ضــــولمة كرومبيط

سيرين 5 · 2016-03-30, 11:21

اليوم جبتلكم وصفة هايلة بمعنى الكلمة مممممم صحيو بنينة لي هي ضولمة كرومبيط

1- في طنيجرة رابي بصلة - دجاج - ملح - فلفل اسود - فلفل دريس - راس الحانوت - العكري - شويا كمون - م ك زيت زيتون و نقليها على نار قليلة

2- بعدها نقي الكرمب تاعك و غسليه و حطيه يفور

3- كي يتقلى البصل رابي حبة طماطم - ثوم - م ك طماطم - عرف زعيترة

4- كي تتقلى الطماطم مرقي و خليها طيب في غرضها

5- كي طابت لاصوص زدت ميكسيتها باش تجيني شابة و صافية و عاقدة و رميتلها حفنة حميصة طايبة و خليتها تزيد تغلي شويا و طفيت

6- و كي فار الكرومبيط نحيتلو الغصن لي في وسط الورقة

7- نحضر لافاغس أنا استعملت الداند آشي - معدنوس - ثوم - ملح - فلف أسود - كمون- حبة بيض

8- جاتني جارية شويا زدتلها 2 م ك فرينة تاع الشعير

9- نفرش أوراق الكرومبيط على السطح و نحط لافاغس على شكل رولو - الصورة توضح - و روليه

10- و حطييه في المول تاع الكيك و سقيه بشويا من لاصوص لي كنا حضرناها و حطيه في الفرن

11- حتى ينشف و يتحمر

12- خرجيه من القالب و قطعيه دي طرونش و قدميه مع لاصوص بالصــــحة و الراحــــة