أخي

[مشكلتي]

السلام عليكم
من أين أبد
أخي صغير بالبيت هو ليس بصغير يعني عمره 19 سنة

أكبره انا بثلاث سنوات يعني انا لقريبة ليه فالدار هذه الأعوات تغير كثيييرااا
توقفه عن الدراسة وكم من مشكل حدث اثناء مداولته لدراسة قلنا لا علينا المهم الصلاح محابش يقرى خلي حبس مستوى الرابعة متوسط عاودوا 3 مرات ومن خلال هاذي 3سنين تغيرا تماما وغير يدخل لدار نريحوا فيه ريحة تاع الدخان
مع العلم أنا من عائلة محافظة
ودورقالعام هذا زعما قلنا يدير ديبلوم بعتناه للصونطر إختار
مجال وبدا يقرى 7 شهور ويسطاجي مع عمي ودوقا حاب يبطل ويقول مناسبتنيس وزعما يروح يدير سطاج آخر
وهو على حساب هدرتوا كاين صحابوا اهم يطيحوا في عمي ويكرهولوا فيه باش يروح يشد لحيط معاهم مشكيتش أهوا رايح يدير ديبلو فحياتوا
حيرنا معاه كيفاه نرديوه
والمشكل لكتبت عليه الموضوع ولمخرجلي قلبي قعدا تاعوا فالزنقة يجيب 6 7 حتى ل8 سوايع سونزاري ميدخلش لدار
قعدنا وراه باه يدخل كيطيح ليل وقدرناش
ماما رايحة تهبل تعيطلوا وميهزش مام لوكان يهز يقولها انيجايي ويكمل يقعد

وبابا لاهي مع تكنولوجيا ربي يغفرلوا
مام كتهدرلوا ماما يديرلها حكاية ويظارب معاها
شغل ماحابش يتحمل المسؤولية خلاااص
هو من العادة هكذا مام حنا تعدبنا وحدنا في كل شي بصح ربتنا ماما لاخاطر بنات ونقعدوا فالدار موش كيما هو يقيل فالزنقة
ومام لوكان يتكرم يهدر معاه سوا ميهدرش خلاص غير هكا ولا ينود يضرب ويعوق ويعيط وهذي مرة فالفال
وديما لعياط فدار وشنوا واش سرا خويي مازال مدخلش
كيما انا نكتب هكا وهي ادنت العشا واومجايين من صلاة وهو مازالوا لبرا وماما رايحة تهبل وبابا مامبا سقسى عليه خلاااااص
عاونوني بحلول والله قلبي تعب من لحكاية هذي ديما نغيد فالدار

[مصطفى_س]

السلام عليكم و رحمة الله

اخوك يحتاج الى عناية من كل افراد الاسرة لانه في سن حرجة و بالاخص الاب
يجب على الوالد ان يحدد قوانين متى يدخل الى المنزل بالاخص في الليل و من يصاحب و ماذا يفعل
الاب هو قبطان السفينة هو الذي يأمر و هو المربي و لا ننسى انه الحنون
رفقاء السوء مشكل كبير و لكن بتعاون كل الاسرة على ذلك باذن الله سينسحب
حالة مثل هذه و من رايي يجب ان يعمل او يدرس في التكوين و بالتشجيع المتواصل اي يجب ان يملأ وقت الفراغ و في المساء اكيد سيتعب لا يستطيع السهر فينام مبكرا

الله يرزقنا الهداية

[متعلم انجليزي]

السلام عليكم
في هاته المرحلة اظن دور الاب اكبر ولو متاخر لانه يرى نفسه رجل وفي وقت المراهقة كان يحتاج لابيه وهذا ما فقده اخاك عكس البنت التي تحتاج الى امها
فهو تمرد ليجذب اهتمام اباك ولكنه قد يضيع اذا وجد محيط سئ من رفقة ،ولكن سيفيق وارجو ان يكون الوقت لم يتاخر ،واحتالو عليه بان تعتبروه رجل البيت وتحترموه وقولو له صراحة ابانا نسى دوره والامل فيك ولاتوبخوه وعاملوه كرجل ربما ينفع ذلك معه
اسال الله ان يوفق اخاك ويهديه

[madjeda19]

شوفي أختي التكلم معه بعد مشاجرته لن يأتي بنتيجة . حاولي أنت أو أمك التكلم معه ونصحه و حثه على الحصول على تكوين ما لكن في أوقات يكون الجو في البيت مناسب , حاولوا كسبه و التقرب منه لأن معاداته لن تزيده إلا نفورا منكم و من البيت , و لتتكلم أمك مع أبيك على ضرورة تقربه من ابنه إذا أراد أن ينصلح أمره , ولكن ذلك لا يكون أمام أخيك
ربي يهديه و يصلح شأنه و كافة أولاد المسلمين

[وَحْـــ القلَمْ ـــيُ]

يمكن تخطي المشكل بدون مساهمة الاب والحل فيه جزئين والله اعلم
الاول هو الدعاء الصادق في جوف الليل له خاصة من طرف امك
الثاني هو يعلم هو حجم ما يفعل ويريد التوبة
وبذلك يقبله الله تعالى ويهديه
لا تضخمي الامور نعرف في منطقتنا شابا كان سكيرا والان يؤم الناس بارك الله فيه تاب
والهداية اولا واخيرا بيد الله^^

[zahra souf]

ســلآم عليكم

أختي حنا تاني مرينا بهاد الشي اللي عايشينوا والحمدلله الحمدلله خويا رجع لبااس عليه وولا لاهي بقرايتوا ولاتاني يصلي صلاتوا في وقتها ويقرا القرآن المهم خرج انسان اخر وتقي ومحبووب الحمدلله

وكل هاد بفضل جدي وبابا ... مي الصراحه نقولها حنا بابا تاني مكانش يسقسي عليه قاع وماما كيكانت تقلوا تلاها بولدينا شوي تقوووم القيامه

مالا ماما راحت لجدي بلا مايفيق باابا وقالتلوا وليدنا راح يضيع وباباه مش لاهي بيه ... المهم جدي حكى مع بابا بالهداوة وقالوا كيفاااش يتصرف معاه لانو في فترة مراهقة ولازم نسايسوه

بشوي بشوي حتى رجع خير من قبل والحمدلله


المهم خلاصة كلامي انوا ماماك هي تتصرف تروح لعند واحد كبير وتقلوا يحكي مع باباك

وان شاءالله ربي يهديه ويرجع كيما كان ان شاءالله

[walido_star]

يا أختي حاولي معه ليبدأ الصلاة
لأن الصلاة تنهى عن الفحشاء والمنكر
ومع الصلاة يكتسب أصحاب جدد يعينونه على فعل الخير
وسيكون في الطريق الصواب مع أصحاب المساجد

وحاولي أن تقنعيه بضرورة النجاح في الديبلوم الذي عمله وألا يتراجع عنه

وحاولي مع أبيك أو عمك أو أحد أقربائك أن يوظفه أو يساعده في الحصول على وظيفة

حتى ولو كان الراتب قليل إلا أنه سيأتي متعبا في المساء وينام مباشرة

وإذا ممكن تعطولوا أموال لكي يعمل رياضة والله سيتحسن ميزاجه

حاولي معه من فضله وإن شاء الله سيهديه الله وسينجح في حياته

ربي يوفقكم كامل