اللّـــــــــــــــــــــــــــوبيا

[سيرين 5]

في أجواء باردة كيما هاذي ما تليق غيـــر اللّــــــوبيا سخونة الله الله ، أكلة صحية و لذيـــــذة

1- في كوكوطة رابي بصلة + دجاج + م ك زيت زيتون + راس الحانوت + فلفل دريس + فلفل أسود + كمون + عكري + ملح (أنا راني نطيب شويا مسوس على المعتاد)



2- كي يتقلى البصل رابي الطماطم + ثوم (كمية معتبرة) + م ك طماطم مصبرة + وريقات رند و شيا ماء باش ما تلسقش و نخليها تتقلى مليح



3- مرقي و خليها تغلي



4- أنا كنت من قبل شمخت اللوبيا تاعي ليلة من قبل كي تغلى مرقة ضيفيها



5- في نصف الطياب حليت الكوكوطة و ضفت حبة حار + ملعقة كمون + كمية من الثوم و زدت غلقت عليها و خليتها تكمل طيب شدتلي واحد الساعة من الوقت و قدميها بالصحة و الراحـــــة



6- أنا كليتها بالكسرة تاع الشعير بنينة و صحية ، ما حرمتش نفسي من أكلنا المعتادين عليه و لكن بطريقة صحية قليل دهون و قليل ملح هكذا ما نكرهش و ما نملش و ما يجينيش إكتئاب الريجيم



ترقبو وصفات متنوعة صحية غنية و مفيذة و شهية في الأيام القادمة

[wahibaazel]

اللوبياء نحبها في البررررد،كسرة الشعير تستعملي الفرينة او الدقيق

[maria09]

بارك الله فيك

[raniaskull]

مممممم انا نموت عليها اللوبيا يعطيك الصحة اختي

[imy09]

بارك الله فيك

[assia 45]

يعطيك الصحه

[ام فيفي]

امممممممم....لوبيا بنينة روووووووعة.....تسلم الايادي

[&ام ايوب&]

سلمت يداكي

[fatisousou]

بارك الله فيك

[x ام رحاب x]

بووووووووووووووووركتي

[حياة مليزي]

يعطيك صحة اختي تشهي

[alisia]

wasafatek raw3a oukhti surtout ki 3adet sihiya rani moutatabi3a daima lkoul atba9ak rabi yjazik wyahafdek