشاء وهو يعرف صلاحو....المهم زوجته في مقامها وواحد ما يدنى ليها باذية او شكل اخر....لا توجد اصلا مشكلة هنا لكن بالتبهليل تاعكم هذا راح اتولو في ما لا يحمد عقباه والخاسر الوحيد ليس اخوك بل هاته الزوجة التي راه قاتلها الفيد وراهي اتنبش هنا والهيه .

thawizat10 · 2016-04-08, 14:20

جام و كمونتير في فايسبوك رجعتوها خيانة في أي عصر راكم عايشين نتوما
هذا كله توسويس من زوجة أخيك ، هذيك الانسانة كانت من الماضي هو شاف حياتو وهي كيفكيف و مكاين حتى حاجة كيما راكي تقولي غير جام في الفايسبوك
أخوك بريء حتى تثبت ادانته

زبدة ذايبة · 2016-04-08, 14:43

مافهمتش المشكل اللي عندك وش هو

يا هل ترى مشكلة شكوك على (جام برك) ؟؟؟؟؟؟

ولا مشكلة علاقة لازالت قائمة من وقت المراهقة ؟؟؟؟؟

ولا مشكلة أن هذ الزوج يحب بزاف لبنات ؟؟؟؟؟؟

ولا مشكلة عندو صديقات في الفيسبوك ؟؟؟؟؟؟

ولامشكلة زنى ؟؟؟؟؟

ولامشكلة علاقة مع إمرأة صارت زوجة لرجل آخر ولازال يتواصل معها؟؟؟؟؟؟

مافهمتش صراحة

نص الحل في طريقة عرض المشكل

ربي يوفقك

AMINA.Z · 2016-04-08, 21:40

طرحك للمشكلة من البداية خاطئ
في الموضوع الاول تكلمت و كانكم متاكدون من خيانة اخيك لزوجته يعني هناك تواصل بينه و بين المراة الاخرى
و الان اصبحت قضية جام !!!!!!!!!!

(( هبة الرحمن )) · 2016-04-09, 07:58

يا اختي لما قلت لك على زوجة اخيك ان تتريث وتسايسه وتجبده ليها باللطف واللين اتهمتني عضوة وسبتني ان قلبي حجر ...
انا اسديت نصيحة حسب عقلي وتفكيري وجسب مجتمعنا وعاداتنا ....
يا اختي لو كل زوجة تتبعت خطوات زوجها لما بقيت أسرة .....
هذا تاجر يتكلم مع النساء وهذا موظف مع الزميلات و هذا سائق سيارة وووووو ...هل كل امراة تطلق......
الرجل يروح ويروح ويرجع غير لزوجته فقط لازم هي تكون شاطرة وما تتركش الفراغ...
مين يكون يخدم بالحاسوب تجلس معاه دون ان تبين له.