زوجة ابي

[مشكلتي]

مشكلتنا هي زوجة ابينا

او بلغتنا مرت بابا والله يا اخوتي مانيش نحكم عليها بصح والله كلمة مهبوووووووووولة وقليلة فيها

ماتعرفش صلاحها طووووووووووول خاوتها يحرشو فيها وهي تبع فيهم كيما قالولها ديري دير

ديما فالمشاكل مع بابا على اتفه الامور كي كان بابا عندو الدراهم كانت عاجبها الحال و ضرك كي طاحت بيه

مابغاتش . حابة تبقى تصرف كيما بكري بصح ضرك الامور تبدلت بصح هي متطلباتها ماتخلصش

فالعطلة هاذي رحنا انا واختي لدار بابا ضياف قعدنا اليوم الاول وفصباح اليوم الثاني حاوزتنا على جال ابني

كان يشرب فالحليب و ساحلو شوية فالارض بدات تعيط عليه وهو عمرو عاميييييييييييين يعني واش راح يفهم عليها

ومبعد جات ليا انا كلاتني وقاتلي بنك يفسدلي و قاعد غير يخمجلي والله غسلتني وانا ماهدرت حتى كلمة والله مارديتلها و

في اخر كلامها قاتلنا مانسحقكمش و منا وهكا كي تجيو نتوما انا نشوف وين نروح حتى تروحو و اذا جيتو ماتزيدوش تجيبو ولادكم ؟؟؟

يعني انا ابني عمرو عامين نطيشو باه نروح لدار بابا واختي ولدها 5 اشهر وين راح تخليه ؟؟؟؟؟

والله مافهمت واش راهي تخمم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هزينا قشنا انا و اختي و وصلنا خويا روحنا بلا ما قلنالها والو والله ماردينالها كلمة

كي روح بابا وسقسا علينا حكاتلو اختي الصغيرة راح قال لمرتو انا اللي مايبغيش بناتي يعني مايبغينيش انا و مانسحقوش

وكلمة بكلمة ناضت الحرب بيناتهم



والله عيينا كيفاه نتصرفو معاها كي جات جديدة كان عمري 11 سنة واختي 13 والصغيرة 8 سنين والله دارتنا الدالة على لماعن والطياب

و خدمة الدار وهي نهار كامل وهي دور برا تروح كلش تلقاه نظيف . ولادها حنا لي ربيناهم

حنا اللي نبدلو لي كوش حنا لي نوكلو حنا لي نرقدوهم

يكون عندنا عرس لازم وحدة تقعد تحكم لولاد الصغار

والله جابها بابا باه تهزنا ولينا حنا اللي نهزو فيها . وعمرنا ماشكينا لبابا هي وحدها كانت دير المشاكل

ديما تتقابض معاه ماهي حاملة حتى واحد ماهي مليحة لا معانا ولا مع بابا

والخطرة هاذي كي قالها بابا مانسحقكش قاتلو انا مانخرجش من الدار اخرج منها نتا هاذي داري و بوتفليقة عطانا الحق

فالدار ؟؟؟؟؟؟؟؟؟؟؟؟؟؟؟ ثم بابا زاد هبل

والله كون تشوفوه يشف عيا كيفاه يدير

هو ضرك عندو 58 سنة وهي 40 وعندهم 10سنين زواج والله عام مافات بلا مادير فيه حس كبير

وخلي وخلي كون نحكي واش دارت فينا كتاب نتاع 100 صفحة و مايكفيش

كل مرة يتقابضو تولي ترجع وتطلب منا السماح ونقولو خلاص ضرك تتعدل ومبعد يامات يرجعلها هبالها

انا ضرك راني 22 سنة والله جابرة عقلي عليها

.بابا ضرك حاب يطلقها قال دخلت لهدرة ماكانش لازم تهدرها وحنا قلنالو بالعقل كي يجيو دارهم وحاولو تلقاو حل

هو قالنا سمعتلكم بزاف كون درت رايي راني طلقتها كي كانت بطفل واحد ونتوما اللي كنتو تردو فيا حتى ولات ضرك ب 3 اولاد

انا والله ماهي غايضتني هي . من عندي انا كون نلقالها الموت نشريهالها

والله شفوني هاذوك لولاد مساكن على خاطر علابالي واش معناها مرت الاب مهما كان هي راح تكون حنينة على ولادها خير مايجيبلهم

مرا اخرى و يعيشو نفس السيناريو اللي عشناه حنا




على وجه ربي كيفاه راح نتعاملو معاها ؟؟؟؟؟؟؟؟؟؟؟؟؟؟؟؟

رانا في حااااااااااااااااااااالة

[متعلم انجليزي]

السلام عليكم
في هاته الظروف من احسن التحاور وتدخل اهلها وصرامة الزوج،وكيما قلتي راها مهبولة ماديريش عليها ونصحو والدكم الكريم واخبروه ماسيصيب ابناءه بدون حظور زوجته فستزيد في ظلمها فتكون ورقتها الرابحة ،لا اعرف لما يُظلم اطفال صغار والكارثة لو كانو يتامى ربي يهديها ،واشكركم على عقلكم الكبير
اسال الله العظيم ان يفرج همكم ويهدي زوجة ابيكم وييسر حال والدكم

[nanoua7]

ربي يهدي سركم ان شاء اللّٰه

[امل ضائع]

الله يصلح لحوال...
مرت الأب وكيلها ربي.. الا من رحم ربي.
الله يهدي سركم..

