الجامعة

[مشكلتي]

السلام عليكم
إن شاء الله تكونو كلكم في تمام الصحة والعافية
والله انا في مشكلة عويصة طايحة في بير
السداسي الأول سروالنا فالدار مشاكل ومرضو خواتي في الإمتحانات تعبت بزاااااااااااااااااااف
المعدل أهو في 6 دخلت لرطراباج والله قريت بزاااف بصح مخدمتش صعبووووووه طيحت دورقا فالمحال
عاونوني تعيشوا كيفاه ندير
كيفاش نخرج العام لوكان نقولوا برطراباج يجي 7 لازم ندي 13 فالسوداسي التاني
محال مع شبه لراهم متبعينوا
حابة ننجح والله ظروفي متسمحليش باش ندوبلي محتاجة نكمل قراية نعاون عايلتي ولو نفرحهم غير الفرحة
والله عازمة عليكم

[ام رضوان]

السلام عليكم
اختي مافهمتش باه نعاونوك انا منعرفش في امور الجامعة
انا نقدر نعاونك بالدعاء
ربي يفرج كربك ويسعد قلبك
ربي يسهل امرك اميييييييين
بصح اختي ماتياسيش حاولي تقراي وتسهري ووكلي امرك لله وادعي ربي في ساعات الاستجابة

[asouma18]

السلام عليكم
ياختي النجاح فى الجامعة مش صعيب زير روحك شويا برك ..وشكون قالك بالرطرباج يطلع 7 متفللش على روحك
قراو معايي وجابو 6 و 5 ودخلو للرطرباج وكريدي وكلش ونجحو وراهم فى الماستر متخوفش روحك كل شي يفوت كامل فوتنا على هاد الطريق توكلي على ربي بالتوفيق

[مصطفى_س]

السلام عليكم و رحمة الله

صحيح ان المشاكل العائلية او في العائلة تأثر بشكل كبير على مردود الطالب و حتى المرض ان كان احد افراد العائلة مريض يأثر على بقية الافراد بالاخص الحالة النفسية

اختي توكلي على الله و كلك ثقة به انه سيوفقك للنجاح و نظمي وقت للمراجعة و وقت للنوم و وقت لاعمال المنزل و لا تيأسي او تقولي انك لن تنجحي بل رددي سأنجح باذن الله و اكثري من الدعاء
اتمنى ان تكون المشاكل في البيت قد حلت و لو جزء منها و تذكري انه توجد مشاكل لا نستطيع حلها مهما فعلنا و لكنها تاخذ حصة الاسد في التفكير لذا لا تفكري في اشياء تبعدك و تفقدك التركيز و باذن الله ستنجحين المهم قدمي الاسباب و الباقي على الله
لنفترض لا قدر الله لم يحالفك الحظ لا تقلقي ابدا بالعكس احمدي الله على كل حال و تأكدي انك قدمتي الاسباب و الله اراد ذلك

بالتوفيق و اسأل الله العلي القدير ان يوفقك وتنجحينو ان يسعد كل العائلة

[نعوم32]

ما كانش حاجة مستحيلة تقدر تعوض في السداسي الثاني لكن عليك بالدراسة أنا كي كنت في الجامعة السداسي الأول ما نخدمش كي نحسب نلقاه 7 بصح الثاني كنت نجيب نقاط ممتازة والعم نبلعه بصح خاصك تزيري شوية والسداسي ثاني يجي قصير بالتوفيق وربي ينجحك

[AMINA.Z]

الخل واحد و وحيد
السهر و الدراسة المتواصلة ....ما تهملي حتى مادة و احفظي و عاودي الامتحانات السابقة .....مازالك الامتحان و مازال الاستدراك الثاني ...نلزال كاين امل
بالتوفيق

[غزلانْ]

السلام عليكم

راجعي عادي مع التركيز أكثر على المواد ذات معامل أكبر
فهي ستضاعف نقاطك أكثر

بالتوفيق

[نسيم الريح ش]

ربي يسهل ابدلي مجهود وبالنجاح نشا الله

[maloukjaja]

روحي للاقامة مع كاش صديقة ليك انشاء الله تلقاي جو ملائم للدراسة
وربي معاك

[وسيمツ]

السلام عليكم
عليك أخي ألا تتعامل مع الدراسة على أرض 15 هكتار عليك حرثها ثم امتحان كأنه حفرة راح تحفرها بالفأس بعمق 9 أمتار ، أو عشاء ل 500 شخص راح توجديه ثم غسيل أواني ل 500 نصيب ان كنت بنت

لا أريد أن أكثر الكلام في هذا حتى لا يتميّع المعنى ، النجاح في دراستك يكون بالدراسة القليلة في الوقت الصحيح ، أؤكّد الوقت الصحيح
ان لم تعيد حل تمارين التيدي مثلا في نفس اليوم فلا تدرس أبدا إذن ! ما قد يمنعك من هذا؟ إنها نفسك ...، هي العدو
كخلاصة،لا جهد و لا هم يفرحون بحزنهم ، الدراسة المتواصلة في الوقت الصحيح
(و الفرق في المردود بين الطلبة يكون في الجهد المبذول في الوقت الصحيح)

بالتوفيق ،

[Golden Princess]

السلام عليكم

اتمنى ان تكون مشاكلك قد حلت

انت وحدك من يستطيع اخرجاك مما انت فيه ,,,, نظمي وقتك و ابذلي جهدا اكبر ,,,,,, احضري دروسك كلها " يعني كيما نقولو غير بيني بلي صح راكي باغية تقراي " و

صدقيني ان لاحظ الاساتذة انك حقا تبذلين مجهودا و انك جادة فلن يتأخروا في مساعتدك ,,,,, فالاساتذة يعرفون جيدا الطالب الجاد عن غيره

ايضا اكثري من الدعاء ,,,, فالله وحده عالم بحالك ,,,, و اعلمي ان التوفيق من عنده سبحانه و تعالى

اتمنى لك النجاح

وفقك الله و سدد خطاك

[الراغبة فى رضا الرحمن‎]

ربي يسهل ابدلي مجهود

وبالنجاح إن شا الله