زعلوكة - بذنجال مشوي مع الطماطم + دجاج محمر في الفرن بطريقة صحية

[سيرين 5]

الزعلوكة أو بذنجال مشوي بالطماطم ممممممم هاذ الأكلة نموت عليها صحية و بنينة بزاف و سهلة التحضير تقدري تقدميها كمقبلة كيما الحميس في المناسبات و العرضات أو طبق رئيسي في أيامنا العادية

1- حطي حبات الباذنجال فوق الطابونة تتشوى



2- وفي الأثناء رابي الطماطم في مقلاة (يمكن شويها من قبل ثم تقطيعها في المقلاة أنا كنت مزروبة رابيتها) + الملح (قللي الملح) + م ص كمون + سنات ثوم رابي + شويا فلفل أسود + م ك زيت زيتون، غطيها و حطيها على نار قليلة تطيب في غرضها



3- في الأثناء قلبي الباذنجان مرة على مرة حتى يطيب و يصبح شكله هكذا



4- بعدها نقيه بالإستعانة بالماء يعني قشري و شللي يدك في الماء حتى تكملي تنقيه و حطيه على الطماطم لي تكون تقلاة ( ما تزيديش الماء في الطماطم لأنو الباذنجان يطلق الماء)



5- عبزي الباذنجان بواسطة ملعقة خشبية أو فرشيطة، خليها تنشف شويا و طفي عليها



6- كنت من قبل تبلت صدر دجاج ببصلة رابي + معدنوس مقطع + ثوم + ملح + فلفل أسود حطيتهم في أكياس الشواء و إلى الفرن و هاي النتيجة كي طابو



7- و قدميهم بالصحة و الهنا من فوق حطيت ملعقة زيت زيتون



8- و هذا غذايا لي راح نديه معايا للعمل باش ما نشريش الأكل تاع برا نربح صحتي و نربح دراهمي



9- هذا غدايا مع حبة تفاح و علبة ياوورت طبيعي و ربي يدومها نعمة ان شاء الله



ترقبو المزيــــــــــــــــــــد من الوصفات الصحية و اللذيــــــــــــــذة في الأيام القادمة بإذن الله

[رحمة2016]

تسخف سيرينو و انا نعملها هكدا ونزيد نقطع فيها المعدنوس ممممم هادا هو طبقي المفظل

[سيرين 5]

المشاركة الأصلية كتبت بواسطة رحمة2016

تسخف سيرينو و انا نعملها هكدا ونزيد نقطع فيها المعدنوس ممممم هادا هو طبقي المفظل

ههههههه بصحتك مام أنا نموت على الباذمجان بجميع طرق طيابو ههههههه