#وقفة_تأملية_هام_جدا
زمن التناقضات اصبح الشخص نفسه لايعرف ماذا يريد واذا حصل عل مايريد قال انه لايريده لانه يتعارض مع مايريدونه...
بالعامية.....بعض الرجال والنساء ...
اولا:
#البنت تبغي تقرا وتخدم في خدمة مرموقة ....اذا تضحي بكل شي من اجل باه تقرا وتخدم ....يعني ممكن تعادي اي شخص وتحاربه اذا حاب يوقفها عن حلمها ...
ترفض اي زوج يجي ليها تقول حابة تقرا يعني لفترة 14 عام كاملة او اكثر ماكاش الي يقدر يديها لانها تقرا وعندها طموح ....
ولكن تخرجت وخدمت....
هنا تزيد تتقلش اكثر يعني الي ماهوش في مستواها الدراسي او المادي ماتتزوجش بيه ترفض وترفض ....والمجتمع يطلق عليها عدة اوصاف تمس بكرامتها احيانا برغم انها حرة في حياتها...
وعندما تصل عتبة سن الثلاثين تلوم القدر انو ماولاوش يجوها خطاب وانهم يتكبرو عليها ترقي تقول سحروني عطلوني وووو تبدا توسوس للصغيرات تحرشهم باه ميتزوجوش باه يبقاو بايرات يعنييي...وانا لا اقصد الجميع كاينة فقط هدا النوع حللو وفكرو ....
ثانيا:
#الرجل يقرا يتعب واغلب ايام دراستو يكون يشتغل حرف او تهمبير ودمير باه يلبس ولا يعاون في روحو ...ميزيرية واخيرا يكمل قرايتو... في هذي الاثناء يحلم باه يتزوج ولكن ماكانش دراهم ومادة باه يتزوج ويصرف عل اولادو وبعد معاناة طويلة باه يلقا خدمة متواضعة واجر متواضع نحكي عل الرجل العادي .... ..
وهنا تبدا سلسلة البحث عن زوجة
الصغيرات اغلبهم قالو لالا وحدة تقول راها حابة تقرا ...وحدة تقول تحتفظ بخدمتها اذا كان معارض لعملها ....وحدة تشوف نفسها غالية وباهظة الثمن باه تدي واحد قليلة خلصته....
ووووو
ومبعدا يلقا وحدة اخلاقها مليحة ولكن خدامة يقول المهم نصف الدين ويتفاوض عل عملها ولكن توضع شرط خدمتها متسمحش فيها يروح يخطبها ومبعدا تبدا تقول عليه انو طامع في دراهمها وتزوجها لاجل الدراهم وانو مراهش يتهلا فيها ياخي من الاول عرفتيه قليل خلصتو ضعيفة واهلها يقولو راها تشري قشها وحدها وتكسي روحها لانو راتبو لايكفي يعمرولها راسها مراهش يصرف طماع وووو ووووو...عجيب والله ...اصلا الحديث النبوي عن الرسول صل الله عليه وسلم ...تنكح المراة لاربع....وذكر لمالها....
اذا نورمال تزوجك لاجل دراهمك قالها سيدي رسول الله
ولكن للاسف المجتمع يبدا يهدر راه تزوج مراة خدامة عل جال دراهمها ...راه يخليها تخرج راها تلبس كذا ووو يتهموه في عرضه وشرفه....
شفتو التناقض ...باغية تقرا باغية تخدم وتقول راه طامع في دراهمي...والي بقات ماكثة في البيت تقول باغية واحد لاباس عليه يكون مرفه مغطي بالدراهم ...والي صغيرة قالتلك مزالها طموحات ...والي كبرت وبارت قالت علاش يشوفو غير الصغارات ....
مجتمع متناقض بزااااااف من كل النواحي اذا حابينك دير واش في راسك برك تكون اناني فيما يخص حياتك وتكون ديكتاتوري ماتحاورش هكذا راه باغي مجتمعنا الاعوج ......الله يهديكم خلو الناس تعيش بسلام الصحابة سهلو الحلال حتى اصبح الحرام صعبا
ومجتمعنا صعبو الحلال والهنا حتى اصبح الحرام سهلا حسبي الله ونعم الوكيل
ولكم واسع النظر في الموضوع....للعقول الراقية تعليقكم مرآة عقولكم افيدونا......
ولكم واسع النظر
( تقرير عن مشاركة سيئة )، و الموجودة أسفل كل مشاركة .
2016-04-01, 05:44
زمن التقليد وتصعيب الزواج
العرض العادي