[مصطفى_س]

السلام عليكم و رحمة الله


هذه مشكلة فعلا و حلها صعب نوعا ما لانها طالت يعني حوالي 10 سنوات
و لكن لا تيأسن فالكريم موجود و لكل مشكلة حل باذن الله
دائما و ابدا لغة الحوار قد تحل اغلب المشاكل انا من رأيي يتكلم الاب مع اهل الزوجة لحل و لو مشكل واحد و كما قال صاحب المشاركة الاولى يجب ان يكزن صارما نوعا ما بمعنى يفرض رأيه عليها و عن الماديات فالله هو الرزاق لا تقلقن
من رأي زورو اباكم و لكن بتخفيف الزيارة و ان اشتقتما لبعضكما فلا مانع ان تزوري اختك صحيح ان الفتاة تحب بيت ابيها و لكن ظروفكما سيئة نوعا ما و لكن باذن الله ستتحسن
اما عن الاشغال و التربية فيما مضى فهي لله سبحانه عزوجل بمعني سيجازيكما الله سبحانه

اسأل الله العلي القدير ان يفرج همكم و يجمع شملكم و يرزقكم طمأنينة و سعادة

[قناعتي سعادتي]

كاين نسا مليحلهم الاعدام

ربي يهدي ماخلق

[AMINA.Z]

ربي يفرج على باباك و الله صبر عليها بزاف
تبانلي لازم يحطلها حد
يخرجها من الدار حتى تستعقل باه يرجعها و يهددها بكلمة وحدة ما يعاودهاش
و ان شاء الله ربي يهديها

[غزلانْ]

السلام عليكم

من حق ابنتيه زيارة والدهما و رغماااا عنهااا

و خصوصااا والدكمااا راضي بزيارتكما و لا يحق لها طردكماااا

و لا تخطئي و تقولي " خاوتها يحرشوها " فالصالحة صالحة و لا يغير تفكيرها أحد

و لكن هذه النقطة

"كي كان بابا عندو الدراهم كانت عاجبها الحال و ضرك كي طاحت بيه ما بغاتش "

فلتتركي الأمر لوالدك لا لتتدخلي فأنت متزوجة و أختك كذلك

بينما أبوك له ثلاث أولاد هو مسؤول عنهم رغم هيمنة زوجة أبيكم

اخر كلامها قاتلنا "مانسحقكمش " و لكن والدكم يريدكم " قال لمرتو انا اللي مايبغيش بناتي يعني مايبغينيش انا و مانسحقوش"

المهم كونا أكثر نضج منها و التزموا ببيوتكم و عن الزيارة فلتكن

زيارة بحضور والدكم لتجالسوه و تجاهلوها فأختكم الصغرى

ستدفع ثمن تسطلها و والدكم فان حدث و كان طلاق فماذا سيحل به

فالبيت تضفر به هي و أبناءها و هل ترضينها له لا يبقى له مكان

اطلبي لها الهداية و الله يعين والدك عليها

[نورسين.داية]

السلام عليكم

عزيزتي بر الوالدين هذا أمر لا مفر منه و لن تكون زوجة الأب عائق أو حائل دون دلك ......و الحل هو بسياسة الوالد الصراحة و شوية من عندكم أكيد قصدي شوية صبر

لكن في واعنا هناك الكثير من الحالات المماثلة و لي قصة واقعية مثل قصتك بالتقريب

توفيت الوالدة و أبناؤها صغار في السن تزوج الوالد في اليوم الموالي لوفاة الزوجة .........

تصوري زوج بناته على سن 17 سنة والمشكل الأولى كزوجة ثانية و البنت الثانية كزوجة ثالثة تصوري يعني الخلاصة عملية تخلص من بناته لا حول و لا قوة إلا بالله العلي العظيم .............أما بقية الدكور فكل رأى شأنه في الزواج

و اليوم هو يعيش مع الزوجة.................أنا لا اتهم زوجة الأب لأني الحياة الداخلية لا علم لي بها .....لكن ظاهريا هذا هو الواقع ........ربي جيب الخير و خلاص

[sarl02]

يعني 58-10+40-10=48+30...يعني اساس المشكلة منذ البداية ...والظاهر ان اباك امرنك ويتحمل جزء من المسؤولية...كيفاش اب اتموت زوجته واتخليلو 03 بنات اعاود الزواج بوحدة ذرية مولات 30 سنة؟؟كيفاش حبيتيها ترفدكم هذه ؟...الان قدر الله وما شاء فعل ..ما عندو ما ادير الا الصبر والاحتساب ...واذا طلقها القانون يعطيلها السكن بصفتها حاضنة وهي مزالت في شبابها وقلبها اخضر وراح ادير حالا...والخاسر الوحيد هو ابوك ..وفقكم الله.

[walido_star]

الله يفرج كربتكم
الله يفرج كربتكم
الله يفرج كربتكم

آمين يا رب العالمين

[zahozo]

شوفو كاش واحد من اهلها يكون انسان عاقل ورزين يعرف الحق ويعرف بينو وبين ربي ويهدر معاها ومع باباكم وحاولو نتو ثاني لوجه الله و وجه خوتكم لي بقاو ولوخرين
وماتنساوش ادعيو ربي يصلح الامور ويحط الرحمة
وحسبي الله ونعم الوكيل ما تخليوش خوتها يدخلو مادامهم يعمرو فيها وربي يصلح الامور